اعتبري الكلمة انخلقت إلك .. و اوثقي بإنها جاية تدق بابك 💔

بسيطة ..

قومي إلبسي فستانك الأحمر يلي ماعبالك ياه
حطّي حمرة شفاف "بتلمع" و خبّي وجهك التعبان
ما تكحلي عيونك .. بلا ما حدا يشوفك سهلة بالبكي
ارفعي صوت غنيتك الشعبية السخيفة .. و ارقصي
هزّي قلبك المكسّر .. جسمك الهلكان .. وامشي ع اللحن

مع كل دقة .. رنّة .. بحّة .. هرهري اكتئاب

فيقي من الصوت جارتك يلي جوزها تركها من زمان
وبعدها ناطرته ..

فرجيها كيف الجرح بيرقص ..
فرجيها كيف الدم بيعيّد حب لوحده ..
فرجيها شو الفرق بين المرا المستسلمة والمرا القوية

إقوي ع حالك .. بهدلي حالك فرح .. و اضحكي

خلصت الحكاية ..
فيكي ترجعي تبكي ..
وبكرا بتكوني أحسن ..

بحبّك

اعتبري الكلمة انخلقت إلك .. و اوثقي بإنها جاية تدق بابك .🖤🚶🏻‍♀️"

حبيت الكلام
انتقاء مميز ورائع

باحبك وباموت في روحك الحلوة اسووم

ما اجمل ان نتحدي جراحنا والامنا ولا للاستسلام
هههه انتقاء أكثر من رائع والعنوان بيجنن

رسالة حلوة لكل انثى
راقت لي
سلمت اناملك واحساسك

كلام حلو
عوافى الك

كلاام حلو لكل حدا مستسلم ليأسه او حزنه
يسعدكك لادراجك القيم ..

يعطيك العافيه على الطرح المميز
ارق التحايا

هرهري اكتئاب..هه
حبيت التعبير
كلمات بتجنن
يسعد قلبك اسوم
دمتي بحب♡

	السلام عليكم ورحمة الله وبركاته يسلمووووا ع الطرح القيم والجميل يعطيك الف عافية بانتظار جديدك دائما تحيتي