#أخبار_عالريق ، صباح الخير يا وطني

#أخبار_عالريق 221
✅يكتبها/سعيد الطويل
■اليوم اللي صرنا نستنى فيه خبر استشها.د أسير اله محبوس عن اليهود أكثر من ربع قرن وبيمر مرور الكرام ،اعرف انه احنا بآخر زمن.
■بدل ما نسمع خبر الافراج عنه ،وصل لأهله خبر استشها.د الأسير سعدي الغرابلي من الشجاعية بغزة (عمره 75سنة) واله محبوس فوق ال26سنة ،وطلعت المعلومات متضاربة وان شاء الله ربنا بيكتبله السلامة .
■رغم انه في تضارب بالخبر ...الفصائل كلها أدانت واستنكرت استشها.ده زي ال223أسير اللي استشه.دوا بنفس الطريقة قبل هيك.
■المهم مبارح طلع أبو ماهر حلس وحسام بدران ع تلفزيون فلسطين وصرحوا انه الأمور تمام بالنسبة لمواجهة خطة الضم ومتوحدين وفش مشاكل.
■اعلنوا مبارح بشكل رسمي انه نتايج التوجيهي يوم السبت الجاي الصبحيات ،نيالهم فوج الكوورنا بيقلك مزبطينهم بالعلامات .
■مددوا تسكير مدينة الخليل لكمان يومين عشان يشوفوا المخالطين الجداد ويسيطروا عالوضع.
■هنية اتصل بمحافظ الخليل وأكد انه متضامن معهم،وانه احنا متوحدين لمواجهة كورونا.
■السلطة بتطلب بشكل رسمي من الاحتلا.ل تسكير كل معابر الضفة عشان محدش يدخل ويسيطروا عالكورونا .
■اشتية طلب قوات دولية عشان تشرف عالمعابر لانه قوات الأمن مانعاها اسرائيل من مهامها بعد ما وقف التنسيق.
■الفاكهة غلي سعرها شوية بالسوق والشمام صاير الخمسة بمية.
■عرض جديد ع فرشوحة الفلافل صايرة بنص شيكل .
■الوكالة بتحاول تفتح المدارس قبل شهر تسعة اللي جاي .
■الشؤون الاجتماعية كمان بتحاول انها تصرف شيكات الغلابا قبل ما يخلص هذا الشهر.
■بدهم يرفعوا الغطاء التنظيمي،عن أي واحد بيطخ يوم نتايج التوجيهي .
■بيقلك يا غراب البين في الصين بلش يتفشى مرض الطاعون الدملي ..و ربك بستر.
■الخوات المتجوزات اللي الهم اخوة توجيهي حيبلشوا يتجمعوا من يوم الخميس أو كبيرها الجمعة بدور أهاليهم عشان يستنوا النتايج.

#صباح_الخير لعائلة الأسير المسن سعدي الغرابلي ويارب يطمنهم ويفرحهم بخبر يريح قلوبهم ويكحل عنيهم بشوفته وهو متحرر.
#صباح_الخير للناس اللي صحيت مش عارفة كيف حتبدا يومها ،ولا شو حتعمل،من قلة الشغل .

#صباح_الخير للشباب اللي حيغيبوا عن شغلهم اليوم عشان يروحوا ع امتحان التوظيف وأملهم بوجه الله يغير حالهم.

#صباح_الخير خص نص لأخوتي الخريجين الثلاثة محمد وأنغام ودينا اللي حيقدموا امتحانات التوظيف هاليومين بالاشعة والتحاليل والعربي ،وربنا يوفقهم ويوفق كل مجتهد.

#صباح_الرزق 🌿🌹

صباح الرزق

الله يجيب كل خير ، وربنا يرحم شهدائنا وربي يفك قيد أسرانا من سجون الاحتلال

عوافي

يسلمو لنقل والمتابعه امير

الله يفرجها ع الناس
يسلمو للمتابعة

يعطيك الف عافية

الله يفرجها ع الجميع
شكرا الامير ع الخبار
عوافي

هالاخبار بتنفعش عالريق خالص
يعطيك العافية لادراجك

	السلام عليكم ورحمة الله وبركاته يسلموووووا ع الخبريات المنوعة والمتابعة يعطيك الف عافية بانتظار جديدك دائما تحيتي