السعادة !

أسعد الله أوقاتكم


لكل منا منظوره الخاص بالنسبة للسعادة ..
و يقولون الشجرة التي لا تظلل أحد بأورقها لا تكون شجرة و لا تعرف معنى السعادة الحقيقية

ترى كيف ترون السعادة ؟

كيف تعبر عن سعادتكَ و هل تشاركها مع من تحب ؟

من هو أول من تشعره بسعادتك ؟

هل نحن من يصنع سعادتنا ؟

عندما يحدث معك موقف أو تسمع كلام يسعدك هل تحتفظ به لنفسكَ أم تخبره للغير ؟

السعادة عند الفقير أن يصبح غنياً.. و عند الغني أن يصبح أغنى أو أن يصبح فقيراً
و عند الفاشل أن يصبح ناجحاً و هكذا ... هل بالضرورة أن تكون السعادة بزيادة ما نحن عليه من غنى أو نجاح أو أو ....؟


بانتظار تفاعلكم

ترى كيف ترون السعادة ؟

السعادة بشوفها بالرضا و القناعه و الحياة الي الله سبحانه
بكتب ها لا النا

كيف تعبر عن سعادتكَ و هل تشاركها مع من تحب ؟

بالفرح و الضحك ، طبعا بحب اشاركهم الغوالي


من هو أول من تشعره بسعادتك ؟

اهلي و صديقتي المقربه


هل نحن من يصنع سعادتنا ؟

نعم ، لانه هاد شي بايدينا ، شغلات بسيطه بتفرحنا ازا نحنا بدنا و العكس صحيح


عندما يحدث معك موقف أو تسمع كلام يسعدك هل تحتفظ به لنفسكَ أم تخبره للغير ؟

احيانا هيك و احيانا هيك
بس الأغلب بحكي للغوالي

سؤال جميل جدا
رائعة أنتٍ نقاء
الله يبعتلك ايام حلوة
و
سنين احلى

رح احكيلك بصدق وصراحة
ايامنا هاي ايام مادية
كتير صارت حالات طلاق من الفقر
ف اصبح سبب للسعادة هو المصاري
لانو احنا بلاها ما بنعيش
يمكن لو نرجع عشرين سنة بتتغير افكارنا
بس هلا بدون المصاري ما بنعيش
خلينا واقعيين
لو ما في مصاري ما بتقدري تتعالجي
ما بتتقدري تتعلمي
ما تقدري ترفهي عن حالي بشي رحلة او طشة
ما بتجوعي
ووووو
شغلات كتيرة بتبسطنا سببها المصاري


شغلة تانية هي الصحة
ما في مصاري كيف حتجيب الدوا
كيف حتدفع كشفية دكتور
كيف حتعمل صور واشعة وما الى ذلك


بس كمان شغلة تانية مهم هي راحة البال والفكر

ازا كان بالك رايق وما في شي ينغص عليكي ف انتي بقمة السعادة حتى لو ما كان عندك شي تاكليه مثلا

هاي وجهة نظري

كمان شغلة تانية
كل م بعدت عن الناس وعلاقتك معهم صارت رسمية
كل ما كنت مبسوط ومكيف

ترى كيف ترون السعادة ؟
في راحة البال وصحة الاشخاص يلي بحبهم ولما أكون مرضيه ربي وأهلي
واهم من كل الأمور القناعه بالشي يلي ربنا كتبلي إياه

كيف تعبر عن سعادتكَ و هل تشاركها مع من تحب ؟
بالانبساط والفرح ومشاركة هالسعاده مع الناس يلي بحبهم

من هو أول من تشعره بسعادتك ؟
اهلي وصديقاتي وكل يلي بحبهم

هل نحن من يصنع سعادتنا ؟
صحيح هالشي نحنا يلي بنصنع سعادتنا
من ابسط الأمور والاشيا ممكن نسعد حالنا

عندما يحدث معك موقف أو تسمع كلام يسعدك هل تحتفظ به لنفسكَ أم تخبره للغير ؟
حسب هالشي ممكن احتفظ فيه او ممكن اخبر غيري عنه

السعادة عند الفقير أن يصبح غنياً.. و عند الغني أن يصبح أغنى أو أن يصبح فقيراً
و عند الفاشل أن يصبح ناجحاً و هكذا ... هل بالضرورة أن تكون السعادة بزيادة ما نحن عليه من غنى أو نجاح أو أو ....؟
الفقير بفكر الغني سعيد والغني بفكر الفقير انه سعيد
ما في حد خالي من الهموم
وكل انسان سواء غني او فقير دايما بنظر لغيره وبفكر انه اسعد منه
ما بنكر انه المصاري بتعمل كتير اشيا
وبتوصلك لاعلى المراتب وتعيشك عيشه مرفهه وبتحققك كل شي بتتمناه وممكن تخليك انسان ناجح


أسئلة حلوه
يسلمو هالديات نقاء

ترى كيف ترون السعادة ؟
السعادة بالنسبة إلي أكون مرتاحة وبالي مرتاح

كيف تعبر عن سعادتكَ و هل تشاركها مع من تحب ؟
بأي شيء يدخل السرور على قلبي، وأكيد بشاركها مع الناس يلي بحبهم

من هو أول من تشعره بسعادتك ؟
أهلي

هل نحن من يصنع سعادتنا ؟
أكيد، بس الواقع إله دور كمان

عندما يحدث معك موقف أو تسمع كلام يسعدك هل تحتفظ به لنفسكَ أم تخبره للغير ؟
بحتفظ فيه لنفسي

السعادة عند الفقير أن يصبح غنياً.. و عند الغني أن يصبح أغنى أو أن يصبح فقيراً
و عند الفاشل أن يصبح ناجحاً و هكذا ... هل بالضرورة أن تكون السعادة بزيادة ما نحن عليه من غنى أو نجاح أو أو ....؟
لا طبعًا مش ضروري ولا هالاشي مقياس ولا تعريف للسعادة، لأنه السعادة ممكن تكون بأبسط الأشياء لدرجة لو طفل صغير ابتسم إلي بالشارع كفيل بإنه أشعر بالسعادة


أسئلة حلوة
شكرًا نقاء لطرحها

ترى كيف ترون السعادة ؟
السعادة بالرضا والقناعة بوجود اشخاص بنحبهم في حياتنا
بوجود اهلنا حوالينا بشغلاات كثيرة ..

كيف تعبر عن سعادتكَ و هل تشاركها مع من تحب ؟
ابسط شيء بالابتسامة والملامح البشوشة .. واكيد السعادة اساسها المشاركة ..

من هو أول من تشعره بسعادتك ؟
ما في حد محدد تقريباً

هل نحن من يصنع سعادتنا ؟
اكيدد

عندما يحدث معك موقف أو تسمع كلام يسعدك هل تحتفظ به لنفسكَ أم تخبره للغير ؟
لا السعادة لازم نتشارك فيهاا ..

السعادة عند الفقير أن يصبح غنياً.. و عند الغني أن يصبح أغنى أو أن يصبح فقيراً
و عند الفاشل أن يصبح ناجحاً و هكذا ... هل بالضرورة أن تكون السعادة بزيادة ما نحن عليه من غنى أو نجاح أو أو ....؟
لاا مش بالضرورة ممكن بقناعتنا ورضاانا نحس بالسعادة اكثر ..


يعطيك العافية ع هالاسئلة الحلوة ..

السعادة تكمن في القناعة ورضى النفس
وفي النفس السليمة المعطاءة
فأكبر السعادة هي أن تراها في وجه من نحبهم
في بذل الخير
في رسم الابتسامة
انا حبيت اختصر اجابتي لكل الأسئلة
لانو هو موضوع طويل
السعادة لقلبك نقاء
شكرا على موضوعك.

ترى كيف ترون السعادة ؟ انه الانسان يكون قنوع وراضي بما قسم الله له

كيف تعبر عن سعادتكَ و هل تشاركها مع من تحب ؟ م بعرف اعبر عن شي غير انه لو ظهر عليه , اشاركها ممكن لما اكون مبسوط امزح مع امي او مع صحابي بيعرفو اني رايق هه

من هو أول من تشعره بسعادتك ؟ امااه

هل نحن من يصنع سعادتنا ؟ ممكن الانسان نفسه يصنع سعادته وممكن انسان تاني بحياته يجعله اكتر الناس سعادة

عندما يحدث معك موقف أو تسمع كلام يسعدك هل تحتفظ به لنفسكَ أم تخبره للغير ؟ لا ما بخبر حد بحتفظ فيه

السعادة عند الفقير أن يصبح غنياً.. و عند الغني أن يصبح أغنى أو أن يصبح فقيراً
و عند الفاشل أن يصبح ناجحاً و هكذا ... هل بالضرورة أن تكون السعادة بزيادة ما نحن عليه من غنى أو نجاح أو أو ....؟ عند الفقير حقه انه يطلب انه ربنا يغنيه , وعند الغني سبحان الله الانسان طماع ع قد ما ممكن يكون بسيط وقنوع , وعند الفاشل طبيعي لما يصير ناجح حيكون اسعد الخلق , السعادة الحقيقيه عند تحقيق شئ كنت تتمناه او تعمل شي صعب كان ينعمل .



يعطيكِ العافيه نقاء
احترامي

السسعادهه ههي نققتنعع شششو
اللهه اععططاناا و ننامم و ممو ككاسسرينن
خخاططر ححدنن ")
يسسلممو نقااءء
وردهه

اقتباس   المشاركة الأصلية كتبت بواسطة انجلينا جولي ترى كيف ترون السعادة ؟ السعادة بشوفها بالرضا و القناعه و الحياة الي الله سبحانه بكتب ها لا النا كيف تعبر عن سعادتكَ و هل تشاركها مع من تحب ؟ بالفرح و الضحك ، طبعا بحب اشاركهم الغوالي من هو أول من تشعره بسعادتك ؟ اهلي و صديقتي المقربه هل نحن من يصنع سعادتنا ؟ نعم ، لانه هاد شي بايدينا ، شغلات بسيطه بتفرحنا ازا نحنا بدنا و العكس صحيح عندما يحدث معك موقف أو تسمع كلام يسعدك هل تحتفظ به لنفسكَ أم تخبره للغير ؟ احيانا هيك و احيانا هيك بس الأغلب بحكي للغوالي سؤال جميل جدا رائعة أنتٍ نقاء الله يبعتلك ايام حلوة و سنين احلى

فعلا رشا السعاده هي القناعه والرضا ونحن من نصنع سعادتنا
نورتِ حبيبتي
حبيت اجاباتك