حديث النفس للنفس 1 "تجربة حياتية واقعية "

في اشي نفسي احكي عنه
من زمان وزمان ومقتنع فيه
الاشخاص زي اصابعك الخمسة
كل واحد مختلف عن التاني وما بشبهوا حدا
هلأ انت بتختار الانسان اللي بناسبك
اللي بناسبك بفكرك بثقافتك بتخصصك بعملك بتربيتك وبأخلاقك وغيره وغيراته
يعني كل انسان بلاقي الكاسة اللي هو من نفسها
مفيش حاجه اسمها اني اخترت ليكملني
لا الكمال هو سد الخلل والنقص اللي عندك
الصفات الخيرة المش موجودة فيك ..اخترت الفلان لانها موجوده فيه
وعلى هيك صرنا مكملين بعض
اقتنعت انه الانسان دائما يختار الشخص اللي من نفسه طينته
فلهيك ما تزعل لو يوم قابلت شخص بدافع عن قلة الادب من شخص ما
لانه الدفاع عنها بذاته قلة ادب اكثر من الاول
حدد دايما بعقلك وين انت بتحط قدمك
لانه مش كل الناس من نفس عجينتك
واختار اللي بناسبك وابتعد عن اللي مش مناسبك
واياك ثم اياك انك تقترب من حد او تحاول مع حد
اصله هيك ما بتغير سوا وقت سلم او وقت خلاف
فلهيك لا تاخد على خاطرك من هيك ناس
لانه فقدهم مكسب الك بحد ذاته
وربك بحبك لانه ما بحب يمشيك على العمياني وبظهرلك دواخل الاشخاص اللي في يوم ما ادعوا احترامك وتقديرك

اكيد كلام منطقي وجميل وأكثر من مهم ميرسي للادراج

موضوع حلو أحدا صياغته باتقان
الاشخاص زي اصابعك الخمسة*
كل واحد مختلف عن التاني وما بشبهوا حدا*
هلأ انت بتختار الانسان اللي بناسبك*
اللي بناسبك بفكرك بثقافتك بتخصصك بعملك بتربيتك وبأخلاقك وغيره وغيراته*
بس رءي هه
حلو نتكامل سوا
احنا خلقنا لسد حاجات بعض
سوا وبنفس،الوقت نتميز عن بعض
اشكرك آراءك استثناءية

\
كلاام صحيح انه الغالبية ما بيشبهوا بعض
لكن ممكن تلاقي حدا بشبهك وبحب اللي بتحبه وبصفاتك وبشبه بغالبية الاشياء اللي فيك
مش بالضرورة انه يكون مختلف ..
يعطيك العافية لادراجك

قصدي بالكمال هو طريق الخير والصفات الحلوة الموجودة وبزيادة حبة عننا

مشكورين لتواجدكم الطيب

منورين دوماً

كلامك صحيح
بس كمان مو دائما الشخص يلى بيناسبنا بيكون بيشبهنا
وانت حكيت ان الكمال بالشغلات لمنيحة يلى بتكملو فيها بعض .. بس بظن الكمال بالعلاقة لما يكون فى تضاد بين الطرفين واحد يشد والتانى يرخي .. واحد متشدد والتانى عقلانى .. هيك بيصير فى نكهة وطعم للعلاقة
اما شخصين نفس الاشي بكل شئ بيصير فى ملل ورتابة

وفى ناس بيكون فى اختلاف بينهم متل السما والارض .. بس بعد ما يرتبطو برباط رسمي بيصير شيء واحد

يسلمو خالد للطرح

اقتباس   المشاركة الأصلية كتبت بواسطة خَمْر أيلول كلامك صحيح بس كمان مو دائما الشخص يلى بيناسبنا بيكون بيشبهنا وانت حكيت ان الكمال بالشغلات لمنيحة يلى بتكملو فيها بعض .. بس بظن الكمال بالعلاقة لما يكون فى تضاد بين الطرفين واحد يشد والتانى يرخي .. واحد متشدد والتانى عقلانى .. هيك بيصير فى نكهة وطعم للعلاقة اما شخصين نفس الاشي بكل شئ بيصير فى ملل ورتابة وفى ناس بيكون فى اختلاف بينهم متل السما والارض .. بس بعد ما يرتبطو برباط رسمي بيصير شيء واحد يسلمو خالد للطرح

حلو التضاد بالعلاقات
هادا مدريدي والتاني برشلوني
هادا حمساوي وهادا فتحاوي
هادا بحب الافلام الاكشن والتاني الرومانسي
هاد بحب وهادا بشجع وهادا ....
هادا مقبول
بس المش مقبول
هادا بصلي والتاني ما بصلي
هادا حرامي والتاني مش حرامي
هادا اخلاقه سيئة والتاني مربى وابن عالم وناس

هادا كان مقصدي عزيزتي

شكرا لحضورك وتعليقك اللي بنم على فكرك وثقفتك
بحب مشاركتكم انتي والصياد
لانه عندكم نظرة


سعدت بك