أخبار_عالريق سنة و21 يوم

#أخبار_عالريق سنة و21 يوم
✅يكتبها /سعيد الطويل
■الفصا.ئل بتهدد اذا صار حاجة للأسر.ى جوا السجن ، عشان تفشت عندهم الكو.ورنا مش حيحصل خير.
■الادارة تبعت سجون الاحتلا.ل مش راضية تعطي الأسر.ى لقاح الكو.ورنا لهلحين.
■بالنسبة لكابونة الوكالة أي حد راتبه تحت الألف وخمسية شيكل حياخذ كابونة ويضيفوا كمان أسماء جديدة.
■الشؤون الاجتماعية بتقول انها حتصرف هذه السنة مخصص الشؤون أربع مرات.
■في بشاير خير انه المنحة القطرية حتكون بنص الأسبوع الجاي.
■أم جهاد الوزير بتقول انه ملف شهد...اء 2014 حينحل بعد تشكيل الحكومة الجاية.
■ بقرار رئاسي بدهم يصرفوا راتب 100% لكل أ..سير بياخذ 50% بس مش معروف القرار لغزة والضفة ولا زي كل مرة غزة مش محسوبة بالقرار.
■توفى برام الله ضابط بالأمن الوقائي اسمه رأفت عبد الهادي أصلا من غزة بشكل مفاجئ ،والطب الشرعي اكد ان سبب الوفاة جلطة قلبية.
■سبع حالات وفاة كو.رونا مبارح هان وبالضفة.
■اليوم حتعلن الوزارة عن 403 حالات فش غيرهم.
■ريال مدريد كش ملك من كاس الملك بعد ما وقع قدام أتليتكو بلباو.
■في كبشة اجراءات لرجعة مدارس الاعدادية والثانوية بالضفة وانهم يخلصوا امتحانات الابتدائية عالسريع وطلاب الجامعات يداوموا من بيوتهم.
■بألمانيا مات 10 تنفار بعد ما تطعموا لقاح كور.ونا الجديد.
■الزهار حكى انه مش متفائل والمرحلة الجاية صعبة.
■هيئة المطاعم بتطالب بفتح صالات الأفراح من أول وجديد .

#يسعد_هالصباح لكل واحد طلع ع شغله ودوامه ورزقه من الصبح رغم الحظر لطواقم الصحة والشرطة وعمال النظافة والصيادلة والناس اللي مضلتش لابدة تحت الحرامات.

#يسعد_هالصباح للناس اللي ناوية تفطر شعيرية بسكر وتلم أولادها حواليها ع كانون النار مع شوية فخم وكم رغيف خبز محمص.

#يسعد_هالصباح للأرواح الحلوة اللي بتحب غيرها من غير سبب وبتحبله الخير والسعادة وبتحاول دايما تشوف منه الحاجات المنيحة وبتركزش عالحاجات اللي السلبية اللي فيه ..يعني بتحبه زي مهوا.

#يسعد_صباحكم يا جماعة الخير 🌺
وصلوا عالنبي بهذا اليوم المبارك
الجمعة 15/1/2021

الفصا.ئل بتهدد اذا صار حاجة للأسر.ى جوا السجن ، عشان تفشت عندهم الكو.ورنا مش حيحصل خير


ولا رح يعملو اشي.

الكورونا والامراض كتير متفششه ب السجون ولا حد مهتم.

الله يهونها

الزهار حكى انه مش متفائل والمرحلة الجاية صعبة
هاد الزلمة المفترض اسمه بومة حماس , او بومة غزة
داهيه تقرفو
عوافي

عليه الصلاة والسلام
يسلمو للطرح

	السلام عليكم ورحمة الله وبركاته يسلموووا ع النشرة الاخبارية المنوعة يعطيك الف عافية بانتظار جديدك دائما تحيتي