موضوع مهم.. عن القتل..!؟

امممم
حابه احكي اليوم ع موضوع القتل..
الي شجعني للحديث عن هالموضوع صارت عنا بضفه بقرية اسمها سلفيت.
طفل عمره ٧ سنوات وجدوه مقتول.
التفاصيل باختصار.
الطفل رح عند بيت خاله زيارة.
كان هناك ابن خاله وصاحبه وابن خاله عمره ١٩ سنه.
المهم وجدو على جسدالطفل آثار طعنات كان يريد أن يستدرج الصغير لممارسة الرذيلة معه لكنه رفض .وقال له سوف أشكوك إلى أهلي وأفضحك، فما كان من المجرم إلا أن يطعن ألصغير عدة مرات بمفك في بطنه، بمساعدة والده، ثم قامو بغسل دم ألصغير لكي يخفوا آثار جريمتهم الفاحشة، وألقوا به في حفرة مياه قذرة، وتركه ينزف حتى فارق الحياة".
المهم عرفو وانمسكو عن طريق الشرطه.
واهل المقتول حرقو بيوت وسيارات القاتل.
هلا بفتح الفيس لقيت كاتبين
انو شكر للجنة الاصلاح الي هدات النفوس بين الطرفين.


الله اكبر قتلو طفل
وحرقو بيوت وسيارات
وبكفي امه للولد الله بعلم بحالها.

ينتهي الموضوع بفنجان قهوة وصلح.

هلا سؤالي انتو مع لجنة الاصلاح ؟
انتو مع القاتل يقتل؟
انتو مع القصاص ؟

اعطوني رئيكم.

امممممم
الصراحه انا ضد لجنة الإصلاح
لانه طالما الأمور والنفوس سارت تمام
رح تنعاد القصه مره تانيه مع ناس آخرى
لهيك انا مع مقولة القاتل يقتل لو بعد حين
يعني للامانه ابنها يقتلوه وقلبها يتقططع والله يعلم بحالتها للام
وبالاخر لجنة الإصلاح تهدي النفوس
يا سبحان الله
هوا هادا الحل الوحيد تهد النفوس والقصه هيك تتسسكر
والقاتل يتجول وكأنه شيء لم يحصل
زي ما قتلو الطفل هادا بكرا رح ينقتل غيرو وغيرو ويضلهم لجنة الإصلاح تهدى النفوس حسسسبي الله ونعم الوكيل الله يعلم بحال الام
الله يصبرها
القاتل سيقتل لو بعد حين
وصدقيني رح يجي يوم ونسمع خبر أنه القاتل حدا قتلو
لانه محدش رح يسكت ع هيك شيء
عوافي حبيبتي

هاي اللجنة كثر خيرها هي هدفها انها طفي النار يلي بين العائلتين
بس الموضوع هذا اكبر بكثير من لجنة تطفيه
المفروض العدالة تاخذ مجراها الي قتل يقتل
خاصة انو القاتل وابوه بالغين وعاقلين
هيك رح يرتاحو اهل الضحية ويحسو انهم اخذو حق ابنهم

يعطيك العافية حبيبتي

يااا الله م ابشع القصه
هاااي جريمه
بحق طفل بريء
وحتى لما انقتل
انقتل بدون ذنب
كل ذنبه انه حمى نفسه من الخطأ
حتى لما هدد
هدد. بس تخويف وعشان يقدر يتخلص منهم
يكون جزاؤه القتل!!!
هاي جريمه بشعه ومش لازم ينسكت عليها
لجنة الاصلاح يصلحو في امور ما فيها قتل..فيها طوشه م انقتل فيها حد
يشربوا قهوه ويروحو اه
اما قتل طفل وتقطيع قلب امه عليه
هاي لازم تنحل بالقتل ويشربوا من نفس الكاس

لا حول ولا قوة الا بالله

يسلمو للطرح سكون

هلا سؤالي انتو مع لجنة الاصلاح ؟

ضد اكيد لانو موضوع في روح

انتو مع القاتل يقتل؟

طبعا
شو ذنب الطفل لحتى يموت

انتو مع القصاص ؟
اكيد
الحمدلله مافي احلى من عداله الإلهية


موضوع بوجع القلب

الله يبعتلك ايام حلوه

❤️

انا مع الشرع
العين بالعين وفي القصاص حياة يا أولى الالباب

ومن وجهة نظري يلي زاد الجرائم قلة الردع وقلة العقاب

ما في شيء يردع الناس ويخليها تخاف


يسلموا سكون طرح مهم

لجنة الصلح هذه هدأت النفوس بأنه احتوت الموقف
اللي صار من حرق بيوت وسيارات مش وقف عقاب القاتل والقصاص منه
هذه مش حادث غير متعمد.، هان فش صلح ابدا
المشكلة انه السلطة رافضة الاعدام وشايفه انه غير عادل ولازم نتابع المجتمع الدولي
فأنا مع انه القاتل يقتل واذا الحكومة فش عندها اعدام فأهل المجني يقتصوا منه
مش ابنهم يموت وهداك يعيش وينحكمله كم سنة

يعطيكي العافية

فقد حرم الله القتل سواء قتل نفسه أو قتل إنسانا عمدا أو خطأ لأنه إزهاق لنفس إنسانية وهى روح من الله وفى إزهاق هذه النفس من الإنسان عدوان على الله وانتهاك لحرمته فى هذا الإنسان المسوى بيد الله وحرم الله عز وجل قتل النفس إلا بالحق لأن جريمة القتل من الكبائر بعد الكفر بالله
هنا لازم تدخل القانون حتى ياخذ مجراه لان لو مات الحق نصبح
مثل الغابة القوي يأكل الضعيف وتبقى افة الجرائم لا تحصى
بخصوص لجنة الاصلاح يمكن لتهدئة النفوس بين العائلات حتى لا تصير كوارث أخرى
شكرا لهذا الطرح الذي صرنا نسمعه يوميا تحياتي لك وبالتوفيق عزيزتي

للاسف كتير حالات متل هيك بتنتهي بشرب القهوه
ما دام ما في عقاب رح تستمر هيك جرائم
ما هو ممكن يعتدي ع أطفال غيره
هيك اشكال الموت افضل لالهم
ناس مقرفه جدا
عوافي سكون

ابدعتم جميعا في الرد ♡