زوجك ايقظك من نومك تعملي له أكل

السلام عليكم ورحمة الله وبركاته

كيف حالكم ان شاء الله تمام

قبل يومين كنت قاعد مش صديق وبنحكي في امور بتتعلق بالحياة الزوجية

من ضمن هذه الأمور إنك لو روحت على البيت متأخر ولقيت زوجتك نايمة بتصحيها تعملك عشا أو بتتركها نايمة

هو حكى أنه رح يصحيها تعمل له العشا

وانا عارضت بشدة هالأمر وقلت انه مش منطق إذا كانت نايمة تصحيها من نومها حتى تعملك أكل

أنت أدخل المطبخ واعمل لنفسك اي لقمة خفيفة وتعشا أما انك تصحيها من نومها تعملك أكل ، رفضت هالشئ بشدة


حابب اسمع آرئكم يا البنات خصوصاً حول الامر هذا

هل بتشوفي الأمر عادي انه زوجك يصحيكي من نومك حتى تعملي له عشا ؟

هل لو زوجك عمل هيك بتشعري انه زوج غير متفهم وما عنده عطف أو حنية ؟

شو موقفك لو كنتي نايمة وزوجك ايقظك من نومك تعملي له عشا ؟
هل هتقومي تعملي وانت راضية ؟ هل هتقومي تعملي وانت متضررة ؟ هل هتنتقديه على التصرف هذا ؟ كيف رح تتصرفي ؟

وسؤال للشباب :: هل ممكن تصحي زوجتك من النوم حتى تعملك أكل ؟

صراحة اضحكت لما قرأت المقدمة وبالنهاية كل شخص اله طباعه وتفكيره الخاصات فيه



هل بتشوفي الأمر عادي انه زوجك يصحيكي من نومك حتى تعملي له عشا ؟


عادى بشوف ان الامر ما فيه مشكلةة

هل لو زوجك عمل هيك بتشعري انه زوج غير متفهم وما عنده عطف أو حنية ؟

لا ابدا ، هتفهم انه جعان وعلى رأي اهل أول عندما تزقزق البطون تذهب العقول


شو موقفك لو كنتي نايمة وزوجك ايقظك من نومك تعملي له عشا ؟
هل هتقومي تعملي وانت راضية ؟ هل هتقومي تعملي وانت متضررة ؟ هل هتنتقديه على التصرف هذا ؟ كيف رح تتصرفي ؟


لا عادى بقوم بكل نفس راضية وبتعشي معه كمان ، واذا بده يحلي بحليه كمان ، بالنهاية ماهيرضيني ضميري انه يظل جعان



مشكور هل كان حبا للنقاش

وان شاء الله بتعيش التجربة حقيقة

موضوع جيد لنقاش
انا مع أن أيقاض الزوجة تعمل عشاء لزوجها
لكن في أمور تأخذ بعين الأعتبار
يعني لو كان بعد منتصف الليل أكيد مارح أصحيها
أو اذا كانت مريضة أو تعبانة كمان مستحيل أصحيها
أو أذا كان لدينا أبناء وكان وقت نومها مع نوم الطفل فقط كمان مستحيل أصحيها وبالعكس هنا بساعدها
أما غير هيك بكل تأكيد رح أصحيها
ولكن ليس بتعجرف
باللين والمداعب ممكن والأسلوب الحسن بصحيها
وبكون نوع من دلالي عليها هههههه
وأكيد بليلة باردة لو أحتاجة شي من البقالة
بكل تأكيد بروح بحضرها إلها وهشي تقدير إلها
ولما أصحيها وإذا ما صحيت لحالها أساساً بكون تقدير إلي
ولازم تكون هيا راضية وبتحضر لي الطعام بنفس طيبة
وأكيد هشي مش كل يوم رح أصحيها لو مرة بالأسبوع وهكذا
وبعدين الموضوع قريب من أنها تصحى لزواجها بكير تحضر له الفطور
إن شاء الله تكون وجهتي نظري واضحة لجميع ولصاحب الموضوع أيضاَ

هلاء في امور بيعتمد عليها الرد
مع انه عمرها ما صارت معي
ول رح تصير ان شاء الله
لانه اصلا ما بفكر يطلب مني هيك طلب
ببساطه لانه بعرف انه الحرب العالميه التالته رح تقوم. ههه
لا بجد انه لو هو مروح من الشغل
وانا كنت نمت وما قدرت استناه
بقوم وبعمل احلى عشا
اما انه يكون سهران او طاشش مع اصحابه لوقت متأخر
وييجي يصحيني..الامر مرفوض تماماا
طرح حلو للنقاش هل كان حباا

وعليكم السلاام ورحمة الله وبركااته

أكيد الإشي مِش مزعج لهالدرجةة وما فيهاا إشكاالية لو صحيت وعملتله عشااا
ورح بعمل بكل نفس رااضية لإنه أكيدد بكوون تعباان و جعاان
وممكن إنه لو بصحي زوجته بكوون عشاان تآكل معه بعرفش يآكل من دونهاا ( معقوولة هههههه )

ف أناا ماا عندي مشكلةة


يسسلموو هل كاان حبًّا ^^

حابب اسمع آرئكم يا البنات خصوصاً حول الامر هذا
بداية مابأيد نوم الزوجة قبل زوجها فكيف لو كان خارج المنزل
الأولى منها وحقه عليها تشوف شؤونه ومتطلباته واحتياجاته وبعد ماتطمن عليه تنيمه وتنام بعده

هل بتشوفي الأمر عادي انه زوجك يصحيكي من نومك حتى تعملي له عشا ؟
اه
هل لو زوجك عمل هيك بتشعري انه زوج غير متفهم وما عنده عطف أو حنية ؟
لاأبدا باخدها من منظور آخر ممكن مابحب ياكل من تحت ايدي ممكن بتستمتع باللقمة الاوأنا معه يعني بضع لها فرضيات تلين قلبي أفضل من التفكير السلبي اللي مابخلق غير النفور

شو موقفك لو كنتي نايمة وزوجك ايقظك من نومك تعملي له عشا ؟
عادي بقوم وبعمل له
هل هتقومي تعملي وانت راضية ؟ هل هتقومي تعملي وانت متضررة ؟ هل هتنتقديه على التصرف هذا ؟ كيف رح تتصرفي ؟
ح أقوم راضية وبكل نفس طيبة حتى لو كنت متعبة أو منزعجة
ضحكة حلوة ولقمة هنية اخر النهار من الزوجة لزوجها كفيلة بنشر المحبة والسعادة بالبيوت اللي كتير بتتفقدها هالأيام بيوتنا

نقاش راقي
شكرا لك لمشاركتنا به

الله يعطيكم العافية
ومشكورين جميعاً لطرح آرائكم ووجهات نظركم

تفهمكم كثير عجبني
وان شاء الله ما يكون مجرد كلام وبس خاصة ان الأغلب ما جرب او عاش هالشي

تحياتي لكم

وبرضو انا مصمم على وجهة نظري كونها لو نايمة ما رح اصحيها

بالمخختصر
بييتي رحح يمششي بنظظام وممواعيد
لككل ششي وخخصوصصي الأككل مششان اححافظ ع صصحتوو
وصححة الصصغار وبدوو يلتززم غصصب عنووو بالمواعييد
وفرضضن رججع ججوعاان اككيد بالبرااد في اششيا بتناسسبوو ت يعملهها لححالوو
ججبن مممرتديلاا ححبشش بيضض ...........الخخخ ولوو ممو عاججبو الدلفرري موججود
لككن انوو بسس يفككر مججرد التفككير انووو يصححيني
الله وكيلكك بقيمملوو القيامةةة خخصوصي وبنككد عليهه وبرججع ككفي نوممي وم بعمملوو اككل
ويصططفل ويدقق راسسو بأحلاا حيطط ممو خخسارةة فيههه
يسسلمو احممد
ججوريةة

اعظم الأعمال التي تقرب المراة من الله سبحانه وتعالى
وتنال بها رضاه هو طاعة زوجها في كل الأمور وتجتهد في تلبية حاجاته
وبنسبة للموضوع نعم راح اطلب من زوجتي المستقبلية مثل هذيه الطلبات
وشكرا لك على الموضوع في انتضار جديدك

هل بتشوفي الأمر عادي انه زوجك يصحيكي من نومك حتى تعملي له عشا ؟
عادي لو كان هو راجع من الشغل تعبان وانا ما اقدرت ابقى صاحية لحتى رجعته
اما لو كان سهره برا البيت لسبب تاني ما رح يكون هالشي بالنسبة لالي شي عادي

هل لو زوجك عمل هيك بتشعري انه زوج غير متفهم وما عنده عطف أو حنية ؟
ممكن لو كنت مريضه وتعبانه وهو عارف هالشي او كنت انا وهو بنشتغل برا البيت وعم نتعب اتنيناتنا

شو موقفك لو كنتي نايمة وزوجك ايقظك من نومك تعملي له عشا ؟
انا اكتر شي بكرهه بالدنيا حد يصحيني من نومي خاصة لو كنت تعبانه فيمكن اتنكد وانكد عليه هههههه

هل هتقومي تعملي وانت راضية ؟ هل هتقومي تعملي وانت متضررة ؟ هل هتنتقديه على التصرف هذا ؟ كيف رح تتصرفي ؟
لو كنت شبعانه نوم رح اقوم اعمله وانا راضيه اما لو كنت نعسانه ومريضه او انه هو راجع من سهرة واتأخر كتير رح ادايق

عوافي هل كان حبا ع الاسئلة الحلوه