صبحناكم صبحوا علينا 🙏الاخبار اليوميه

#أخبار_عالريق 321
✅يكتبها/سعيد الطويل
■الحمد لله الحكومة حلت موضوع المواتير التجارية ورجعت النا سعر كيلو الكهرب بأربعة شيكل .
■فرحة الناس برجعة خطوط المواتير مبارح زي فرحتهم يوم لما تنزل القبضة قبل موعدها ومش مهم قديش الخصم.
■الدنيا قايمة قاعدة وحالة غضب كبيرة ع قصة اهانة رسولنا الأعظم محمد صلى الله عليه وسلم .
■السرا.يا أعلنت النفير العام بعد تسعين يوم من اضراب ماهر الأخرس و حالته الصحية صارت صعبة عالآخر.
■الها يومين الكوورنا شادة حيلها عنا بغزة والناس بتطالب بشوية تشديد خاصة بالمناطق الموبوئة.
■جارنا شب صغير بالعمر اسمه محمد عصام الهمص وهو موجود عند دارهم عالحدود برفح وقع بنفق قديم وتوفى بمكانه،ربنا يرحم روحه.
■صبية بتدرس تمريض اسمها منار المفتي من الوسطى توفت مبارح ولحقت بأخوها لعيب الكورة الجدع محمد اللي توفى قبل أقل من شهرين وبنفس الساعة .
■الشيخ رضوان مسكرة بشكل كامل زييها زي بيت حانون والبريج والتركمان .
■الزميلة الصحفية صافيناز اللوح دخلت بحالة صحية صعبة فجأة بعد ما صابتها عدة جلطات ورا بعض ..دعواتكم الها.
■البلد حتضل تسكر عالساعة تمنية بس بالتوقيت الجديد.
■الجوالات الحديثة اليوم لحالها غير التوقيت متلعبوش فيها.
■زلمة وأولاده هجموا على خطيب جامع بالأردن وطبوا فيه ضرب عشان طول بالخطبة يوم الجمعة.
■الليلة مطرت شوية ببعض مناطق القطاع وطلعولنا البنات بالمنشورات الشتوية على طول .
■الجو حيكون متلقب هاليومين وملوش راس من رجلين بس بالنسبة للمرواح خلص بيلزموش ضبوهم.
■شب توفى بحادث سير بقلقيلية بسبب سيارة مسرعة.
■الريال مدريد حسم كلاسيكو الأرض وقهر برشلونة على أرضها بتلات قوان نضاف.
■ليفربول غلب شيفلد ودخل فيهم قونين مقابل قون واحد ورجع ثاني لصدارة البريميرليج بس بشكل مؤقت.
■أتلتيكو مدريد فاز على الضيف تبعه ريال بيتيس بقونين نظاف في الليجا .
■الرئاسة بتقول انه تصريحات عباس زكي بالنسبة لموضوع السعودية بتمثلش الا نفسه واحنا علاقتنا مع السعودية فوق ريح.
■فش أي علوم ولا حتى تسريبات عن موعد صرف شيكات الشؤون للأسف ..الله يكون بالعون.
■ التوقعات انه يفتح معبر رفح هذا الأسبوع ،بس فش أخبار رسمية حتى الآن.
■المجلس الوطني صرح انه اتفاق التطبيع تبع السودان مش حيجلب السلام للمنطقة.
■الرئاسة قالت انه مش حيمر أو يتنفذ أي شغلة على حساب الشعب .
■اشتية بيأكد بتصريح اله على الحريات العامة وحماية المجتمع من أي فوضى أو فلتان.
■وزارة "الأوقاف" بغزة حكت بتصريح الها انها بتحمل الحكومة الفرنسية المسؤولية عن الإساءات الخطيرة للأمة الإسلامية ولرمزية رسولنا الكريم.

#صباح_الخير للعمال الشقيانين اللي بيطعلوا من الفجر عموقف الخضرة عشان يشتغلوا الساعة بخمسة شيكل ويروحوا عالدار بحق الطبخة ،أو متزبطش معاهم ويرجعوا عالدار مشي وميكونش في شغل الهم.

#صباح_الخير لبياعيين العوقا والكعك المرشوش عليه سمسم ،اللي بيرضوا بقليلهم وبيجروا ع أكل عيشهم من الفجرية لعز الظهر ،ليروحوا بشوية أغراض لأولادهم

#صباح_الخير للأساتذة اللي بيطعلوا من منطقة لمنطقة الصبح عشان يروحوا يدرسوا أولاد المدارس في ظل هالظروف الصعبة.

#صباح_الخير خص نص لمرتي وشريكتي بكل حاجة فاطمة عشان اليوم ذكرى زواجنا وارتباطنا .

#يسعد_صباحكم_بكل_الخير 🌸
الأحد 25/10/2020

صحيح ساعة جوالي اليوم تغيرت
آغلب هالآخبار نكد
الله يفرجها
شكرا لالك

الله يتلطف فيكن
يسلمو
الله يبعتلك ايام حلوه
و
سنين احلى

ربنا يفرجها على كل الناس
يسلمو لنقل والمتابعه

ييسسلمموو عع ممتاابعهه
وردهه

ييسسلمموو عع ممتاابعهه
وردهه

	السلام عليكم ورحمة الله وبركاته يسلمووووا ع النشرة الاخبارية المنوعة يعطيك الف عافية بانتظار جديدك دائما تحيتي