أمثال مشهورة من التراث الفلسطيني

أكثر من الهم ع القلب


إن عاشرت عاشر أمير وإن إلبست البس حرير و إن عيروك بشي يكون يحرز التعيير


إن كبر إبنك خاويه


إجا مين يعرفك يا بلوط


إجو ليحدوا الخيل مد الفار رجله


إذا انت أمير و أنا أميرمين بيسوق الحمير


إضحك بعبك


إطعم التم تستحي العين


أكل الهدية وكسر الزبدية


أهل الميت صبروا والمعزيات كفروا


أوعد اليهودي بالكفن بيموت


آخر العنقود سكر معقود


آخر الزمر طوط


آخر الدوا الكي


إبنه على كتفه و بيفتش عليه


إبنك على ما ربيتيه و جوزك على ما عودتيه


بتقول له ثور بقول احلبوه


بدل الرز و الباذنجان إكسي حالك يا عريان


بده عرس يرقص فيه


بدي ياه و تفوه عليه


بزمان الخير ما غنينا يا ليل


بطيختين بإيد مابينحملوش

بعد ما شاب ودوه ع الكتاب

البيت ضيق والحمار رفاص

بيتعلم البيطرة بحمير النوَر

بيحرق حارة ليولع سيجارة

بيرقص بلا دف

بيركض بيركض والعشا خبيزة

بيفصل للبرغوت قميص

بيقتل القتيل وبيمشي بجنازته

في امثال اول مره اعرفا

مشكوره حبيبتي

انا بحكي كثير امثال
هههههههههههه
دايما يحكولي متل تيتة الله يرحمها
بس نص هدول ما عرفتهم
:(
يسلمو وتر
ما ننحرم غلاتي

احلى شي بتراثنا الامثال

بحب استخدمهم بالحكي تبعي

يسسلمو عسولة ع الطرح

شكرا لحضوركم

اغلبهم ما عمري سمعتهم
شكرا كثير لالك وتر

امثال حلوة
يعطيك العافيه

شكرا لحضوركم

جهد جميل منكك

كل الشكر ل الكك

نورتي نبض