هل أصبح التلفاز يتحكم بعقولنا وينسج أفكارنا حسب رغباتهم ؟

هل أصبح التلفاز يتحكم بعقولنا وينسج أفكارنا حسب رغباتهم ؟

ما هي أرائكم حول هذا الموضوع ؟ و ما مدى الجودة في البرامج المطروحة ؟!

مابتابع تلفزيون لأقدر أحكم
اخر مرة شفته فيها من 9سنين وأكثر يمكن هههه

يعطيكِ العافية وتر

العقول في غياب عن الدين والعادات التطور التكنولوجي مسح أدمغة الناس وخلاهم امعة اله
كلامك صحيح

عوافي

إذا بدنا نتطلع نظره عامه او إذا بدنا نعمل استفتاء وبحث، منلاقي إنه اغلبية الناس بأيامنا هاي تحديدا، ميالين للبرامج اللي شوي منحرفه،
ع سبيل المثال؟ برنامج "لهون وبس مع هشام حداد"، او برنامج "هيدا حكي - مع عادل كرم"، او برنامج اللي طلع مؤخرا وبالنسبه إلي هيك برنامج بعتبرو بقمة الوقاحه برنامج " نقشت take me out مع فؤاد يمين"، اللي ناس كتير ممكن يعتبروه ترفيهي ومسلي،
بس من هون منفهم إنه الناس هي اللي بدها هاي البرامج، يعني الواحد ببيته هو اللي بيقرر ايش يحضر ع التلفزيون،
إذا بصادف الواحد برنامج سياسي مع برنامج لعادل كرم بنفس الوقت، ممكن يختار عادل كرم، وممكن يختار السياسي، حسب شو هو بدو ولشو ميال،
فا من وجهة نظري الناس هني اللي بتحكموا بعقول المذيعين والاعلاميين والمخرجين، مش التلفاز يللي بتحكم،
يعني احنا يللي عم ننسج افكار حسب عقلياتنا وحسب رغباتنا،
ومن هون المخرجين بصيروا يشوفوا وين في رايتينغ اكتر ومشاهده اكتر، هيك ببلشوا يركزوا ع برامج معينه اللي احنا بدنا ياها "الجمهور"،
انت اللي بتحدد ايش تحضر، بحسب طبعك، بحسب ميولك،
طبعا هذا بقولش انه في برامج ثقافيه، حواريه او إنسانيه مش ناجحه مثلا، بالعكس.
بس ممكن هالإشي يأثر سلبي، لإنه بتهيألي المخرج بشكل عام بيركز ع الرايتينغ، فلمن يعملوا برنامج معين وتكون في نسبة المشاهده قليله او اسباب ثاني، ممكن بأي لحظه يوقفوه،
وإذا لاحظتي انا ركزت ع 3 برامج لبنانيه، كونون اكتر 3 برامج فيون نسب مشاهدات عالي بحسب كيف انا بشوف،
هاي من وجهة نظري انا،
اما من وجهة نظر غيري، اكيد رح يكون غير ..
شكرا وتر ع السؤال الحلو

تلفاز مين هو في حدا بيفتح التلفزيون
تقريباً اخر مره قعدت عليه ايام الحرب
يعطيك الف عافية

انا بتفق مع سمرة برأيها

الناس يلي بتحدد شو بدها وبتختار البرامج على حسب هي مابدها

صحيح القنوات الهادفة بشكل كبير شبه معدومه ولكن توجهه الناس لمتابعة برامج ترفيهية

او غنائية او او بتطمع سلسلة الانتاج انها اطلع هيك برامج بس ع الجهة التانية فى برامج ماحدا بيشوفها فبتلاقيها بتلتغي من اولها

يسسلمو وتر

يمكن لو نظرنا للموضوع رح نلاقي عدد كبير بطلوا يتفرجوا على التلفزيون بسبب النت يلي ماخده كل وقتهم وعقولهم
صراحة انا مش من متابعي التلفزيون وما بعرف شو البرامج المطروحه وقليل لتابع شي
بس بحب احكي انه الشخص هو يلي بقرر شو بده بشوف ويتابع وطبعا هالشي برجع لطبيعته وشو الاشيا يلي بحبها وبكون ميال لالها

عوافي وتر

شكرا لأرائكم الرائعة