كيف نتعامل مع الكمامة

منقول ......



بس تكون لحالك بالسيارة فش داعي تلبس كمامة، ما إنت لحالك، أو بس تكون مع عائلتك اللي عايش معهم بنفس البيت، بتلبسها لما يكون معك حدا غريب

بس تكون ماشي مثلاً بمكان مفتوح وفش حدا قريب حواليك فش داعي تلبس كمامة، حاول ريح حالك وشم هوا قد ما بتقدر

بس تكون بمكتب أو محل أو مكان عمل وحواليك ناس أكيد لازم تضل لابسها وتراعي المسافة ولازم تطلع كل فترة تغير نفس، وتضل تعقم وتغسل كل ما تمسك إشي

وإنت بالسوق وبمحل وفي ناس حواليك أكيد لازم تلبسها، وتراعي التباعد وتراعي التعقيم بعد ما تخلص مهمتك وتمسك مصاري وقبل ما توصل سيارتك، واللي بالمواصلات بدو يعقم بعد وخلال إستخدامها

عدة تصريحات بتقول إنه الأطفال دون سن ال٦ أو ٧ لبس الكمامة إلهم مضر، الأفضل تقرأوا وتضلوا تتابعوا كل جديد وطول ما إنه فش ضرورة لتكميمهم فليش تخنقوهم خاصة بالأماكن المفتوحة

بدها ديرة بال وكتير خاصة إنه الفيروس منتشر والكمامة رفيقة أيامنا طول ما إحنا بنطلع من بيوتنا وبنشتغل وبنخالط ناس، ولكن مهم وضروري نعرف كيف نتعامل مع الكمامة.

السلامة للجميع يا رب

لما بطلع ع مدينه ملاهي بحس شخص تاني عم يسمعني لهيك بشيلا

الله يتلطف بعالم
نصائح مفيده
احسنتِ ملوكه

الله يبعتلك ايام حلوه
و
سنين احلى

كويس الالتزام بالتعليمات
لانو نص الشعب مقتنع انو كورونا كذبة
لهيك م بلبس كمامه نهائي
يعطيك العافية

اقتباس   المشاركة الأصلية كتبت بواسطة رونق لما بطلع ع مدينه ملاهي بحس شخص تاني عم يسمعني لهيك بشيلا الله يتلطف بعالم نصائح مفيده احسنتِ ملوكه الله يبعتلك ايام حلوه و سنين احلى

امين يارب
شكرا رونق

اقتباس   المشاركة الأصلية كتبت بواسطة m0m3n كويس الالتزام بالتعليمات لانو نص الشعب مقتنع انو كورونا كذبة لهيك م بلبس كمامه نهائي يعطيك العافية

لساتك مفكرها لعبة
انا متلك
كنت بفكرها لعبة
لحتى شفت اهلي بين الحياة والموت فيها
وقتها بس اقتنعت

مالبستها ولامرة
ولما اطلع من البيت
بلبس النقاب
شكرا ملاك

شكرًا للإفادة ملاك
يوركتي

والله درهم وقاية خير من قنطار علاج
لازم ناخد بالاحتياطات وكمان بلاها طلعة الاطفال من البيت
يعنى لافى مدارس ولاشي
وربنا يعافى الجميع
توجيهات فى محلها
عوافى ملاك

شو بعصبوني الناس اللي بستهتروا بموضوع الكمامة
يعني الواحد مش خايف ع حالو
يخاف ع اهل بيته
يعني مش لحاله بمرض.بعدي معه عشرات

الله يهيديهم
ويعافي الجميع
عوافي ملوكة عالطرح

الله يرفع عنا الوباء
شكراً لالك ع النصائح المهمة