[ ششيرينن ابوو ععاقلهه ققتلتت ععمدآ اوو ]

السسسلامم ععليككمم

ككلنناا الييومم صصححيناا ع الخخبرر الممفججعع
اسستششهاد الصصحفيةة الححرهه
ششيرينن ابوو ععاقلهه
+
براييكمم ههل تمم ققتلهاا بتخخطيط ممنن اسسرائيل ')
ككلمهه ممنن ققلبكك ببتوججههاا ل الششعوبب و الححكوماتت الععربيهه =(

باايي

على حسب الفيديوهات اللي شفناهم
و تصريح الصحفية شذا حنايشة اللي كانت برفقة شرين ابو عاقلة
ان النقاص استهدفهم و كان الهدف اغتيالهم
حتى الفيديوهات بأكد انهم بمكان محاصر ما بقدروا يطلعوا منه غير شهداء ..
و كانت الضحية شرين ابو عاقلة

الكلمة اللي بدي اقولها للشعوب و الحكومات
انو ما تغلبوا حالكم و لا تعملوا شي
بنظركم هي متلها متل غيرها اكيد ..

تحياتي ننوش ♡

بدهم يقتلوا الحقيقة
ويضللوا العالم
طبعا القناص كان قاصدها
لانها أصيبت اكتر من مرة
الله يرحمها فلسطين كلها حزينة عليها
شكرا ننوشة

الله يرحمها ويجعل مثواها الجنه

اجابة السؤال معروفه
دايما اسرائيل بتستهدف الصحفيين وبتمنع الاعلام انه يغطي كل شي بتعمله
هالشي مش جديد عليها
وبالنسبه للشعوب عارفين انهم معنا وبدعمونا دايما
والحكومات ما في منهم أمل وما في داعي نحكيلهم شي من زمان حطين عليهم علامة اكس
عوافي حبيبتي

ما اعتقد انه عملية القتل مخطط لها بشكل مسبق
او بسبب طمث الحقائق وتعتيم الإعلام او حتي تمت الحادثة بصلة قومية
بنظرهم الفلسطيني عاري من لباسه الوظيفي مهما تعددت المهام الوظيفية صحفي وزير دبلوماسي طفل شيخ معاق كله محصل بعضه
قتلوها بعين باردة لا يعني انه تم التخطيط لاغتيالها لانه بنك أهدافهم عام وشامل اي شخص يحمل الجنسية الفلسطينية والقضية
لو هالشي مخطط اله كان عملوه من زمان
اعتقد هو تهور شخصي غير مسؤول وغير مدروس هدفه الانتقام والغل والحقد مو تنفيذ اوامر قيادية او تكون عملية اغتيال مقصودة
اعتقد عمل فردي مثل ما كل يوم وكل دقيقة بصير بفلسطين من عمليات قتل لناس أبرياء بتهمة تهديد امنهم القومي

بكرة بنزل خبر بقولو الجندي تم التحقيق معه لمحاكمته لقتل الصحفية وانه هالشي مو امر موجه من القيادة مثل ما صار مع الجندي اللي قتل ابن عرام وهو يتجاوز الجدار الفاصل بطولكرم
وما يروح مخنا لبعيد ليش ما قتلو زميلتها ليش هيا بالذات وانه هاد دليل انه هالشي مخطط وانه اغتيال طيب كمان نسأل حالنا ليش ما قتلوها من قبل او بشكل صامت مش قدام كل الناس
هي للأسف الله يرحمها كانت مشهورة اعلاميا ومحبوبة وواحد من الاثنين يا اما كانت ضحية جندي حقير حاقد تصرف علي هواه او انه كانت رسالة انه حتي اكثر مهنة تمتلك صلاحيات دبلوماسي ممنوع المساس فيه تم قتله يعني مو فارقة معنا
الحق مش عليهم الحق علي كل عربي شايف انه دمنا رخيص وهما ارخص من اللي برجلي لو صار هالشي بدولة ثانية لتحولت الي قضية رأي عام وحقوق الأنسان وحرية الاعلام


الله يرحم كل شهيد استشهد في سبيل قضيتنا