اثبتلكو انو البنات قلابين و خبيثين وهيك

اذا بنت اسمها ( نجوى ) عملت حفلة عيد ميلادها عندها بالبيت ، وجابت كل صاحباتها ، وفي كم صبية من صاحباتها دخلو ع غرفتها يزبطو الميك اب او القصص هاي ، دخلو وطلعو ودخلو وطلعو !

( هسا القانون الدولي بالعالم بقول ، انو دايما بعد كل حفله نسوان بتنعمل بالبيت ، لازم يضيع اشي!
يا إما : سنسال ذهب خفيف أو ساعة مطلية ذهب ابيض ،أو مبلغ من النقود بكون عند المراي عالطرف )

المهم بعد عيد ميلاد نجوى ، ولما كل البنات يروحو ، وتبلش نجوى تنظف بالبيت و امها فوق راسها بتبهدلها ، المهم نجوى بتفقد خاتمها الذهب اللي شلحتو وحطتو عالمراي بأول الحفله!

اول اشي بتعملو نجوى بتقول : فش غيرها سناء ، هي اللي اخدتو ، والله عارفه ، دخلت وطلعت عالغرفه مليون مره ، اصلا عينها عليه ونفسها فيه من لما اشتريتو ، والله لافضحها ، وبتبلش ترن ع صاحباتها وحده وحده وتقلهم سناء سرقت الخاتم تبعي ، وببلشو صاحباتها :

وفاء : بتعرفي اني استغربت منها لانها دخلت كتير ع غرفتك!
رجاء : يييي الله لا يوفقها الحرامية بنت الحرامية!
صفاء : كأني شفتها وهي بتوخدو والله ، وبس شفتها انعجقت وعملت حالها بتعطس!
ولاء : كنت بدي اقولك انها سناء من قبل متقوليلي!
الآء : مهي حرامية معروفه ، مرة سرقت بيتزا من المحل عينك عينك!

وبعملو جروب واتساب اسمو ( سناء الحرامية )
وببلشو دعاوي ومسبات ودلائل وقصص و اثباتات انها حراميه!

بتيجي إم نجوى ماسكة الخاتم ، بتقولها خدي خاتمك لقيتو ورى المراي!
بتوخدو نجوى ، وبتبعت مسج عالجروب ، الحمدلله لقينا الخاتم ، منيح ما طلعت سناء اللي سارقتو !!

وفاء : يحرام ظلمناها
رجاء : قلتلك دوري منيح!
صفاء : يلا منيح انو التقى!
ولاء : ديري بالك المره الجاي!
الاء : هي ما سرقت البيتزا يومها ، طلعت ماخديتها فري!

الشباب : اذا شب عمل حفله بالبيت ، بسكر غرفتو وبقول شباب انا سكرت الغرفه لأنكو حرامية 😂
واذا حدا سرق اشي من عندو ، بس يوصل البيت بصورلو ياها يجاكرو وبقولو : والله ما برجعها من زمان نفسي فيها

#عمر_زوربا