الذكرى الثآمنة للحرب الأولى على قطاع غزة ..؟!

فـى الذكـرى الثامنة للحرب الأولى على غزة 27/12/2008
أيـن كنـتم لحظـة الضـربة الاولـى ... !!

أنآ كنت بالمدرسة بقدم أول امتحان في امتحانات نهاية الفصل الأول
وقت ماسمعنا صوت القصف والناس بتصرخ
وانقصف موقع جنب مدرستنا والشظايا تطايرت ع المدرسة وتصاوب آذن المدرسة يومهآ
والدخآن عبق الجو والبنآت تصرخ وكآنت حآلة يرثى لهآ
لأول مرة في حيآتنآ نعآصر حرب وفجآئية بالشكل هذآ
أيآم تنذكر مآتنعآد

كنت بالمدرسة وكان يومها امتحان اخر الفصل

تركنا الورق علي الطاولات وطلعنا
كانت الضربات سريعة وموحدة
تنذكر الحرب وايامها وما تنعاد ان شاء الله

اقتباس   المشاركة الأصلية كتبت بواسطة m0m3n كنت بالمدرسة وكان يومها امتحان اخر الفصل تركنا الورق علي الطاولات وطلعنا كانت الضربات سريعة وموحدة تنذكر الحرب وايامها وما تنعاد ان شاء الله

الحمدلله انك طلعت منها سالم
تنذكر وماتنعاد ان شاء الله
وان شاء الله الحروب الجاية بتكون كلها ضد اسرائيل

نورت مؤمن

وانا كنت بالصف
ماسك ورقة الاختبار
الحمد لله المدرسة بعيد عن القصف
بس شفنا الحجار والشذاية طالعين بالجو
من مسافة بعيدة
كان اخي سكرتير بالمدرسة
حكالي روح ع البيت ولا تروح هان ولا هان

ذكراها مؤلم

استشهد فيها ابن خالي وناس غالية كثير

اخ على هيك ذكري ياحنين

كنت بالجامعة وقتها وكان اول اختبار فى النهائيات

وانضرب موقع جنب الجامعة واتزلزلت اتزلزل

وماكان فى مواصلات وبالعافية لقينا سيارة روحنا

حسيت الموت بيقرب بكل ثانية


الله يرحم كل الشهداء يارب

الهه يحميككمم و تخلصصو من هدول القرودد ')
وردهه

أنا كنت بالمدرسة كان عندي إمتحان الفترة التانية
وسمعنا صوت القصف كان قريب القصف من المدرسة
ومدرستي كانت بعيدة شوية عن بيتنا ، كنت كتير خايفة بهاد اليوم
وكل الطالبات الي بقدمو طلعو من الامتحانات وهما بصرخوا
بابا اجى روحني من المدرسة لأنو كان بدرس جنب مدرستي
حرب ما بتنتسى يآرب ما تنعاد هديگا الأيام
أستشهد خالي وابن عمي وابن خالي وعمي الله يرحمهم يآرب ��