أخبار_عالريق

#أخبار_عالريق 1124 يوم
✅️يكتبها / #سعيد_الطويل

▪︎شنط وأكياس محملة وصواني قديمة كان جاي فيها أكل وشوية شغلات تانية وسيارة طلب ..تحضيرات للهجرة الجماعية للبنات المتجوزات لدور أهاليهم

▪︎اليوم آخر مادة في امتحانات مدارس الوكالة ،وبعدها فدووس طويل وعريض لآخر الصيف

▪︎بدن نشد الهمة عشان نستعد لامتحانات التوجيهي ونهفاته وفرحته وأجواءه

▪︎مستو.طن فطس في عملـ ـية #طولكرم مبارح والمنفذ انسحب وهيو قاعد بياكل قلاية كبدة من إللي يحبها قلبك

▪︎ولد صغير اسمه ريان محارب اندهس مبارح من شحن في خانيونس وتوفى ..الله يصبر أهله

▪︎أي فزبة أو تكتك بتخش طريق معاكس من اليوم وطالع حتتخالف 250 شيكل

▪︎موضوع المنحة القطرية في شوية لحلحلة

▪︎الدفاع المدني سكّر فوق ال300 نقطة غاز عشوائية كانت بين الدور والعمارات

▪︎الأسيـ ـر المريض وليد دقة وضعه صعب عالآخر ولو ضل الوضع هيك حيلحق بالقائدين ناصر وخضر

▪︎واحد مجرم انحكم بالإعد.ام بقضية قتل قديمة في غزة

▪︎أسعار الأضاحي في غزة من 2000 شيكل وفوق في غزة

-في ست مريضة محتاجة لتكاليف للسفر لمصر عشان تعمل عملية ..الست زوجها بيشتغل بيومية ب20 شيكل وبيتها إيجار ووضع أهلها ما بيسمح ..وأجلت سفرها مرتين عشان ما توفرت فلوس قبل هيك

#أبو_فؤاد بيقول انه حيعيش أتسع أيام حياته في الفترة إللي حتقعدها مرته عند دار أهلها في الإجازة ..الله يعينه ويصبره

#صباح_الخير لكل أم ما قصرت بتدريس أولادها ..صحيت ولبست وكتبت وشرحت وحشت وزعقت وخبطت شباشب وغلطت وصوتت ومزعت وطردت ، ودعت وترجت ودفعت عشان ابنها بالآخر يجيب أكثر من ابن سلفتها

#صباح_الخير للناس إللي صاحية مليانة تفاؤل بكل تفاصيل هذا اليوم والأيام الجاية انها تكون أحسن وأحلا يقين بالله مش أكثر

الحمد لله اليوم هو المتمم لشهر خمسة وبكرة أول أيام شهر ستة..كل عام وانتم بخير
31-5-2023🌷

يسسلموو ديآآاتوو الأمميرر
+ وردهةة

اشكرك للنقل

يسلمو للمتابعه الامير
عوافي،

يسسلمو للمتابعة
كل الشكر

مشكور للمتابعة و النقل
تحياتي