خمر يسعد مساكي،
قبل ما اجاوب ع الاسئلة، حابه احكيلك شكرا الك كثير لأخترتيني فموضوعك او بالأحرى لأكون اول ضيوفك.
_ اهم شي بيميز شخصيتك ؟ وبتعتبرى حالك عصبية ومتسرعة والا هادية ومتأنية ؟
بحاول دايما اعرف الجواب ع هذا السؤال، لإنه بلاحظ اني دايما بجذب وبعجب الناس، واكيد مش كل الناس بس بحكي ع وجة العموم،
تا عرفت إني انا بحبش وبرضاش اكون إنسانة عادية، ان كان بأسلوبي، بالتصرفات، حتى بشكلي،
حتى لو بديش اعجب كل الناس، بس بحبش كون عادية، لإنه بصير أحس مثل كإني عم بهين نفسي، لمن انا فيني كون اثار اكثر من هيك واحلى من هيك وافضل من هيك، فليش ما اعملش قد ما بقدر لأكون هيك؟
وزيادة ع صراحتي.
كوني شخص صريح والاشي مميز اعتقد، لإنه الناس مش بس بتحب الصراحة، كمان بتحب الإنسان الصريح.
/
عصبية ومتأنية بنفس الوقت، بعتقد مفش إنسان بيعصبش، كلنا معرضين لنمرق بلحظات عصيبة اللي تخلينا نعصب،
وبكل الاحوال بتعلق فالموقف ..
_ ردود أفعالك ، بتخضع للدراسة قبل اعطاء القرار والا لحظية ؟
بتعلق فالموقف، انا بالاخير إنسانة مش مثالية، فيني سلبيات مثل ما فيني ايجابيات، مواقف كثير ممكن تخليني اتصرف بدون ما افكر، مواقف تانية بكون معي وقت كتير لأفكر وآخد قرار، الوقت الو علاقة ..
_ انطباعك عن الشخص ، شكله او تفكيره يلى بترك اول انطباع عندك ، وكيف بتقدرى تحكمى ع الشخص من خلال عالم افتراضي ؟
طريقة التفكير اهم بكثير من الشكل.
انطباع اول .. تقريبا سؤال صعب، يمكن بتعلق وين عم تتعاملي مع الشخص، وجه لوجه او فالانترنت، وجة لوجة بحكم عليه من تصرفاته(أفعال)، اما بالانترنت بحكم عليه من كلماته يللي بيكتبون، بما إنه طريقة التواصل مع الناس فالانترنت هو كتابة اكتر من اي اشي ثاني.
والانطباع الاول يللي باخده عن الشخص فعالم الانترنت، هو "كلماته الاولى"، في ناس رح تبلش معك بشكل كتير تافه !! انا هاي الناس كيف بدي اضلني حاكيها؟ او على اي اساس بدي اعطيها فرصة؟ إذا من اول كلماته ببينلي إنه تافه، فكيف لقدام؟ لهيك "الاول المرة" كتير مهمه بالنسبه إلي.
_ انعرف عنك خلال تواجدك بالمنتدى انك بتحللى شخصية العضو وفى الغالب تحليلك بيكون صح ، على اي أساس بتحللى شخصية العضو؟ وممكن اى عضو تكونى قادرة تميزيه عن غيره ؟
كتير شغلات بتساعد لأحلل العضو، اسلوبه، رمزياته، مشاركاته بمواضيع معينة، لإنه في هون مواضيع بتطلّب مشاركات معينة مختلفه عن بقية المواضيع .. حتى اختياره للغناني، كلمات الغناني، التوقيع الشخصي .. ردات فعله بمواقف معينة،
يعني لأعطيكي مثال، في كتير اعضاء ردات فعلون كانت بشعة، بموضوع خلف الكواليس،
انا بعجبش كل واحد هون، مثل ما انا مش كل واحد بعجبني، وعلى هالأساس لازم نتقبل الاشخاص يللي ما برغبونا، لإنه مفش اشي بالقوة، صعب يحبونا بالقوة !
نتعود نحكي شكرا، كلمه بتكفي وبتوفي، وشوف كيف رح تفرجي الكل إنك ذوق وذكي واخلاق، حتى لو اللي قبالك كان كلامه فاحش، بس محدا بتقبل النقد، هاي هي بكل بساطه.
/
عندي القدرة نعم إنه اميز بين كل عضو وعضو، وكنت مخططه قبل فترة إني اعمل موضوع عن كل الاعضاء، كل عضو وشو بيميزه فكلمة وحده، بس تراجعت ..
آخر 10 مواضيع
بالمختصر مع أيلول
العرض العادي
