جرعة ثقة

	السلام عليكم ورحمة الله وبركاته راقت لي.........❤❤ بالعامية 👌🏻 إوعك تسمحي لحد يشوف حالو عليكي 👌👌 أو يحسسك إنو بريستيجو شي كتير واو 👌... وإنك صفر ع الشمال👍 اوعك ترضي إنو الناس تعاملك بجفاف و تقبلي الأمر هاد ع حالك👍 لا تسمحي لحد يتعامل معك بفوقية لانه ما حد احسن منك👍 حتى لو ما كنتي متعلمة و شهادتك مو مبروزة كوني متأكدة انك عظيمة بأي درجة علمية كنتي.. كوني متأكدة إنه الثقافة و الفهم ما اقتصرت ع الجامعات والمدارس👍 إصحك تنسي حالك و تعتبري الدنيا راحت عليكي و تلزقي بالحيط.. الدنيا كبيرة لا تشوفيها من خرم إبرة!! لا تسمحي لحد يتعامل معك حسب مستواه الإجتماعي👌 حتى لو لبسك من البالة ولا من خواتك.. حتى لو ما معك تكملي آخر الشهر ولا فارق اصلا أوله من آخره.. حتى لو كنتي متصاحبة مع خط الفقر ومش قادر يتخلى عنك .. اوعك تستني من الناس يشوفوا إنجازاتك او يستشعروا تعبك بالدنيا👌 حتى لو ما كنتي مرت المهندس ولا الدكتور ولا مدير فرع ببنك.. حتى لو كان زوجك شخص بسيط.. لا تسمحي لحد يشوفك تحت.. لا تكوني مداس لحد.. ما تكوني ملطشة... اوعك تهون عليكي نفسك.. ما تيجي تحكي هنت ع الناس!! انتي هانت عليكي نفسك من البداية👍🤗 اصحك تفكري في حد مرتاح.. لا تغرك المظاهر.. لا تزعلي من قلة حيلتك واحتياجك.. اصحك تشوفي حالك اشي قليل.. انتي مو عايشة عشان حد.. انتي عايشة عشان حالك👍 المجدرة اخت المنسف .. ما تشوفي صحونهم اشي كتير 👍 المطعم مش بداية السعادة و تذكرة السفر مش معجزة الأحلام.. خدي الحياة ببساطة.. عيشي الحياة لا تعيشي تفاصيل الناس.. ارضي و ارضي كتير باللي رب العالمين كتبو إلك.. حبي حالك و ترفعي... الترفع عن أسوأ المشاعر بحد ذاته سموّ... كوني متأكدة إنه اللي بحبك ما بيضربك بضهرك.. بحبك كيف ما كنتي بمجمل صفاتك.. اللي بحبك ما بدو منك غير تكوني بخير... الناس اللي شايفتك نص نص لا تشوفيها.. عاملي الناس متل ما بتحبي يعاملوكي بس باللحظة اللي بتحسي فيها انهم متجاهلينك.. تجاهلي سيد سيدهم👍👍 كوني قوية عشانك إنتي.. عشان ولادك.. ما رح حد يطبطب ع جروحك.. ما حد رح يعرف لأي درجة قلبك موجعك غير انتي.. "كن انت تزدد جمالا" لا تجامليهم ع حساب أعصابك.. لا تعطيهم وقت ع حساب فراغهم اللي ما تزكروكي فيه.. ما تحبيهم الا ع قد محبتهم الك.. والعلاقة اللي ما بترتاحي فيها أتركيها... بلا منها.. اللي باعك بيعيه واللي طلب بُعدِك زيديه👍 اللي شايفك مو من مستواه ...سبحان اللي سواه.. اتركيييييه..لا تمرمطي حالك هون وهون.. اللي حكيتيلو سر و فتحتي طرف قلبك اله و شعرتي إنه السر هاد صار عبئ و البوح سهل عليه برضه انسيه.. بطلوا شوفوا الحياة بعين مادية بحتة ... لانه الرسول صلى الله عليه وسلم ما كان بيملك خزائن الذهب و لو شاء الله لجعله مالكا لها... ربنا ترك الرسول صلى الله عليه وسلم فقير المال..غني الأخلاق... و مش شايفه حد غير الرسول صلى الله عليه وسلم اقتدي فيه👍 لهيك خفوا ع بعض و شوي شوي بالنعرة الزيادة وشوفة الحال.. ترى الكفن نفس القماش.. ما في كفن جيبير وكفن شاش 🤗👍 حبي حالك ودللي نفسك عشانك انتي وبس ✌🏻😌 جرعه ثقه❤️ ممااا راق لي واستوقفني تحيتي ريمــــــــــــــــــــــــــــــــــاااس

بحب هيك مواضيع كلا ثقه وطاقه ايجابيه وتفاؤل
رائعه انتِ ريماس
الله يبعتلك ايام حلوه
و
سنين احلى

طرح قيم ورائع
يسلمو هالديات ريماس

الكلاام حلوو كثير وفيه كمية ايجابية وزياادة ثقة بشكل رائع
يعطيك العافية لادراجك الراقي والقيم ..

مموضضوعع ججممييييل
+ يسسلمموو ححببيتي
وردهه