[ ححاولووو ] 💥

ما ضل يوم تقريباً وبتخلص ٢٠٢٢ ،
حاولوا تدخلوا عَ السنة الجديدة ويكون عندكن خطة ،
كيف يعني ؟
1 - أوّل شي تخلّصوا من السلبيات بحياتكن سواء إن كانت :
- اشخاص سلبية : بتعطيك طاقة لتحولك لإنسان مُحبط
- عادات سلبية أو سيئة : تذكروا شو العادات اللي بتأثر بشكل سلبي على حياتكن ، وبلشوا تعوّدوا حالكن إنكن ما تمارسوها لحتى تتخلصوا منا عَ الآخر .
2 - حددوا أهدافكن لهي السنة حتى لو كانت هي الأهداف بسيطة بس أهم شي تحسوا بالراحة إذا وصلتو لهدف واحد
أو أهداف كبيرة متل :
- تخسر/ ي وزنك أو تزيدو
- او مثلاً فكّروا تتعلموا لغة ، حفظوا مفردات وهالقصص بتفيد كتير
- جمعوا مصاري هاد اذا ضل بس حاولوا توفروا شوي
وهي شوية أهداف ممكن الواحد يوصلّا .
4 - تفائلوا ، صح مرق كتير شغلات بتقرف بس في دائماً فسحة أمل ،
لا تخلوا القرف يلاحقكن سنة ورا سنة .
5 - إمشوا عَ مقولة
If u don't belong , don't be long
يعني اذا ما حسيت بقيمتك بالمكان اللي إنت فيه لا تكمل فيه و بعد عنو .
6 - لا تستنزفوا وقتكن ومشاعركن بلا مقابل لانو رح تتحول بعد وقت لذكريات مؤلمة يعني لا تتسرعوا وتبلشوا علاقات غبية .
7 - كونوا مسالمين العالم مو ناقصن حروب نفسية كمان .
و بتمنى سنة ٢٠٢٣ تكون خير على الكل وتنسينا اللي عشناه بهالسنة المقرفة ..
وكونوا بخير دائماً ❤️!


باايي

كل الشكر و التقدير

كل عام وانتي بالف خير
ننوش ويارب عام جديد سعيد
ع الجميع وميرسي للانتقاء الجميل الاكثر ايجابيه

كلام كلّه تفاؤل
وبعطيكِ دُفعة أمل..
حبيت ننوشي ❤️
كلّ الأياام وأنتِ بخير وسعادَة.

ما ننحرم..❤️

كل الشكر و التقدير

طرح قيم باربي

عواافي

التخلص من السلبية في التفكير
يتوجب عليك ترك بعض الاماكن والابتعاد عن بعض الاشخاص
والتخلص من العادات الروتينية
دعوة جميلة لفتح باب الامل
عام سعيدة وكله توفيق لجميع
تسلمي حجة ننوش

موضوع كتير حلوه
يسلمو ننوش
بحبهم كلهم مواضيعك
متلك كيوت

كل عام وانتي احلى ننوش

ثاني شيء حكي كتير واقعي ومريح

ولازم الكل يعمل فيه لنبدأ سنة حلوة

عوافي لإلكك

كلام حلو
وان شاء الله هالسنة الجديدة تكون تغيرات كتيرة في حياتنا للافضل
يعطيك العافية لادراجك..