لدي سؤال اذا سمحتم

عملت جولة فى فلسطين على مدار اسبوع ونفسى اسأل
هسؤال

سؤال صريح : ليش الشعب الفلسطينى بميل للنكد ،،للحزن ... للعنف ،،،للكشرة،،،لتجاهل كل شيئ حلو،،،وبس بدور على اي شي ينكد عليه ويخليه حزين ومكتئب !؟؟ حتى لما يصير حد يضحك ويكون مبسوط بختمها بالاخر بمقولة الله يستر من هالضحك !!! كانه بستكثر على نفسه يضحك !! ولما يروح على حفله بضل قاعد ويدور دوراة على حد يتمشكل معه ويعمل طوشه ويقلب الحفله لنكد وعنف ، ولما يصير حدث معين ولو بسيط ويحتاج الى شي بسيط من الحزن او الزعل تراهم بتمادوا كثير وكانه واحد حكلهم على حرب ،،وما بصدقوا وبصيروا يتبارزوا مين بنكد اكتر من التاني ومين حزين اكتر ،،لدرجة انهم بصيروا يبتكروا ابتكار اساليب النكد والزعل ،، شعب ببالغ كتير في الزعل والنكد ،،لدرجة انه الواحد بطل يفهم منهم اشي ،،وعلى فكرة هاي الصفات موجوده كمان بالستات او بالاناث في فلسطين مو بس بالذكور ،، بتشوف الوحده من بعيد بتلاقيها ملكة جمال ،ماشاء الله جمال وجسم وشعر ،ولبس ،،احكي معها بترد عليك (شوبدك ولا ؟؟ روح من هون لاخلي الله ما خلئك ) وبتكشر عن انيابها ،، وفجاه بتنقلب من انثى لرجل بلباس انثى ،، وماحدا يحكيلي انه الاحتلال سبب ،،ولا حد يحكيلي انه منيح المراة تكون متل الرجال ،،لانه الانثى لازم تكون انثى وتحافظ على انوثتها ،،مع حفاظها على نفسها ,,بدون ما تفرط بانوثتها ،لانه مش معقول حد يتخيل رجل يتخلى عن رجولته ويصير يمشي ويهز بحاله متل الاناث ويحكي بطريقه فيها دلع ،،ساعتها حتى النساء بتكش منه ،،، شوي يا شعبنا ابعدوا عن الزعل والنكد والله في مجال للضحك والانبساط وفيه كمان بقيه من العمر لينبسط الانسان ويحس انه عايش !!!! وبالنسبه للمسترجلات ،، عيب وخليكم متل ما الله خلقكم اناث

انت قلت ماحدا يحكيلي انو الاحتلال السبب
وانا بقلك الاحتلال هو السبب
الاوضاع هي السبب
شغلات كثير بتخلينا نصير هيك
ولو انت من غزة هتعرف لحالك ليش الشعب هيك
مشكور

بحس كلامك خيالي اكثر من اللازم وبعيد عن الواقع جداً
صحيح الحياة خاصة بغزة كئيبة شوية ومشاكلها كثيرة لكن بالعكس دايما الناس
بدور ع الفرحة والانبساط بظل هالظروف وبيعيشو محدش بدور ع النكد ولا الزعل
واذا ببان ع ملامحهم الضيق والنكد ف اكيد بسبب هالظروف والحياة
لكن مش كل الوقت ..

والنص التاني من كلاامك طبيعي لاي بنت ان شب غريب حكى معها تتصرف معه هيك
هو المفروض تعطيه وجه !! كلامك غريب

مع كلام مؤمن والصياد

بالأخير أهل مكّة أدرى بشعابها
عوافي محمود ..

هياتني من غزة

محدش مفرفش قدي والحمد لله

بشوف الحياة حلوة والناس حلوة و اغلب الناس حواليا هيك

كلامك مبالغ جدا جدا فيه
احيانا مع الضغط ممكن يطلع مع الإنسان تصرفات
لكن ما تربطه ب غزة لحالها!!!
غزة كلها ناس بروح حلوة رغم كل شي منيل فيها

عوافي الك