أمثال عن شهر آذار

امثال شهيرة عن شهر اذار

اذار .. أبو الزلازل والأمطار
اذآر أبو سبع ثلجات كبار غير الصغار.
اذآر الهدار فيه الصواعق والأمطار.
اذآر أوله سقعة وآخره نار.
إن أخصبت وراها آذار.. وان أمحلت وراها اذآر.
إن خلص اذآر اللي عمّر عمّر، واللي بار بار.
إن لسّن الزيتون في اذآر ولفوا لهُ الزّيار.
برد اذآر بقص المسمار.
حشيش اذآر للشطار وحشيش نيسان للكسلان.
خبي فحماتك الكبار لعمك آذار.
شهر اذآر ساعة شميسة.. وساعة أمطار.
العشب في اذآر قد ذنين الفار.
في اذآر افطم ابنك ولو أنه قد الشنار.
اذار شمس وامطار وينشف الراعي بلا نار.
في اذآر العجوز ما تفارق النار.
في اذآر بتحيى الأشجار.
في اذآر بتساوى الليل والنهار.
في اذآر بعشش الدوري وتورق الأشجار.
في آذار حط المواقد باب الدار.
كل رعدة باذآر مطرة بنيسان.
هوا اذآر بيقلع الأشجار.

امثال جميله حبيبتي
تسلمي

اقتباس   المشاركة الأصلية كتبت بواسطة قبانيه الهوى امثال جميله حبيبتي تسلمي

الله يسلمك يارب

كمان الجو م تقلب م بين الصيف و الشتى
احسنتٍ ملوكه ‏❤️
الله يبعتلك ايام حلوة
و
سنين احلى

اقتباس   المشاركة الأصلية كتبت بواسطة وردة فرح كمان الجو م تقلب م بين الصيف و الشتى احسنتٍ ملوكه ‏❤️ الله يبعتلك ايام حلوة و سنين احلى

من يومين كان شتا غزير
وهلا ايام صيف

إن خلص اذآر اللي عمّر عمّر، واللي بار بار.

حلو هاد هههه
اختيار جميل
ماننحرم جديدك

اقتباس   المشاركة الأصلية كتبت بواسطة خَمْر أيلول إن خلص اذآر اللي عمّر عمّر، واللي بار بار. حلو هاد هههه اختيار جميل ماننحرم جديدك

محتارين شو يحكو هههه

كل هدول امثلة عن اذار
مدلل هالشهر هههه
يسلمو ملوكه

اقتباس   المشاركة الأصلية كتبت بواسطة lonely heart كل هدول امثلة عن اذار مدلل هالشهر هههه يسلمو ملوكه

طلع مو قليل هالشهر

اقتباس   المشاركة الأصلية كتبت بواسطة lonely heart كل هدول امثلة عن اذار مدلل هالشهر هههه يسلمو ملوكه

ماشفتى شباط والامثال يلى اله
اذار ملوش جنب حظه ههههه