مجرد فضفضة...بطلب المدللة بريئتنا

عشت عمري كلو ع قدي وقد يلي حوليي ..
ما بحياتا غرتني المظاهر ولا الدنيا ..
طول عمري برتاح بالاماكن الشعبية بين هالناس الطيبة اكتر من الاماكن الراقية بين ناس أغلبهن مظاهر قميئة ..
دخاني ماركة عادية لأن برتاح ومبسوط فيه مو لأن امكانياتي المادية ما بتسمحلي دخن مارلبورو أو كينت ..
حامل 3 موبايلات، 2 منهن من النوع الفخم صح، بس لأن شغلي الكبير بيتطلب أجهزة مواصفات كبيرة، مو منشان البريستيج أبداً ..
تيابي بشتريهن من أي مكان المهم حلوين ..
بحب الناس الفقرا .. يلي بس تدخل ع بيوتهن بيقدمولك كلشي عندهن وهالشي بيساوي مال قارون بالنسبة الي ..
انا حدا مر بمرحلة الغنى وبعدها بمرحلة الفقر المدقع يلي استمرت أعوام ..
بكون عم كذب إذا بقول أني حنيت للفقر لأنو بشع كتير وسيء للنفسية ولكلشي .. بس الحمدلله عشت المرحلة بكل كرامة وتعلمت منها كتير ..
الله يخليلي الناس يلي متلي بحياتي .. برتاح فيكن ومعكن كتير ❤️

بحب الناس الفقرا .. يلي بس تدخل ع بيوتهن بيقدمولك كلشي عندهن وهالشي بيساوي مال قارون بالنسبة الي ..
ذكريات حلوة عشناها ما احلاهن
فضفضه من القلب بكلمات بسيطه معانيها كبيره
حبيت
يسلمو حبيبتي ملاك
الله يبعتلك ايام حلوة
و
سنين احلى

بعمري ما اهتميت للمظاهر
ولا اتطلعت عشي بايد غيري
ما في احلى من البساطة وانك تعيشي وسط الناس الطيبين البسيطين

وبفترة من الفترات مرة علينا اوقات صعبة كنا وقتها بس نامن كيلو الخبز
وكنا نتعايش مع اي ظرف بنمر فيه وبنفرض علينا
وما بعد العسر الا اليسر
كلام حلو كتير...حبيته ولاقيت نفسي فيه
عوافي *ملوكة*
والشكر موصول ل مدللتنا *البريئة*

اجمل شيء البساطة و التواضع
ما بنكر الفقر صعب لكن كل شيء من ربنا حلوو
حبيت الموضوع بكل معانيه
الف شكر

كلاام حلو واكيد البساطة ما في بعدهاا
والمظاهر والمنظرة الكذابة بيكونوا ناسها بشعين مهما جملوا حالهم
يعطيك العافية لادراجك ..

اقتباس   المشاركة الأصلية كتبت بواسطة انجلينا جولي بحب الناس الفقرا .. يلي بس تدخل ع بيوتهن بيقدمولك كلشي عندهن وهالشي بيساوي مال قارون بالنسبة الي .. ذكريات حلوة عشناها ما احلاهن فضفضه من القلب بكلمات بسيطه معانيها كبيره حبيت يسلمو حبيبتي ملاك الله يبعتلك ايام حلوة و سنين احلى

الله يسعدك
وانا حبيت حضورك
يجعل ايامك كلها سعادة

اقتباس   المشاركة الأصلية كتبت بواسطة شهد الروح بعمري ما اهتميت للمظاهر ولا اتطلعت عشي بايد غيري ما في احلى من البساطة وانك تعيشي وسط الناس الطيبين البسيطين وبفترة من الفترات مرة علينا اوقات صعبة كنا وقتها بس نامن كيلو الخبز وكنا نتعايش مع اي ظرف بنمر فيه وبنفرض علينا وما بعد العسر الا اليسر كلام حلو كتير...حبيته ولاقيت نفسي فيه عوافي *ملوكة* والشكر موصول ل مدللتنا *البريئة*

حلو كتير انو ما نغار ولا نحسد ع شي مو ملكنا
ونضل مقتنعين بالشي يلي عندنا

حبيت كلامك وعقويتك
يسعدك ربي

اقتباس   المشاركة الأصلية كتبت بواسطة البريئة ! اجمل شيء البساطة و التواضع ما بنكر الفقر صعب لكن كل شيء من ربنا حلوو حبيت الموضوع بكل معانيه الف شكر

اشي اكيد البساطة حلوة
بس مو اي حدا بكون فيها وعايشها

شكرا الك

اقتباس   المشاركة الأصلية كتبت بواسطة الصياد كلاام حلو واكيد البساطة ما في بعدهاا والمظاهر والمنظرة الكذابة بيكونوا ناسها بشعين مهما جملوا حالهم يعطيك العافية لادراجك ..

الله يعافيك
فعلا هيك ناس بشوفهم بحياتي بشعين من جوا وبرة

فضفضه حلوه كتير
وحلو الواحد يعبر عن كل اللي جواته بكل صدق وصراحه
مش ضروري دايما الواحد يضل لابس توب العنجهيه والتفاخر والتكبر
حبيت طرحك ملاك
يسلمووو