شوية شغلات خلّيهن ببالك

شوية شغلات خلّيهن ببالك ..
1 - صديق الكل وحيد..
2- اللي فاهم الحب بكل تفاصيلو ، مو مرتبط ..
3- كلام الناس كلو غلط ، طالما مو طالع من أمك أو أبوك.
4- أنجح العلاقات اخفاها ..
5_ اللي ما بيتعدل بيتبدل ..
6_ الأمل بهالوقت متل التليفون الأرضي ، ما الو لزوم بس لازم يكون موجود ..
7- إذا ما عرفت تكون بنادول ، حاول ما تكون صداع ..
8- إنت مو محور الكون مهما كنت مشهور أو شغلة كبيرة..
9- مو كل اللي بيضحك بوجهك بيحبك، ولا كل إلي بيمرق من جنبك من دون ما يسلم عليك بيكرهك ..
10- مو شرط الناس تزقفلك مشان تكمل الشي اللي عم تعملو .. لو بتحبو كمِّل فيه حتى لو ما حدا عطاك إهتمام أصلاً ..
11- عيش حياتك أنت ، ما تقلد أي حدا مهما كانت درجة نجاحو..
12- ما تفكر تعيش متل بطل فيلم ، لأنو هو قصة مكتوبة مُصممة لحتى تعجب كل الناس ..
13- أول ما تبدا بالمشي ، طريقك رح يبين ، المهم تبدا..
14- على قدر العشم تأتي الخيبة ..
15 - ما تحاول تختبر قيمتك عند حدا لأنه ما دام وصلك لهون انت ما بتعنيله اشي ..
16- بحياتك لا تعلق روحك بحدا ، مين ما كان ..
17- كل شي رح يمرق ، بس و هو عم يمرق رح يترك شوية شغلات ما بتمرق ..
18- حاول تحافظ على حلاوة البدايات أطول فترة ممكنة ..
19- السمك الميت بيمشي مع التيار ، و السمك العايش بس هو إللي بيختار طريقو ..
20- ما تسحب حدا من حياتو ، لو مو ناوي تضل ماسك فيه بسنانك ..
21- كل واحد فينا جواتو قصة غيّريتو و من ساعتها و هو مو عارف يرجع طبيعي متل ما كان ..
22- كل شي بالدنيا الو تمن لازم يندفع ، مشان هيك لازم تكون عارف انك بتستغني عن شو كرمال شو ، مشان تمنك مايكون غالي ويندمك..
23- أتعلم الإنسحاب مرة ،و رح تصير عندك عادة ..
24- السن لما عصبو يموت مستحيل يرجع يلمع عليك .. عامل الناس كلها بالأسلوب هاد ..
25- كل مشكلة و إلها أكلة..
26- مشاكلك لو طلعت برا قلبك و حكيتها، بتكون عم تزود عليهم وحدة كمان ..
27-شوية الشوي اللي ضالين عندك، حافظ عليهم ، هدول راس مالك بالدنيا ..
28- ‏عمرك بالهوية غير عمرك بالمراية غير عمرك مع حدا بتحبو غير عمرك و أنت فرحان غير عمرك و أنت زعلان ، جوات عمرك عمر تاني ..
29- الحرام قبل العيب ، و ربك قبل الناس.
30 - ((الاهم)) خلّي ببالك ،إنو الشخص اللي حطّمك مستحيل يكون علاج

عبارات جميلة ومعبرة

عوافي

كل الشكر و التقدير

محتوى جيد قيم
شكرا لك

طرح رائع
مشكور

ححبيتت الموضوعع ككلهه
+ يععططيكك العاففيهةة
وردهةة

محلا النقاط والكلام

كتير مهمين لحياتنا

يسلمو مؤمن

نقاط قيمه مؤمن
ادراجك كثير حلو ومميز
ربي يسعدك

السلام عليكم ورحمة الله وبركاته



يسلمووووا مؤمن ع الطرح القيم والمفيد



يعطيك الف عافية



بانتظار جديدك دائما







تحيتي