التمس لأخيك عذرا

انا فعلا مريت من جنبك و ما سلمت عليك ؛ بس انا ما شفتك انا بلبس نضارة و ما بشوف منيح من بعيد من دونها... 🤦‍♂️

انا فعلا كنت ماسك الموبايل و انت بترن علي ؛ و شفتك بترن بس ما رديت لانه كنت قاعد في مكان كله ضجة و ما كنت رح تسمعني .. 🙂

المسج فعلا كان seen و شفت كلامك بس مزاجي ما كان رايق و لا كنت مهيئ احكي مع حدا في هاي اللحظة..! 🙂

انا نفسي اطلع معك فعلا و انت زعلت مني اني ما طلعت بس ممكن مصاريي خلصوا و عم بستنى بداية الشهر مشان اطلع معك.. 🙂

كان نفسي جدا اعزمك ع عرسي، بس العدد كان محسوب بالشخص، و فعلا مش بإيدي الموضوع. 🙂


فعلا انا خبيت عنك حدث حلو صار ف حياتي، بس مش لانه انت حسود، او انا مش حابب أحكيلك. انا اصلا ما حكيت عنه لحدا، لاني كنت بحلم بهاد الشي يصير من زمان، و لانو خربت اشياء كتير في حياتي لاني بحكيها لكل الناس ف بطلت احكي و انت مش مقصود ابدا في الموضوع. 🙂

بكفي تزعلوا من امور انتوا مش عارفين سببها الحقيقي .. مش عارفين شو الظروف الي الناس عاشتها، بكفي توقفوا لبعض عالوحدة ..اعطي كل شخص مساحته.... و لا تضغطوا ع بعض ، راعوا الناس و راعوا ظروفهم عشان بكرا الناس تراعيك و تراعي ظروفك..!🙂💔💔

ككلهه بتححملو الا seen
ههههه نففسسي اتخخلص منن
ههالنييةة الععاطلهه
مموضوعع واققعي و ممييز
تققيممي
وردهه

وااااااااااااو
لو كل الناس تعذر الناس لكنا لاباس ههه
صح هناك ضروف تخلينا نمر بفترة تخصنا لكن للاسف ما يعذرك احد.
خمر ايلول
رائع ما طرتي اشكرك.

بكفي تزعلوا من امور انتوا مش عارفين سببها الحقيقي ..

مش عارفين شو الظروف الي الناس عاشتها، بكفي توقفوا لبعض عالوحدة ..اعطي كل شخص مساحته....

و لا تضغطوا ع بعض ، راعوا الناس و راعوا ظروفهم عشان بكرا الناس تراعيك و تراعي ظروفك..


انا من الناس اللي بلتمس بدل العذر عشرة
ولو حد بهمني امره وغالي بلتمس اله الاعذار عطول
يا ريت الناس تعامل بعض من هالمنطلق
ما بيسوى الزعل ولا البعاد
عوافي خمر ايلول
تقديري

قليل جدا من يلتمس لاخيه الاعذار
الاغلب يجكم على طبيعة الشخص من اول هفوة
ما حد بيقول بخاطره ممكن صار معه شي ممكن صار معه ظرف
كلنا بنكون شاحذين السكين وب بنستني يغلط غلطته ولو كانت صغيره حتي ننهال عليه بسكينِ لساننِا

شكرا لكِ

يجب التماس الاعذار
كلام مفيد جدا
احسنتي الاختيار
ودي

حلو هالحكي انه كل شخص يلتمس لغيره العذر
ومش ضروري نزعل ع كل اشي او حتى نعرف كل اشي بيعيشه الناس
يعطيك العافية لادراجك ..

عنوان الموضوع لخص كل شي
طرح أكثر من رائع
يسلمو شريكتي