هذا ما سيحدث إن أعلن الرئيس أن " قطاع غزة اقليم متمرد "

النتائج المترتبة في حال اعلن عباس ان غزة اقليم متمرد


* قطع رواتب الموظفين الذين يتبعون لها في قطاع غزة لتشكيل حالة من الاحتقان ضد النظام القائم؛
كل الذين يتقاضون أجورهم من رام الله سيتم وقف رواتبهم كامله( موظفين_ شؤون_اسر شهداء_ جرحي_2005.. الخ
*عدم دفع مستحقات القطاع للشركات الإسرائيلية (كهرباء وضرائب)
*عدم التعامل مع النظام القائم تحت أية مسميات ودون أية استثناءات،
*بالإضافة إلى تشديد الحصار على معابر قطاع غزة من جميع الاتجاهات،
*تجميد أية أموال للحكومة بغزة أو حركة حماس أو أرصدة مشتبه أنها تدعم الحكم في غزة،
* قطع المساعدات الإنسانية الداخلة للقطاع.
*سلطة النقد سيتم الإيعاز للبنوك أن تقفل فروعها في غزة حتى لا يتم تحويل الأموال للقطاع.
* شركة الاتصالات الفلسطنية بال تال وشركة جوال ستغلق كافة فروعها في القطاع .

هذا ما سيتم تطبيقه في حال اعلان الرئيس
قطاع غزة "اقليم متمرد"

:674::674::674::674:

فاجعة لو صار هيك
الله لا يقدر
يا رب ينصلح الحال :(
شكرا الك

ليش هو فاكر لو أعلن غزة اقليم متمرد مش ح يتضرر هو ؟!
في مثل بقلك الجاجة حفرت وع راسها عفرت وهذا محمود عباس
وغير اللي كاتبه لنا ربنا ما ح يصير
"لنلبونكم بشي من الخوف والجوع ونقص من الأموال والأنفس والثمرات وبشر الصابرين "

يعطيك العافية

برأي الكرة بملعب حكومة حماس هلاا

وبتمنى ما توصل الامور لهالمرحله

ربنا يصلح الاحوال

كل الشكر لادراجك هل كان حبا

تحياتي

اقتباس   المشاركة الأصلية كتبت بواسطة آنثى إستثنآئية ليش هو فاكر لو أعلن غزة اقليم متمرد مش ح يتضرر هو ؟! في مثل بقلك الجاجة حفرت وع راسها عفرت وهذا محمود عباس وغير اللي كاتبه لنا ربنا ما ح يصير "لنلبونكم بشي من الخوف والجوع ونقص من الأموال والأنفس والثمرات وبشر الصابرين " يعطيك العافية

اسمحيلي غاليه
طبعا راح يتضرر وكلنا راح نتضرر سسواء هون او بغزة
لكن غزة فعلا اقليم متمرد على الششرعيه
واخدت فرصة 10 سنوات
كان نتيجتها الدمار وتراكم الازمات وووووو
يمكن هالخطوة تكون مفتاح الفرج وان بدت باولها كارثة ع الغزيين

الله يجيب يلي فيه الخير بس

اقتباس   المشاركة الأصلية كتبت بواسطة ملك روحي اسمحيلي غاليه طبعا راح يتضرر وكلنا راح نتضرر سسواء هون او بغزة لكن غزة فعلا اقليم متمرد على الششرعيه واخدت فرصة 10 سنوات كان نتيجتها الدمار وتراكم الازمات وووووو يمكن هالخطوة تكون مفتاح الفرج وان بدت باولها كارثة ع الغزيين الله يجيب يلي فيه الخير بس

شرعية مين يابنت الناس وهما من أول ماقعدوا ع الكرسي وعباس بحارب فيهم من جهة والمصري من جهة واليهود من جهة
وماحدا ترك لهم مجال يتنفسوا ولا يحققوا أدنى مطلب من مطالب الشعب
ورغم كل هالحصار والضيق اللي عليهم لسه مااستسلموا
لو شفنا بعيونا الطريق قدامهم مفتوح بدون تضييق وخناقات وماعملوا شي وقتها بقول لعنة الله عليكِ ياحماس تمردتي ع الشرعية
احنا في غزة بنلعن حماس في الدقيقة 60 مرة ورغم هيك تلات أرباع غزة بتأيدهم ليش ؟!
لأنهم فصيل صغير بدافع عن حق قبال دول وتنظيمات

بعدين مفتاح فرج شو بالزبط بالله
ياحبيتي طول ماحماس بتقاوم عمرها مشاكل غزة بالذات ماتنحل
هيات عباس جاب لنا حكومة الحمدلله شو عملت لنا بالله ؟!
أي شي ح يعمله عباس ح تنقلب الطاولة عليه عاجلا أو آجلاً
هو بصارع في حماس الشعب اللي ماكل هوا ورايح بين الرجلين

اقتباس   المشاركة الأصلية كتبت بواسطة آنثى إستثنآئية شرعية مين يابنت الناس وهما من أول ماقعدوا ع الكرسي وعباس بحارب فيهم من جهة والمصري من جهة واليهود من جهة وماحدا ترك لهم مجال يتنفسوا ولا يحققوا أدنى مطلب من مطالب الشعب ورغم كل هالحصار والضيق اللي عليهم لسه مااستسلموا لو شفنا بعيونا الطريق قدامهم مفتوح بدون تضييق وخناقات وماعملوا شي وقتها بقول لعنة الله عليكِ ياحماس تمردتي ع الشرعية احنا في غزة بنلعن حماس في الدقيقة 60 مرة ورغم هيك تلات أرباع غزة بتأيدهم ليش ؟! لأنهم فصيل صغير بدافع عن حق قبال دول وتنظيمات بعدين مفتاح فرج شو بالزبط بالله ياحبيتي طول ماحماس بتقاوم عمرها مشاكل غزة بالذات ماتنحل هيات عباس جاب لنا حكومة الحمدلله شو عملت لنا بالله ؟! أي شي ح يعمله عباس ح تنقلب الطاولة عليه عاجلا أو آجلاً هو بصارع في حماس الشعب اللي ماكل هوا ورايح بين الرجلين

احكيلك ليش مش شرعيه حنين
عام 1994 لما قامت السسلطة الفلسطينيه بغزة واريحا كبدايه
ضمن اتفاقيه اوسلو ،، كانت حماس رافضة الاتفاقيه واتخذت قرار المقاومة كحزب مقاوم
ب 2006 وهي الانتخابات التشريعيه التانيه للسلطة ششاركت حماس
وهي بهيك اعترفت ضمنيا بكل الاتفاقيات الي عملتها السسلطة
لكن للاسف كان هناك كتير خلافات بين الحركتين بخصوص ملف الاسرى والعاصمة ووووووو
وكان في اكتر من لقاء الخلاف وخاصة لقاء مكة

الا ان حماس اعلنت قيام كيان لالها بغزة بقوة السسلااح
انا مو فتحاويه و ضد سسياسة ابو مازن
لكن انسانه واقعيه
بعرف شو عاشت غزة بسبب عجرفة السياسسين سواء فتح او حماسس



نقطة تانيه ... 3 /4 الغزيين بايدو حماس ؟
من وين هالمعلومة


نقطة اخيرة
حكومة الحمدلله من انجح الحكومات يلي صارت خلال سسنوات
والدليل واقع بنعيشو
لكن السؤال المطروح
ليش كغزيين ما لمستو هالنتا


الجواب عندكم

اقتباس   المشاركة الأصلية كتبت بواسطة ملك روحي احكيلك ليش مش شرعيه حنين عام 1994 لما قامت السسلطة الفلسطينيه بغزة واريحا كبدايه ضمن اتفاقيه اوسلو ،، كانت حماس رافضة الاتفاقيه واتخذت قرار المقاومة كحزب مقاوم ب 2006 وهي الانتخابات التشريعيه التانيه للسلطة ششاركت حماس وهي بهيك اعترفت ضمنيا بكل الاتفاقيات الي عملتها السسلطة لكن للاسف كان هناك كتير خلافات بين الحركتين بخصوص ملف الاسرى والعاصمة ووووووو وكان في اكتر من لقاء الخلاف وخاصة لقاء مكة الا ان حماس اعلنت قيام كيان لالها بغزة بقوة السسلااح انا مو فتحاويه و ضد سسياسة ابو مازن لكن انسانه واقعيه بعرف شو عاشت غزة بسبب عجرفة السياسسين سواء فتح او حماسس نقطة تانيه ... 3 /4 الغزيين بايدو حماس ؟ من وين هالمعلومة نقطة اخيرة حكومة الحمدلله من انجح الحكومات يلي صارت خلال سسنوات والدليل واقع بنعيشو لكن السؤال المطروح ليش كغزيين ما لمستو هالنتا الجواب عندكم

كتبت لك رد طويل اعتمدته فصل النت
مش ح ارجع أعيد يلي كتبته بس بدي أحكي جملتين
الأولى لما بقلك ثلاث أرباع غزة مع حماس رغم انها بتلعن فيها أنا بعرف شو بقول ومعنية بكلامي وعجبتني حجومة الحمدلله من أنجح الحكومات ههههههه بدليل وابل الصرامي اللي أكلوه أيام حرب ال 2014

الثانية بخصوص اتفاقية أوسلو وقوة السلاح جيت أنا اخدت بيتك منك وطردتك براته ياترى انتي كيف ح تسترجعي حقك مني
ح تحطي ايدك ع خدك وتقولي حسبي الله ونعم الوكيل وتعقدي مع اتفاقية سلام ولا بدك تحاربيني بكل الطرق وتقولي يارب انتي حسبي ووكيلي لتسترجعي بيتك ؟!

حماس أنا مابحبها لكن اللي بحكيه مابحكيه من فراغ

ولا ثلاث ارباع ولا نص غزة مع حماس يا حنين
انا وين عايش مثلا بالسويد
الكل ناقم علي حماس وما بغير هالاشي لو اجت ميه حرب جاية
اوك كل الشعب مع المقاومة بس مش كل الشعب مع حماس
ممكن ادعمهم بس بنفس الامر انتقدهم كلمات

وفكرك حماس هتفرق معها
طالما شبابها مبسوطين وقياداتها مكيفة
اي والله لو اعلنها اقليم متمردغ مش فارقه معهم

اقتباس   المشاركة الأصلية كتبت بواسطة آنثى إستثنآئية كتبت لك رد طويل اعتمدته فصل النت مش ح ارجع أعيد يلي كتبته بس بدي أحكي جملتين الأولى لما بقلك ثلاث أرباع غزة مع حماس رغم انها بتلعن فيها أنا بعرف شو بقول ومعنية بكلامي وعجبتني حجومة الحمدلله من أنجح الحكومات ههههههه بدليل وابل الصرامي اللي أكلوه أيام حرب ال 2014 الثانية بخصوص اتفاقية أوسلو وقوة السلاح جيت أنا اخدت بيتك منك وطردتك براته ياترى انتي كيف ح تسترجعي حقك مني ح تحطي ايدك ع خدك وتقولي حسبي الله ونعم الوكيل وتعقدي مع اتفاقية سلام ولا بدك تحاربيني بكل الطرق وتقولي يارب انتي حسبي ووكيلي لتسترجعي بيتك ؟! حماس أنا مابحبها لكن اللي بحكيه مابحكيه من فراغ

راح احكيلك ششغله بس
بعام 2006 لما دخلت حماس الانتخابات التششريعيه
كانت السسلطة وعامة الششعب واثقين متل ثقتك هلاا انو حماس ما راح تكتسح الانتخابات
لكن يلي صار وقتها العكس
بعدين سؤال : سسمحتلكم حماس انو تحكو رائكم متلا انكم مؤيدينها ولا لاء
او عملت ولو اسستطلاع واحد ؟
ثقتك ما بتعني شي دام ما في ارقام ... لو انتي مؤيدة ما تعممي


حكيتي عن حكومة الحمدلله ،،، كل حكومة الها مؤيد والها معارض
وطبيعي في عالم يعارضو وان كنت ما بعرف عن " وابل الصرامي " يلي حكيتي عنه

كلمة اخيرة : حماس لما اعلنتها حكومة قائمة وادارة واضرب واطرح و دارت ظهرها لكل الشرعيه
المفروض يكون عندها كل مقومات الحكومة وتوفر لشعبها اقل حقوقها بالعيش الكريم
وما تلومو السلطة كحكومة تانيه !
رغم هيك
بعد 10 سنوات ابو مازن قرر انو يعلنها اقليم متمرد وحدد من رواتب الموظفين وووووو

وانا ما بحكي دفاع عن سسياسة ابو مازن
بحكي ششفقة بحق الغزيين يلي عم يعانو من نقص بأقل من أقل الحقوق الانسانية

ولو كنتو مؤيدين لحكومة حماس او 3/4
اطلعو مسسيرات ضد السسلطة اعملو شي ع ارض الواقع

وان كانت معلوماتكك نابعه من ثقتكك وانتي غزاوية
راح احكيلك معلومة نابعه من ثقتي كوحدة كمان ما عمري فتت غزة

معظم الششباب الغزاوي لو اجتلهم فرصة ليطلعو من غزة
ويهربو من واقعهم ما راح يقصرو


ع راي مؤمن كانك عايشة بالسويد