سألتني جارتي انتي من وين ...؟؟

	السلام عليكم ورحمة الله وبركاته سألتني جارتي انتي من وين ...؟؟ قلتلها انا من الشعب يلي بيقطف ورق العنب وبيعمل فيه أطيب أكلة بالعالم ما رح يجوع من الشعب يلي جمع السمسم مع نبات الزعتر البري و بذور شجرة السماق و اخترع الزعتر.... ما رح ينتصر عليه الجوع... من الشعب يلي طحن الحمص والفول وخلطهم مع كمون و قلاهم بالزيت واخترع أطيب سندويشة فلافل ... ما رح ينام جوعان بلدي يلي فيها شجر الزيتون والجوز و التفاح والبرتقال والليمون والمشمش و التين والعنب .... يلي فيها القمح وفيها التنور ناطر الضيوف على الطرقات حتى يعطيهم أطيب خبز ..... ما رح تسمح للجوع يزورها اللي فيها مزارع... الارض تعطي خير على قد حبنا الها ... رجعت وقالت يعني من وين ...؟؟؟ قلتلا.. بتسمعي عن بلد الأنبياء.. وأرض المحشر والمنشر.. والأقصى.. والقدس.. والخليل وحيفا ويافا..وغزة العزة..وصفد .. والبحر والسما الزرقا.. والناس الطيبين؟؟ أنا من هناك.. مطرح مالغيمات بتشتي دفا ووفا.... وزيتون وقمح وحنّون.. وبيارات عشق وليمون.. أنا من لون الشمس.. والطين..والعكوب.. وكروم العنب والتين.. من أرض جدي.. وحكايات ستي.. و البواب المعطرة بريحة الهندبة.. وفطاير الكشك وزيت الزيتون.. ضحكت وقالتلي.. عرفتك ... تسلميلي ويسلمولي أهل فلسطين..🇵🇸. أنا من هناك ... من فلسطين الحبيبه ❤❤❤❤✌✌✌✌ ممااا رااق لي واستوقفني تحيتي ريمـــــــــــــــــــــــــــــــــــــاااس

فلسطين حبيبه العرب ❤️
جوات القلب
يسلمو ريماس
الله يبعتلك ايام حلوه
و
سنين احلى

فلسطين في القلب
حبيت الموضوع
يسلمو ريماس

سطور جميله

كل الشكر ♡

الله يحمي فلسطين واهلها احله ناس
يسعدك ريماس

فلسطين رغم كل ما سمعنا من حصار ودمار
وانكسار ضف عليهم تطبيع الغدار
لم نسمع ابدا منهم الجوع والاستسلاام
واقفون صامدون على الله متكلون.
الف شكر ريماس

كل الشكر و التقدير

فلسطين موطني وفي قلبي
مشكورة غاليتي
ودي

طرح رائع
راقني
يعطيك العافية ريماس

ربنا يحمي فلسطين الحبيبة وأهلنا بفلسطين