افتحوا قلوبكم ، خلونا نقدر نكمل !♥️

ليش بنستحي نحكي بحبك ! بس مابنستحي نكره ؟
ليش بنستحي نطلع الكلمات الحلوة ، بس مابنستحي نحكي كلام بشع عن الناس اللي حوالينا ؟

والاحضان اللي بنتمنا نتدفى فيها.. ليش مابنهرب عليها ؟ ليش بنخبي وجوهنا والابتسامات لما نتأمل حدا بنحبه ومبسوطين بوجوده ، بس مابنخبي غمزنا ولمزنا عن يلي بنغتابه ونحش فيه !
ليش بنكون بنموت ع ضحكة حدا بس بنخجل نحكيلو ، ليش بكون وجود حدا بالطلعة بيسوى الدنيا بس مابنخبره !؟
بنستحي ؟
بس لما يكون حد معنا غير مرغوب بنوضحلو بتصرفاتنا وما بنستحيش !
بتعرف تحكي وجهك نحفان وباين انك تعبان و شكلك بخزي ..
بس لما يكون في وجه حلو او مضوّي بتسكت ؟

بتعرف تحكي يالطيف شو كئيب ونفسية و ممل ..
بس مابتعرف تحكي لحدا هالضحكة مااحلاها !
او الله يديم ضحكتك و يسعدك!!

كيف مابنستحي نخذل بعض ونغتاب بعض ونعلق ع اشكال بعض ونرمي بلا وفتن بين بعض وندايق بعض ؟

شو اللي خلا العالم مخييف بهالطريقة غير انه جردناه من الحب اللي فيه .

ارجوكم افتحوا قلوبكم ، خلونا نقدر نكمل !♥️♥️

زمن صار فيه الحب بنخبي
والكره بنطلعو من قلوبنا
طرح جميل وكلام رائع نقاء
كل الشكر الك

ارجوكم افتحوا قلوبكم ، خلونا نقدر نكمل !

كلمات تستحق التآمل
رائعة أنتٍ نقاء❤️
الله يبعتلك ايام حلوة
و
سنين احلى
تقييم

اقتباس   المشاركة الأصلية كتبت بواسطة قلب فلسطيني زمن صار فيه الحب بنخبي والكره بنطلعو من قلوبنا طرح جميل وكلام رائع نقاء كل الشكر الك

كل الشكر لحضورك قلب
م ننحرم الحضور الحلو

اقتباس   المشاركة الأصلية كتبت بواسطة وردة فرح ارجوكم افتحوا قلوبكم ، خلونا نقدر نكمل ! كلمات تستحق التآمل رائعة أنتٍ نقاء❤️ الله يبعتلك ايام حلوة و سنين احلى تقييم

تسلمي حبيبتي ورده
يسعد قلبك♡وم ننحرم الحضور الحلو ي رب

للاسف اغلب الناس بحبو ينتقدو بعض
وما بشوفو الا الشي السيء
وما بحبو يحكو الشي الحلو

طرح لامس واقعنا
اشكرك نقاء

اقتباس   المشاركة الأصلية كتبت بواسطة ملاك الحب للاسف اغلب الناس بحبو ينتقدو بعض وما بشوفو الا الشي السيء وما بحبو يحكو الشي الحلو طرح لامس واقعنا اشكرك نقاء

تسلمي حبيبتي ملوكه
يسعدك ربي♡
منوره مواضيعي ع طول
م ننحرم ي رب

حقيقي
هو اللي بيخجل يحكي حلوو اكيد هيخجل يحكي كلام بشع
لكن في ناس بتحب تنتقد وبس لكن ما بتمدح حدا ولو حقيقة
يعطيك العافية لادراجك القيم ..

اقتباس   المشاركة الأصلية كتبت بواسطة الصياد حقيقي هو اللي بيخجل يحكي حلوو اكيد هيخجل يحكي كلام بشع لكن في ناس بتحب تنتقد وبس لكن ما بتمدح حدا ولو حقيقة يعطيك العافية لادراجك القيم ..

اه والله كلامك صح الصياد
يسعدك ي رب
نورت موضوعي
م ننحرم ي رب

فيه ناس الانتقاد بدمهم أصلا
أحياناً الاعتراف بالأشياء السيئة أسهل ما بعرف ليه
حبيته كتير
يعطيك ألف عافية