[ فلسسففةة التخخلي ] ♥ "

"#التخلي "

"من الغباء انك تتمسك بحاجه وقت مغادرتها."

"التخلي" من اصعب الامور اللي ممكن اي انسان يضطر يعملها .

اوقات كتير بيبقي امتلاكنا لشيء او وجودنا في علاقة او شكل اجتماعي او منصب ،اوقات بيبقي وجود الحاجات دي عامل حائط صد بيننا وبين مشاعر الخوف والقلق. عوامل احنا شايفينها بتحققلنا الامان سواء تفكيرنا ده كان صح او غلط.

تخيل لو اضطريت تتخلى ، تتخلي عن وظيفة مش عاجباك، علاقة آذياك ، او حتي التخلي عن حد بتحبه علشان هيكون تخليك ده في مصلحته ، تخلي عن مستوي معين من الحياه انت عايشه ، والاهم تخليك عن توقعاتك عن الشكل اللي انت شايف " المفروض تكون عليه حياتك وعلاقاتك" .

التخلي دايما بيصاحبه ألم ، زي ألم الولادة ....ولادة شخص نِقص حاجه بس زاد حاجات كتير .....إرادته قويت ....قدرته علي التحمل زادت .... شخص مبقاش التغيير يخوفه زي زمان لأنه أيقن ان الواقع بتاعه دايما متغير ومن الغباء انه يفضل ماسك في حاجه آن اوان مغادرتها.

التخلي بوعي بيصاحبه تسليم واحساس أن مهما الألم كان قوي برده انت اللي ماسك زمام امورك في إيديك... أمورك هنا مش الاحداث اللي بتحصلك ولا سيطرتك عليها .....لا.....امورك هي رد فعلك لما بتحصلك ، اختيارك انك تبقي اوعى.

التخلي اللي بيحصل من غير وعي ، الانسان بيشوفه إجبار ، مصيبة ، وعدم الرضا بيبقي اللون الاساسي ليه.

اتخلوا بوعي ، اتركوا الاشياء والاشخاص بسلام علشان تسمحوا للحياه انها تظهرلكوا اللي مخبياه علشانكوا . بلاش مقاومة.

باايي