اول استضافه لمديرنا ب عام 2022 ♡

في هذه الساعات والأوقات الأخيرة من عام 2021م، نقف نودع هذا العام الجميل الذي عشنا فيه الكثير من الذكريات الرائعة والمؤلمه. ، نودعه وأعيننا على العام القادم،


من هون اجى ع بالي اعمل استضافه مع المدير الغالي . لنتعرف على شغلات صارت معاه العام الي مضى. ومايتمناه بالعام الجديد.

واكيد ضيفي المدير الغالي علينا كلنا @هل كان حباً


نبلش الاسئله.

تحدث ب اجاز عن السنه الماضيه مااعطتك من شغلات حلوة . ع الصعيد الشخصي.
وعلى صعيد المنتدى. كيف كان المنتدى ؟

ماهو أسوأ ماازعجك بحياتك الشخصيه. وع الصعيد المنتدى ؟

شي كنت تتمناه وصار ؟

وشي كنت تتمناه وماصار ؟

وشي حاب يصير؟



داخلين على 2022 .. والكل بيطلب السماح.
بتسامح حد تمنالك الشر.

بتسامح حد كسر بخاطرك.
بتسامح حد ردلك المعروف ب الاسائه.
بتسامح حد استغلك.
بتسامح حد جاب سيرتك بالعاطل. وحكا عنك ب اسلوب مش منيح.


عمرك حكيت. ( ضعهم في نفس الموقف عدلا وليس حقدا. يارب ).


طيب مين هما الناس الي غلطت معاك وبحقك ومستعد تسامحهم...؟؟؟

طيب في ناس ارتحت من شفتهم . انو الحمدلله راحو الله لايرجعهم؟

حد كنت مزعله وكنت حاب تصالحه وانتهت السنه وماصار فيه صلح؟


طيب نكمل . ♡


شي بتتمناه ب العام الجديد؟ على الصعيد الشخصي.
وشي بتتمناه يصير على صعيد المنتدى؟

شخص حاب تشكره من غير ذكر اسماء ؟ شو بتحكيله.
شخص زعلك. شو حاب تحكيله؟
شخص وقف معاك ومازال واقف معاك شو بتحكيله؟


على الصعيد السياسي.
شو بتحكي ل ابو مازن؟
ل اسماعيل هنيه؟
محمد دحلان؟
ابو عبيدة؟
السنوار؟
شو بتحكي ل حماس ؟
شو بتحكي ل السلطه الفلسطنيه؟

. موقف او حدث صار في فلسطين او خارجها وانبسطت عليه.؟
وموقف كنت تتمنى يصير وماصار..؟



مع مين حكيت اخر شي في السنه الماضيه؟
شو اخر شي اكلته ؟

اخر مشوار وين كان؟
اخر شي اشتريته ؟


احلى مقطع يو تيوب شاهدته ؟

واسوء اغنيه شو كانت ؟



واخير. ..
مين بتختار كشخصية العام 2021.

طبعا شخصيه عالميه...


واخيرا وليس اخيرا. اكيد لايمل منك مديرنا.
بدي تحكي النا نصيحه لاعضاء المنتدى خاصه . نصيحه نعمل فيها بقدوم العام الجديد تنفعنا بحياتنا.

وبدي نصيحه الي انا شخصيا.

واخيرا شكرا الك .
بتمنى مااكون ثقلت عليك ب الاسئله
وكنت حابه تكون اول شخص ب الاستضافه حتى تكون السنه حلوة علينا احنا.
وضل ياااااارب منورنا وماتغيب ابدا عنا.

أحلى استضافة ل هل كان حبا ��

الف عافية ي حلوتنا ♡

اقتباس   المشاركة الأصلية كتبت بواسطة بيسان أحلى استضافة ل هل كان حبا �� الف عافية ي حلوتنا ♡

اكيد حتكون احلى استضافه.
الله يعافي قلبك حبيبتي
منووورة

كل عام وانتِ بخير سكون وانين
وربنا يجعله عام سعيد عليكِ وعلى الجميع
واهلاً وسهلاً برجعتك كلنا سعداء فيها

بشكرك كثير لكلامك الجميل في حقي
واستضافتي
كلك ذوق
ان شاء الله اليوم بجاوب

كل الشكر و التقدير

تحدث ب اجاز عن السنه الماضيه مااعطتك من شغلات حلوة . ع الصعيد الشخصي.
وعلى صعيد المنتدى. كيف كان المنتدى ؟على الصعيد الشخصي الحمد لله
رتبت امور في حياتي والخير قادم ان شاء الله
وعلى صعيد المنتدى ما في جديد
متواجدين ومجتمعين برفقة كل الأعضاء الغاليين على قلوبنا

ماهو أسوأ ماازعجك بحياتك الشخصيه. وع الصعيد المنتدى ؟
الحمد لله ما في
وعلى صعيد المنتدى ممكن قلة النشاط والحضور

شي كنت تتمناه وصار ؟
ما في شيء معين

وشي كنت تتمناه وماصار ؟
ما في شيء معين

وشي حاب يصير؟
أشياء خاصة



داخلين على 2022 .. والكل بيطلب السماح.
بتسامح حد تمنالك الشر.
لا
لاسيما اني ما بتمنى الشر لأحد

بتسامح حد كسر بخاطرك.
بسامح ، لكن ما بقرب له بعد هيك
بتسامح حد ردلك المعروف ب الاسائه.
اه ، لكن ما بتعامل معه بأي شئ بعد هيك
بتسامح حد استغلك.
اه ، لكن ما بعطيه فرصة ثانية لأي شيء يعد هيك
بتسامح حد جاب سيرتك بالعاطل. وحكا عنك ب اسلوب مش منيح.
لا ،


عمرك حكيت. ( ضعهم في نفس الموقف عدلا وليس حقدا. يارب ).
لا


طيب مين هما الناس الي غلطت معاك وبحقك ومستعد تسامحهم...؟؟؟
على الصعيد الشخصي ما في حد غلط بحقي ، عادي ماشية حياتي طبيعي الحمد لله

طيب في ناس ارتحت من شفتهم . انو الحمدلله راحو الله لايرجعهم؟
لا ، ما بهتم لهاي الشغلات ، طالما انا في حالي وهما في حالهم

حد كنت مزعله وكنت حاب تصالحه وانتهت السنه وماصار فيه صلح؟
ما في

اسسسئلةة ححلوهه ككتييرر
+ اسستضضافةة بتججنن ل ههل ككانن ححبا
+ يسسلموو ددياتكك ع الاسسئلةة ☆
وردهةة

شي بتتمناه ب العام الجديد؟ على الصعيد الشخصي.
وشي بتتمناه يصير على صعيد المنتدى؟
على الصعيد الشخصي استقر في حياتي واحصل على عمل دائم وثابت
على صعيد المنتدى ما رح يكون له وجود في حياتي إذا ان شاء الله حصل الي بتمناه على الصعيد الشخصي

شخص حاب تشكره من غير ذكر اسماء ؟ شو بتحكيله.
بحكيله شكراً لك رغم ان ما في حد حاب اشكره
شخص زعلك. شو حاب تحكيله؟
مسامحك
شخص وقف معاك ومازال واقف معاك شو بتحكيله؟
ما في شخص معين
لكن بحكي لكل شخص وقف معاي في اي موقف من المواقف
ربنا يوفقك ويعينك على فعل الخير


على الصعيد السياسي.
شو بتحكي ل ابو مازن؟ حل ازمة غزة
ل اسماعيل هنيه؟ حل مع ابو مازن ازمة غزة
محمد دحلان؟ حل مع ابو مازن واسماعيل هنية ازمة غزة
السنوار؟ حل مع محمد دحلان واسماعيل هنية وابو مازن أزمة غزة
شو بتحكي ل حماس ؟ تعب الكلام من الكلام
شو بتحكي ل السلطه الفلسطنيه؟ تعب الكلام من الكلام

. موقف او حدث صار في فلسطين او خارجها وانبسطت عليه.؟
وموقف كنت تتمنى يصير وماصار..؟
يوم هروب الأسرى الستة من سجن جلبوع
وكنت أتمنى انهم ما ينمسكوا لكن للأسف انمسكوا



مع مين حكيت اخر شي في السنه الماضيه؟ كنت نايم ما حكيت مع احد
شو اخر شي اكلته ؟ سمك

اخر مشوار وين كان؟ الميكانيكي
اخر شي اشتريته ؟ بُرغي


احلى مقطع يو تيوب شاهدته ؟ مش فاكر

واسوء اغنيه شو كانت ؟ شيماء



واخير. ..
مين بتختار كشخصية العام 2021.

طبعا شخصيه عالميه...
مش عارف ما في ببالي احد

واخيرا وليس اخيرا. اكيد لايمل منك مديرنا.
بدي تحكي النا نصيحه لاعضاء المنتدى خاصه . نصيحه نعمل فيها بقدوم العام الجديد تنفعنا بحياتنا.
النصيحة للأعضاء ابتعدوا عن اخطاء 2021 واتعلموا منها وحاولوا لا تقعوا فيها في السنة الجديدة

وبدي نصيحه الي انا شخصيا.
ونصحية لك شخصياً
العائلة أهم ما في الحياة
اهتمي بعائلتك وتقربي منها ولا تهمليها


واخيرا شكرا الك .
بتمنى مااكون ثقلت عليك ب الاسئله
وكنت حابه تكون اول شخص ب الاستضافه حتى تكون السنه حلوة علينا احنا.
وضل ياااااارب منورنا وماتغيب ابدا عنا.
لا ابداً سعدت بإستضافتك
واعجبتني الاسئلة
وبشكرك لذوقك

وربنا يوفقك ويسعدك في حياتك
بشكرك مرة ثانية على استضافتي

الأسئلة حلوه كثير
إختيار جميل وإستضافة راقيه لــ هل كان حباً
وأجوبة جداً رائعه
يعطيك ألف عافيه
ربي يسعدك

استضافه جميله لهل كان حبا
يسلمو هالديات سكون ع موضوعك الجميل
منوره بعد غياب