من اكبر كوارثنا الموجوده حاليا

من اكبر كوارثنا الموجوده حاليا التيك توك .


دخلت اشوف تجميعات مقاطع انصدمت من كميه التفاهه والعقل الصغير .. يعني مشان الواحد يكون مشهور لازم يكون تافه ؟
الواحد بنشهر بأخلاقه ، محتواه الايجابي واللي الو قيمه ، بتقديم اي اشي الو معنى او حتى نكت ومزح ، بس انو تنشهر بتفاهتك وقله ادبك هي اول مره بشوفها !
ذكور بس بالاسم وتصرفاتهم فيها انوثه بشكل مقرف ، صبايا بنزلو شغلات عحساب اسمهم وسمعتهم والمهم الشهره والتفاعل .
زمن غريب ، اتفه ناس متصدرين المنصات الاعلاميه ووراهم جيش كبير من المتابعين ومبسوطين فيهم .
اكيد في ناس مشهورين بستاهلو لكن الاغلبيه اعتقد انو ناسيين شو معنا الكرامه والشرف وما بعمرهم سمعو باشي اسمو تربيه .
بتذكر حديث الرسول الكريم ( سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة ) ، قيل وما الرويبضة يا رسول الله ؟
قال: «الرجل التافه يتكلم في أمر العامة».

راق لي

للأسف الشباب صار خسارة فيهم كلمة ذكر
بيعملو حركات والله البنات ما بيعملوها
والبنات ع قد م تقصري أواعيكي بتكون شهرتك
الناس انهبلو ع الشهرة والتخلف

الله يهدينا ويهديهم
يسلمو مؤمن

بصراحه لا تعليق
الله يصلح الحال
يسلمو ي قلب
الله يبعتلك ايام حلوه
و
سنين احلى

اللهه يغغير الححالل لأحسسنن ححال !
+ يسسلمو ممؤمنن
+ ممنور و زمانن عنن ممواضضيعكك !
وردهه

قريت الطرح كامل
لعل الحديث اللي ذكر اله علاقة باللي حكاه بالمعنى الحرفي
ما لقيت
بالنسبة للتيك توك
طلع كل هبل الناس اللي كان على قد غرفة او بيت بس
بس بفكر لو كل العقول زي بعضها وكلنا عقلانيين اكتر من اللازم
لننقتل من الهم والغم وما فيها لو في شوية مرح تروح عن نفسنا
لانه كل اللي بعملوا هالهبل قتلهم الغم
شو اكبر اشي ممكن بعملوا يرقصوا ويعيدوا ورا اغنية بالحركات
او يمثله او يحكوا نكته او مواقف بايخة ملهاش معنى
خليهم يعيشوا لحظة الشهرة
بس الاشي الوحيد بس اللي ممكن ننمغص منه هي البنات اللي كانن بنص عقل
صارن بلا عقل


سلمت

كل الشكر و التقدير

صحيح مايحصل في مواقع التواصل من مقاطع سخيفة وتقليد ورجال بلباس إناث وإناث متجردات من أبسط أخلاقهن ويروجون لخلاعتهن كوارث أسوء من الزلازل والبراكين
والمصيبة الأكبر أن يجدوا بين الناس العاديين داعم لهم بإعادة نشر المقاطع وجعلها تصل لأرقام خيالية يستفيد منها الفاسد ماليا ويجعله يستمر في الغي
ولو أن الناس تجاهلوهم وتركوا نشرها لماتت واضمحلت كما يضمحل أي شي لافائدة منه

أشكرك على طرح هذا الموضوع

للاسف هذ الشيء صار منتشر بشكل واضح في مجتمعنا
شكرا

وللأسف أغلب مشاهدي التيك توك الاطفال!

شيء يحزن مدى الانحطاط والتفاهة اللي وصلنا لها.

شكرًا مؤمن على الطرح القيم.

عم حاول احزف لابني البرنامج وبرجع يثبته
تعبت معو
للاسف اكتر برنامج كرهته مع اني مرة نزلته وما عملت حساب عليه
بس كمية القرف من الشباب اللي بعملو حالهم بنات بلبسهم
ولا الختايرة
اشيييي بخزي
وبخلو حالهم مسخرة للاسف
ولا البنات اللي شبه مو لابسين
م بعرف وين اهاليهم م بشوفو مقاطعهم
الله يهديهم بس