مسا الخير.

مسا الخير اعضاء قلب فلسطين
وعيلتي التانية الصغيرة
اشتقتلكوا كتير، صرلي مش فايتة ع المنتدى من ٤ سنين تقريبا او ٥
عنجد الأيام بتمرق بسرعة بلمحة بصر والإنسان بيكبر مقابيلها..
بستغرب شو اللي خلاني أرجع مبيرح ع المنتدى لإنه بعتقد كنت مقررة إني ما أرجعش لهون وبتذكرش شو كانت الأسباب من خمس سنين لليوم. بس اللي بقدر اقوله إني مبيرح كنت قاعدة بالصالون وكنت عم بفكر بشي كان زاعجني كثير وكنت متدايقة منه كتير وبهاي اللحظة بالذات خطر عبالي المنتدى فجأة وحنيت وهيك بلشت اكتب إسم المنتدى فجوجل. مثل ما بقولوا افكار بتجر بعضها.
بس فكرة إني مفطنتش فالمنتدى غير بلحظة كنت متدايقة فيها شي كتير منيح لإنه من بعد ما بلشت ادور عليه بجوجل تغيرت نفسيتي شوي للأحسن.
مريت بظروف صعبة كثير بس منحمد الله عالمرة قبل الحلوة لإنه المكتوب ما منو مهروب.
تعبت كتير لحتى قدرت افوت لهون لإني ناسية الباسوورد من ٥ سنين. الفضل بيرجع للأخت البريئة حتى قدرت ارجع هون. والشكر الأكبر لمؤمن ياما ايام سأل عني فيها وانا لليوم مقدرة. وبحب اشكر كل شخص فطن فيي هون وذكرني بالخير بغيابي. وسلام خاص وكبير من القلب لننوش ولونلي هيرت حبيباتي اشتقتلون. وفي كثير بنات ذكروني بس مقدرتش اعرفن لإنون مغيرات اساميون.
فطلب بسيط اي شخص حابب يكتبلي شي هون يكتب شو كان إسمه الأولاني حتى اتذكر واعرف.
وكلمة اخيرة بتمنى الجميع يكونوا بصحة منيحة بسبب الظروف الصعبة يللي احنا فيها وبتمنى كلكوا واهلكوا وحبايبكوا تكونوا بعيدين عن الكورونا.
ورجعتي لهون لعلها خير.
بالتوفيق للجميع.

نورتي حبيبتي من جديد
أنا عضوة جديدة بس إن شاءالله نتعرف مع الأيام ⚘

حبيبتي آثار لو تعرفي قديش مشتاقين لحضورك معنا
رغم غيابك هذا الا انو مانسينتك ودايما حاضرة فالبال
اهلا وسهلا فيك بينا عن جديد
نورتي المنتدى
طمنينا عليك
كتير فرحت لما شفت اسمك حاضر
مش عارفة اذا لسى متذكرتيني اولا

نورتي حبيبتي مكانك
وان شاءالله تكوني بأفضل حال

يهلا وغلا حبيبتي نورتي من جديد
ويارب تكوني بخير
وتتواصلي معتا هنا على طول
نورتي والحمدالله على سلامتك

مساء النور
يا اهلاً وسهلاً سمرة
منورة المنتدى والله
وانت اكيد من الأعضاء الي ما بينتسوا
سعيد كثير برجعتك
وان شاء الله تظلي متواجدة ومستمرة دايماً
وما تقطعينا مرة ثانية مثل هالمرة

فرحت بحضورك

اديش اشتقنا لالك يا سمرة
واشتقنا لنقاشك وفلسفتك الحلوة

بتمنى تكوني بخير
وصدقا ليكي وحشة هون
والكل افتقدك
لانك مختلفة ومميزة
انشالله امورك تكون كلها تمام
وترجعي تنورينا عطول

انا ملاك ازا بتتزكريني
م لحقتك هون
بس بتزكرك بالقديم
كنت وما زلتي الصبية الواعية الفهمانة
يارب تضلي بصحة وعافية

مسسا الورد حبيبتي سمره
صدقاً انتِ من الأشخاص المختلفين المميزين
اللي عرفتهم طيلة تواجدي بالمنتديات
انا سعيدة برجعتك و اكيد كتار رح ينبسطوا بهالشي

كلامك مؤثر و الله ، و فعلاً انا متلك وقت اتدايق
مجرد لأفوت ع الموقع برتاح نفسياً ، ما بعرف ايش السبب


منورة حبيبتي
اهلا و سعلا فيكِ ♡

مسا الورد سمرة
نورتي المنتدي برجعتك والله
وقديش انبسطت لمن عرفت برجعتك
لانك اخت عزيزة علي قلوبنا جميعا
وبتمنى انو تكون هذا أخر الغيبات
وربنا يسعدك ويفرح قلبك دايما

يسعد مساكي حبيبتي اثار
شو هالمفاجأة الحلوه
يا الله شو انبسطت لما شفت اسمك والموضوع يلي منزلتيه
كتير مشتاقه لالك حبيبتي
وما بعمري نسيتك دائما ع البال وبقول شو اخبارها وشو بتعمل ويا رب تكون بخير
منوره المنتدى والدنيا كلها
من فتره طويله ما فرحت هيك
يا رب تكوني بخير وتضلي معنا ع طول
وترجعي تشاركينا بارائك المميزه والحلوه والمختلفة
بتعرف لما قلتي الك خمس سنين تاركه المنتدى قلت معقول كل هالوقت مضى
الايام بجد عم تمر بسرعه كبيره
ما حد بعرف سمره وممكن ينساها لانه الك بصمه مميزه والكل يشهد بهادا الشي
طمنينا عنا وشو اخبارك ووين وصلتي بحياتك
بحبك كتير