ارشادات مهمه عن الكورونا وكيفيه الحمايه من الفيرس

السلام عليكم
أنا نقلتلكم هذه الإرشادات لأهميتها وواجب ع الجميع
قراءة كل حرف فيها بحرص وفهم وربنا يسلم ويحمي الجميع

ضروري نبقي فاهمين ان مفيش تحليل لكل مواطن وان التوجه للمستشفي هينقلك العدوي لو معندكش عدوي او انت هتنقلها لغيرك علشان تقف في طابور طويل وفي الاخر هتبقي غير مطابق للمواصفات اللي بيطلع علشانها التحليل
طب ايه المواصفات دي؟؟؟؟
ضيق تنفس بشكل ملحوظ ومخالطة لأجنبي او عائد من الخارج و درجة حرارة مرتفعة "مجتمعين مع بعض"
يعني لو معندكش غير واحدة بس منهم محدش هيلتفتلك حتي
طيب والحل ايه؟؟؟؟؟
اذا عندك شك في الاصابة ضروري ضروري ضروري تعزل نفسك
تعزل نفسك حتي عن جيش مصر الابيض من الدكاترة لإنهم متروكين للعدوي بدون كمامة او جوانتي او غطاء للرأس او الوجه
فا انت لو معندكش عدوي هتتنقلك
من فضلك متخليش خوفك يتحكم فيك ⚠
علاج الاعراض بسيط جدا
لكن مش هنقدر نعالج والدك ووالدتك لو عندهم مرض مزمن وهتودعهم
إعزل نفسك لمدة 14 يوم

الي شاكك في اصابته بالكورونا يعامل نفسه انه مصاب ايجابي ويعمل الاتي:
يعزل نفسه في اوضة، ممنوع حد يخش عليه فيها نهائي.
يحط جنبه علبة مناديل يكح فيها بشكل مستمر.
يطلب من حد يوفر له بخاخة فيها ١٠٪؜ تركيز كلور، يعني يملى عشرها كلور ويكمل الباقي مية حنفية ويحطهاله على باب الاوضة.

باسكت الزبالة اول ما يتملى نقفل الكيس ونرش عليه من بره بالكلور المخفف... ملحوظة، الكلور المركز ضعيف التأثير، عشان يبق فعال لازم يتخفف ١:١٠

اي حاجة تخرج من عنده في الاوضة لازم تكون غرقانة كلور.
هدومه المستعملة تتحط في كيس لوحدها وفي الغسالة على طول. والي هيغسلهم يغسل ايديه كويس جدا بعدها
ادوات الاكل يعد ما يخلصها يرشها بمحلول الكلور
ممنوع حد يخش عليه
ممنوع يخالط حد مم اهل البيت.

ياكل كوبس اكل فيه بروتين ويشري سوايل كتير جدا
بعد استعمال الحمام لازم الحمام يتعقم بمحلول الكلور (مكان القعدة) نرمي شوية كلور في مية التواليت، نرش الاكر والحوض.
يفضل كده عالاقل اسبوعين بعد انتهاء الاعراض
هو هيتجنن والبيت الي معاه هيتجنن، بس هو في النهاية هينجو والبيت الي معاه برضه هينجو

ما يروحش مشتشفى غير لو نفسه انقطع وبقى مش عارف يتنفس.
غير كده، اعزل نفسك وارتاح في البيت وركز في التطهير

تحديث# الكلور المخفف بيستخدم كمظهر للاسطح مش للجسم واكيد مش للغرغرة
ايضا، الكحول لازم تركيزك يكون ٧٠٪؜ عشان يبقاله فايدة، الكحول بنسب اقل من كده محدود التأثير.
الكلور هو اقوى مطهر للاستخدام لو اتخفف ١:١٠
نرشه على بسكت الزبالة الي فيه المناديل، على صينية الاكل بعد ما ناكل
اي حاجة لمسناها بايدينا وقت المرض تترش بالكلور
الكلور corrosive هيبوظ الاسطح المعدنية لو اتساب عليها
لكن لواتغسلت بعد كده بالمية والصابون ولا هيجرالها حاجة
هتعمل ايه لو جيرانك اللي جنب بيتك اكتشفت بين يوم وليلة إصابة حد فيهم؟؟؟؟
خد حذرك وهتبقي بخير
⚠مسافة آمنة للتعامل مع الأشخاص 2 متر
⚠غسل الإيدين لمدة عشرين ثانية احفظهم بأي اغنية بتستمر ل 20 ثانية
⚠تطهير الاسطح بكلور 10%

⛔طيب واذا حسيت بأعراض "رشح/سعال/عطس/إحتقان في الزور/سخونة اكتر من 37.8 مستمرة او بتزيد؟؟؟؟"

⚠العزل الذاتي "إوعي تروح مستشفي علشان لو دور برد عادي احتمال كبير ترجع بكورونا ولو كورونا اكيد هتنقل العدوي كل اللي حواليك من مرضي "

�� هتجيب شريط باراسيتامول وترمومتر وتراقب حرارتك لغاية ما تنزل

☕���� هتشرب سوايل كتير وعسل ابيض علشان ترطب زورك

��هتستخدم مية وملح وخل وليمون �� للغرغرة وتنضيف وغسيل الفم

�� هتقعد في البيت 14 يوم

اذا عندك كحة ناشفة او ببلغم

⛔ إحذر المضادات الحيوية دلوقتي و هات اي ازازة دوا كحة من الصيدلية علي حسب الكحة ناشفة او ببلغم وخليك اكثر حذرا في التعامل

�� اذا عندك اعراض إنت اولي واحد تلبس كمامة علشان متسيبش رزازك علي كلزالأسطح واتأكد انك بترميها في الكيس اللي ف جيبك مع المناديل طالما خلعتها وتستعمل واحدة جديدة

✋إذا حسيت بضيق تنفس أطلب المساعدة من اقرب مستشفي بالتليفون وهما هيجولك لغاية عندك ❤
المسافة الآمنة 2 متر والعزل الذاتي عند الشعور بأعراض بسيطة هو اللي هيخلينا نعبر الأزمة ومش هنطول فيها


وربنا يسلم ع الجميع

الله يعافينا الأمر خطير لكن محتاج وعي منّا
بالوعي ممكن نتغلب على المرض ونسيطر عليه
مشكورة سارة المصرية
وربنا يحفظنا ويحفظكم

ارشادات مهمه حبيبتي
عسى ربي يعافينا ويلطف فينا
تسلم ايدك على النقل ربي يبعدك عنكم كل مكروه

اللهم احفظ الجميع ويعدي هذه الفترة ع خير
ميرسي لتواجدكم هل كان حبا وتراتيل

والله ربنا الستار من هالكرونا
وربنا يحمي الجميع ويبعدو عن الجميع
الامر ابدا مش هين بجد
عوافي

وانا بايد هل كان حباً
انو الوضع بدو توعيه اكتر. حتى نقدر نحافظ على انفسنا
والله يعافينا ويعافيكم.
يسعدك يارب

اللهم امين انرتم جرح وسكون

انتشار هالمرض خطير مع اول حالة بتبدأ الاصابات تزيد كل يوم
الله يعافينا ويبعد عنا ..
يعطيك العافية لادراجك هالنصائح ..

أنرت الصياد وربنايعافي الجميع

اللهم عافينااا

يسسلموو حبي للافادة

تحياتي لالك