اخبار 23 فبراير بأسلوبها الجديد .

■الجو مشمش بالنهار درجة حرارته مرتفعة شوي بس البرد لسا موجود

■الإدارة العامة للمعابر والحدود تعلن أن الجانب الاردني ابلغهم بوقف ادخال زيت الزيتون الى الاردن عبر معبر الكرامة اعتباراً من اليوم

■شركة صينيه تصنع جهاز يقوم بتعقيم الفرد 360 درجة في ٢٠ ثانية

■من اليوم كل البلد قلبت احمر عشان عيد الحب وشكلهم رح يحتفلو بعد بيوم

■السلطات الصينية تعلن ارتفاع عدد الوفيات جراء فيروس كورونا إلى 1310

■مهرجان الطهي الدولي رح يكون بريحا ورح يعملوا اكبر صحن مجدرة برغل بالعالم

■كرتونة البيض الكبير ب 13 شيكل والجاج لسا ب 10 شيكل الكيلو
مع اني شريت البيض ب 17 !

■ ألخضرا صارت شحيحه بالحسبه وبلشت التنزيلات تيجي من غزه


■النا يومين ما بنعرف النوم مش الاشتباكات المسلحة بين العائلات
و الحكومة مع الخارجين عن القانون ، و ما بنقول الا الله يفرجها و نعيش ليلة هادية اليوم


■اليوم الخميس والبلد والشوارع ازمه كبيره رح اتضل للمغرب

■مبارح الوضع كان هادي بالضفة بس كان في محاولة لعملية طعن آخر الليل بالقدس.

■ضايل شهرين وكم يوم لرمضان الكريم ،ربنا يبلغنا اياه احنا وانتوا ع خير.

■الموز طلعوا بجيبوه من حيفا وهلأ بلش يغلى هو والبرتقال

■اليوم البنات والكناين عند اهاليهم بما انو الجو حلو والعزايم بتبلش

صباح الخير لولاد الاصل اللي بوقفوا مع الحق
صباح الخير لموظفين البلديه والكهربا والاطفائيه والله يعطيهم العافيه
مع انو لسا الكهربا بتطفي بعدة اماكن
صباح الخير للمحامي الاصيل اللي مابرضى بالغلط
صباح الخير للأم اللي صحيت من بدري وجهزت ولادها للمدرس
صباح الخير لكل مريض ما معو حق الدوا
ومش صباح الخير لكل واحد سايقها بهالبلد

نهاية اسبوع سعيده للجميع

واحلى صباح الخير لعيونك ع الموضوع ال بجنن
جد بحب هالاخبار
لانك م بتحسيها اخبار
حتى لو فيها اشي مزعج
اه والله اليوم الخميس ولمة البنات
وهيني صاحيه بدري اعمل جاج محشي
يسعد قلبك مينو
وصباحك ورد��

صباحك سعاده
وتسلمي لنقل الاخبار اسلوبك مميز بسردها
يعطيك العافيه

وصباحك كلو سعادة
شكراً علي الاخبار
كل الشكر الك

صباحك خير
يعطيك العافية لادراجك هالاخبار

صباح القلوب الجميلة حبيبتي❥
اُسلوب جديد و مختلف
حلوة أنتٍ ميمو ❥
الله يبعتلك ايام حلوة
و
سنين احلى

ههه اسلوب مختلف وجميل
عوافي

هههههههههههه جولة إخبارية مميزة فعلاً
وملائمة لهيك وضع بصراحة
ماننحرم طلتك بالمواضيع الجميل
ام امير
ودي

الله بيعين
يسلمو البريئة

شكراً لحضوركم
تحياتي .