اخبار على الريق

■اليوم في كثير حاجات حتنصرف واللي اله نصيب يستنى رسالة ع جواله ويخليه شغال وميطفهوش.
■صندوق وقفة عز بلش يبعت رسايل لتعون غزة عشان يروحوا عالبنك يقبضوا .
■وزارة العمل كمان بدت تبعت رسايل للمتضررين عشان يقبضوا التعويضات تبعت كورونا .
■منحة الجيزة والجواز اللي من قطر كمان حيسلموا دفعتها الأولى اليوم.
■قبضة الوكالة اليوم وفش عمولة كمان عليها من بنك فلسطين.
■الجو اليوم حيشلوحنا تشلوح ولسة الصيف ضايله أكثر من شهر ،يعني لسة بنسخن.
■اشتية بيصرح مبارح انه حيكون صيف ساخن حيواجه القضية الفلسطينية عشان خطة الضم.
■وصل مبارح أعداد جديدة من أهلنا اللي كانوا بالضفة والأردن عالحجر الصحي وكلهم بخير وسلام.
■وزارة الصحة حتلغي المدارس من خدمة الحجر الصحي وحتضل تستخدم الفنادق وحجر الشمال والجنوب.
■الشرطة البحرية بلغت الصياديين انها حتحجر كل صياد بيشمل أو بيدخل جنوب وبيتجاوز الحدود المسموحة.
■بالنسبة للشب اللي انحرق بالوسطى الليلة اللي فاتت ،القصة مش انتحار ،بس هب فيه قلن بنزين بالغلط وهيو بالمستشفى وربنا يلطف فيه.
■مكافحة المخدرات عاملة حملة عالتجار اسمها ضربة العيد عشان تكبسهم كبس.
■قلن العصير المحلل وعلبة الحلاوة الأخيرة خلصت من مونة السحور من تلت ترباع الدور.
■رطل البندورة ب2شيكل وكيلو الخيار بشيكل بس.
■بيقلك خافف السحب عالجاج هذه الأيام وسوق السمك مش شد ايدك.
■عشر شباب زي الورد من جباليا سمعوا القرآن الكريم كله ع قعدة وحدة من التمنية الصبح ولعند قبل آذان المغرب بشوية .
■ع راي أم العبد بتقلك والله ساق الله عن ايام السلطة مكناش نشوف شوب زي هالأيام ودرجة الحرارة متطلعش عن ال27. #صباح_الخير للمحبين والمتحابين والطيبين واللي قلوبهم صافية واللي بيحقدوش واللي بيتوجهنوش ،واللي بتشوفهمش بوجهين ،وللمخلصين وللي بيعرفوش الغدر والدس واللت والعجن والبرم والتلسن والطعن واللعن والهمز واللمز .
#صباح_الخير للمتسامحين والمتساهلين والمتوكلين واللي موكلين أمرهم ل الله
واللي بيحبوا يعملوا الخير لو بكلمة ولأصحاب الطلة اللي بتشرح القلب والكلمة اللي بتريح والتطليعة اللي بترد الروح.
#يسعد_صباحكم ..واللهم بلغنا ليلة القدر احنا وانتوا ...🌹🙏

يسسلموو الاممير
وردهه

يسلموو لنقل والمتابعه
يعطيك العافيه

"
يعطيك العافية لادراجك هالاخبار ومتابعتها ..

صيف السلطة بختلف عن صيف حماس ي ام العبد عاد
الله يعين الناس
عوافى الك

شكرا للمتابعة
وردي

يعطيك العافية

يسلموو لنقل

	السلام عليكم ورحمة الله وبركاته يسلموووووا ع الاخبار المنوعة والمتابعة يعطيك الف عافية بانتظار جديدك دائما تحيتي