مشكلة وحل (2)

يسعد مساكم
شو رايكم بقصة هالبنت وبشو تنصحوها

انا بنت عمري 21 سنة جامعية تعرفت على شب والشب كتير منيح وبعرف الله وحكا مع اهلي
اجى هو واهله شرح وضعه ووضعه سيئ نوعا ما وبابا ما رضي للاسف
الشب بده يخطب وبعد سنتين ل ثلاث سنين يتزوج
وبابا رفض
ما وقفت القصة على هيك
عشان قلت لاهلي حكيت معه وتقدملي اعطيته ارقامكم والله بس هيك ما صار اشي ثاني
فجأة اخواني الشباب عملو لي قصة ومشاكل و في اخ مد ايده علي واخ بدو تلفوني وصار مشاكل كتير ويشهد الله ما في شي بس كل الي صار اعطيته رقم امي وامه حكت معها واجى
الي قاهر قلبي انا علاقتي في اخواني كتير قوية بحبهم كتير
فجأة تجاهلوني قاطعوني رحت صالحتهم مع انه ما غلطت
بس لسا في جفا بينا
ظلموني والله كتير انا اكتئاب صابني
الشب منيح وبعرف الله والله مش مهم كل اشي يكون جاهز المهم يتقي الله فيي
انا تعبانة كتير ومش قادرة
اخواني بحكوا مع اختي بدلعوها وبحبوها طيب وانا !؟
عشان شو
عشان تقدم لي شب من باب البيت
وناوي الحلال
اخوي حب مرته 4 سنين والثاني سنتين
وبابا برد عليهم وماما
ما حد معي مش عارفة شو اسوي
اخر شي صار انه اذا جهز حاله كامل كان والكمال لله رح تتزوج بس حكالي اخوي وقتها شو ما طلع عاطل سيئ بضربك .. مش رح ندخل متبرين منك امانة دلوني شو اعمل وين اروح خسرت ثقة اهلي وخسرت الي كل حياتي اخواني ""
والشب منيح وبعرف الله بس لما يصير مشاكل بينا بغلط كتير علي وعلى اهلي وبدعي وبحكي لي لو عندي لضربتك وفعلا مبين عليه بضرب
هيك خسرت كل اشي انا
حتى جامعتي مش قادرة اروحها مش عارفة اعمل اشي

بتمنى مشاركة الجميع

المشكله انه مفيش ثقه من الاهل ليكي
وطالما انتي مقتنعه ان الشاب
بيعرف ربنا خلاص اتمسكي بيه
لانه مابينفع تتخلي عنه عشان ظروفه المادية
وصدقيني مع الوقت اهلك بيقتنعوا بيه وبتمشي الامور

شوفي مريت بقصتها قبل سنين

حاولت بكل الطرق اني احارب لأكون للإنسان الي بحبه بس كل اهلي وقفوا بوجهي وانا وقتها حاولت اضغط بحيث ما اخسر اي طرف خاصة في مجتمعنا هاد
بس بالاخر ما قدرت اخسر اهلي ولسه حسرة اني ما كنت للي بحبه بقلبي
بالنسبة الها من كلامها هي هيك خسرت ثقة اهلها هيك هيك لانه باين ما راح يسامحوها وطالما هي شايفة الشب تمام ومقتنعه فيه وراضية بظروفه والأهم من كل هاد انه جد يكون بخاف الله خلص تتوكل على رينا ويمكن مع السنين والايام الاهل ينسوا خاصة لو بعد الزواج زوجها كان جد منيح وصانها ووقتها اهلها يعرفوا غلطهم وانه المال مش كل شيء بالدنيا


عوافي الكك لونلي

انا كنت مشجعها للاخير انه اتقدملها بس اهلها رافضين
وهو منيح بس باخر اشي لما بتصير مشكلة بينهم بغلط عليها وع اهلها وبده يضربها لو عنده

اذا من اليوم ومش متزوجين بغلط وبده يضربها كيف اذا تزوجوا
ماهو مش تخسر اهلها وكماان تتبهدل بزواجها منه

اللي بحب حدا بخاف عليه وبعمل لراحته مش العكس..
وبالاخر والاخير بتقدرش تتزوجه اللى اهلها يكونوا موافقين عليه

مش لازم تفوز بطرف ع حساب التاني اذا ما كسبته هو واهلها بلاش منه

بققولل تححاول تككسسبب اهللهاا
+ بنفسس الوقتت تكسسبب االششبب
+ م تتخخلى ععنوو اابداا و بنفسس
الوقتت باسسسلوبهاا تتقننعع اههلهاا
بسس لوو م ققدرت تخختار رضضضا
اههلهاا ♡
+ يسسلموو ححبيببتتي ♡
وردهةة

هاد شب مو منيح بنوب
بحبا و بدا يعنفا!!!!!! مالي عرفانه وين الحب بالموضوع
برئيي شخصي انو بتضحي ب شب عاطل كرمال اهلا ❤️
وتعتذر من خواتا شباب ❤️واكيد هنن بحبو كتير وغاليه ع قلبن

الله يبعتلك ايام حلوه رنوش
❤️

هاد دليل على ان لو الأهل كانوا قاسيين برفضهم او اسلوبهم
لكن بالنهاية بدوروا على مصلحتنا
احياناً الحب مش كل شي ..

ازا قدرت تتركه و ترجع لأهلها بكون منيح
ممكن يرجعوا يعاملوها منيح
و لو ما عاملوها منيح بتكون ارتاحت منه و تركته

الله يكون بالعون
تحياتي

الحب بحياتنا مش كل شيء
ما تخسسري اهلك كرمال شب
لا تغلطي هالغلطه
بيحبك وعنف وابصر شو
هوا هادا الحب
هادا مش حب هاي كسسره
اوعك تغلطي هالغلطه
ارجعي اعتذري من اهلك واخوتك
واهلك بدهم مصلحتك
وما تقولي اخوي ماخذ عن حب والتاني كزلك
لا ارفعي هالقانون من راسك
يعني ازا هما ماخذين عن حب لازم تاخذي شخص عن حب
لا ممكن يجي الك احسن منه يحبك ويصونك مش يضربك
يعني المثل
اختي ماخذه عن حب واخوي ماخذ عن حب واخوي الاصغر اخذ عن حب
بس انا م اخذت عن حب نصيبي هيييييك
وي محلاه من نصيب مش ضرؤري يكون الحب قبل الزواج ممكن يجي بعد الزواج
ورغم المشاكل ورغم الي شفته بحياتي بس بلحظه كل شيء اتغير
والحياه تمام والحمدلله واحسن من قبل بالف مره
ف لازم توعدي اهلك انك ما بدك هالششب وتعيشي حياتك كرمال اترجعي ثقتك فيهم لا تخسسريهم كرمال اي شب ما رح ينفعك هدددول سندك وعزوتك
هاى ردة فعلي
انا شفت ردة فعل الاخرين وحبيت الححكي تاعهم
بس لازم تفوقي وترجعي لحياتكك القديمه
عوافي لعيونك حبيبتي

اقتباس   المشاركة الأصلية كتبت بواسطة سارة المصرية المشكله انه مفيش ثقه من الاهل ليكي وطالما انتي مقتنعه ان الشاب بيعرف ربنا خلاص اتمسكي بيه لانه مابينفع تتخلي عنه عشان ظروفه المادية وصدقيني مع الوقت اهلك بيقتنعوا بيه وبتمشي الامور

الاهل مهما زعلوا من بنتهم بس مستحيل يستغنوا عنها
والعلاقه بيناتهم ممكن تتصلح لانهم اكتر حد ممكن يخافوا عليها
المشكله انه هو شخص بغلط عليها وشكله عنيف وهالشي باين من قبل ليتزوجها كيف لقدام
ليش لحتى تخسر اهلها كرمال شخص متله
شكرا ساره ع حضورك ورأيك
نورتي موضوعي

اقتباس   المشاركة الأصلية كتبت بواسطة نبض شوفي مريت بقصتها قبل سنين حاولت بكل الطرق اني احارب لأكون للإنسان الي بحبه بس كل اهلي وقفوا بوجهي وانا وقتها حاولت اضغط بحيث ما اخسر اي طرف خاصة في مجتمعنا هاد بس بالاخر ما قدرت اخسر اهلي ولسه حسرة اني ما كنت للي بحبه بقلبي بالنسبة الها من كلامها هي هيك خسرت ثقة اهلها هيك هيك لانه باين ما راح يسامحوها وطالما هي شايفة الشب تمام ومقتنعه فيه وراضية بظروفه والأهم من كل هاد انه جد يكون بخاف الله خلص تتوكل على رينا ويمكن مع السنين والايام الاهل ينسوا خاصة لو بعد الزواج زوجها كان جد منيح وصانها ووقتها اهلها يعرفوا غلطهم وانه المال مش كل شيء بالدنيا عوافي الكك لونلي

شوفي دينا الاهل دايما نظرتهم للامور بتكون اوعى منا وبكونوا بخافوا علينا وبدهم يطمنوا علينا
لهيك بنلاقي تصرفاتهم احيانا ما بتتلاءم مع الشي يلي نحنا بدنا اياه
بنظري الانسان ابدا ما يحاول يخسر اهله شو ما كان
بالنهايه هم ما رح يتخلوا عنه
وكل شي نصيب
وهاالشاب مو كتير منيح متل ما ذكرت انه عنيف وبسب عليها
اذا هيك من قبل ليتزوجوا شو ممكن يصدر عنه لما يتزوجوا
حبيت وجودك ومشاركتك دينا
شكرا لالك نورتي