سلامًا لمن طرقَ الباب فوجده مُغلقاً ، فعذَر وأمهل وصبر

•متل ما في جملة بتقول "طيب طالما هاد رح يريحك" في جمله كمان بتقول "رح تيجي معي غصب عنك"

• متل ما بآمن بالمساحة الشخصية وبحترمها كمان بآمن ب أهمية الاختراق والاجبار ب تأصيل الود وتثبيت المحبّة

• متل ما في جملة " بتحب أيجي لعندك هلأ ؟" في جملة " أنا اللي عم رن الجرس افتحلي "

• متل ما في جملة "ماشي الله معك سلام " في جملة " انتظر شوي أنا حابب احكي معك"

• بآمن انو ما بينفع اللي بِحبّنا يتركنا على مزاجنا وألّا يعني وين الفرق و لي اصلا هوي موجود ؟ !
• مهما استقوت نفسنا ما تتركونا ألها ولا تاخدو كلامنا جد فورا
في مقولة قريتها من فترة يمكن بتختصر كل الكلام هاد "سلامًا لمن طرقَ الباب فوجده مُغلقاً ، فعذَر وأمهل وصبر ورابط وأبى الانصراف ومكثَ غير بعيد ، يتحيّن فرصة ويترصد ثغرة ، حتى رأى نصف انفراجة فانتهزها ، وجاز وعبر واخترق ومرّ إلى قلوبنا ، فأثار ومنح وطبطب وأحيا وأعان وعوّض واحتوى"💛

اوقات كتيرة منكون قافلين علينا غرفتنا ، ما بدّنا حدا يفوت ب اكتر وقت محتاجين حدا يكسر الباب علينا ويحاكينا

المريض لو ما أجبرتو انّو ياخد الدوا بعمرو مارح يطيب !

#منقول