أخبار_عالريق

#أخبار_عالريق 1059 يوم
✅يكتبها/ #سعيد_الطويل

▪︎صباحكم إن شاء الله مليان ناس كويسة تطلع بوجوهكم من أول النهار لآخره ..

▪︎"إسرائيل" قصفت مبارح بيت مدني في سوريا وارتقى 15 شخص بالمكان

▪︎مبارح 4 حالات وفاة بسكتة قلبية بغزة والضفة لشباب بزهرة عمرهم..

▪︎حالتين وفاة كمان بحادثين مختلفات ولقيوا برضه جثة لست عمرها بالثلاثينات بالضفة

▪︎توقعات انه يستقر الجو ويضل بدون مطرة لآخر هذا الشهر

▪︎منتخب تونس فاز على منتخب فلسطين 29-صفر في البطولة العربية بالإمارات

▪︎صارلوا الوضع كم يوم رايق بالضفة فش لا دهس ولا طعن ولا طخ هان ولا هناك... ناشفة

▪︎توفى عريس وحماته بحادث سير صعب وهما رايحين يشتروا الذهب للعرس في مصر

▪︎كيلو الخيار بغزة بخمس شواكل وبالضفة اطنعشر شيكل

▪︎الخضرة مولعة نار بالسوق وموسم رمضان داخل هذه السنة بأسعار من باريس

▪︎شيكات الشؤون صارلهم 3 أسابيع وأكثر بحسابات الحكومة بس مش فاضيين يصرفوهم

يارب الأيام الجاية تحمل الخير والسعادة والرزق والبشريات ونتعوض احنا وإياكم عن الليالي الموحشة

يارب يريح بالنا وبالكم ويوقفلكم أولاد الحلال بكل خطوة ..حلوات دعوات الصبح ..

-لأهل النخوة ..شب على باب الله بده إبر كليكسان للخلفة اوقفوا معاه ..ربنا يبارك فيكم

قولوا #آمين ويا #صباح_الخير
19-2-2022 🌹

عواااافي للنقل

كل الشكر والتقدير

يسلمو كتير على الاخبار

كل الشكر والتقدير إلكك

يعطيك الف عافيه

شكرا ع النقل تحياتي لك الامير

ييعطيك الفف ععافيةة

ضيف لكل هالاخبار عصيان مدني في معظم ضواحي القدس
يعطيك العافيه الامير

يسلموو امير للمتابعةة و النقل
تحياتي لك