مواقف قيصرية

السلام عليكم.. طبعاً الموضوع مش باين من عنوانه هههههههه


ولكن أنا رح افهمكم شو شي أجا على بالي



لكسر الروتين


وكسر الملل


وتجنباً لكسر اي شي قدامي ههههه


طبعاً أي واحد بحياته صار معاه كتير مواقف .. ممكن انه اتسرع في التعامل معها.. وممكن انه اتعامل معها بحكمة


أنا حابب بما انه صرت احد ابناء المنتدى .. انه اشارككم بمواقف صارت معي زمان وجديد.. طبعاً منها مضحك ومنها محزن ولكن في قالب مضحك




كل يومين تلاتة رح انزل موقف واللي يفوت يقرأه يحكي لو صار معه هالموقف شو رح يعمل لو هو مكاني..




شوورايكم؟؟؟؟






يلاااا ننطلق بأول موقف..




صلوا على النبي.. عليه الصلاة وأتم التسليم




طبعا نبدأ من الأول الأول::


وانا صغير تقريبا بصف أول أو تاني ابتدائي.. يعني من 22 سنة تقريبا.. كنت فايت أنا وابن عمي من قدام مركز الشرطة مروحين من المدرسة



راح الشرطي نادى عليا حكالي خد الظرف هاد اعطيه للبنت اللي ماشية هناك قدام


انا طبعاً طفل غلبان وعلى نياته.. أخدت الظرف ورحت اجري وراها




بقولها خدي هاد وقع منك..


اطلعت فيا بنظرة استهبال وحكتلي: الشرطي اللي هناك اعطاك اياه؟؟


قلتلها اه هو كيف عرفتي؟؟؟


قال هو بيحبني وكل يوم يبعتلي اياه روح اعطيه اياه واحكيله بكرة رح تجيب ابوها معها..


قلت في بالي يا ولد يامحمود ليش ما تسرقوا وتشوف شو فيه؟؟؟ ههههههه


والله اخدته وحطيته بالشنطة ورجعت.. لقاني الشرطي قال ايش صار معك؟؟


قلتله اخدته وكانت مبسوطة .. طبعا الشرطي يمكن طول الليل صار يغني ويسرح ويحن ويرمي على حاله مخدة ريش نعام وعايش الجوو




أنا اخدت هالظرف وطيران على البيت.. فتحت الظرف انا واخوي وابن عمي.. لقيت شريط اغاني وفيه اغنية قارئة الفنجان لعبد الحليم حافظ


وطبعاً ظرف مكتوب جنبه كلام حب وغزل وهيام وسرحان..


اخر بيت شعر ما عمري بنساه مكتوب:
لو خيروني بين أهلي وهواكي.. بتركت أهلي واتبعت هواكي


طبعاً اخوي حرق الورقة واخد الشريط يسمعه هههههههههههه




وللعلم الشارع اللي كنت امشي منه بطلت افوته خالص من الخوف من الشرطي يمسكني هههههههههه




عجبكوا الموضوع؟؟؟؟؟



لو كنتوا مكاني كيف بتتصرفوا ؟؟؟؟؟؟؟