ادعوا لأمهاتكم بعد القراءة .

كبرت يا ست الحبايب وعرفت ان الكبة لبكتها كبيرة والورق عنب لفه بيكسر الضهر 🥣

👩‍🦰 كبرت يا ست الحبايب و عرفت قديش السبانخ والملوخية بدهم تنقاية وغسيل قبل الطبخ 🌿🌱🚰

👩🏻‍🌾كبرت يا أمي وعرفت الفرق بين البقدونس والكزبرة

👩‍🦱كبرت يا أمي وعرفت ان قالب الكيك لينفخ ما لازم نفتح ونسكر عليه باب الفرن 🥧🤣

👱‍♀️كبرت يا أمي وعرفت انه تنضيف المطبخ هو براد وغاز وأرض🧹 وترتيب مش الجلي والمجلا وبس 🧹

👱🏼‍♀️كبرت و عرفت انه من النظافة شلح الأحذية 👡وقت مندخل عالبيت

🧕🏻كبرت يا ست الحبايب و عرفت ان المناشف لما بتنرمي مبلولة على التخت 🛏 بتعلي الضغط

🧑كبرت يا ست الحبايب و عرفت ان الحبل لازم ينمسح قبل ما الغسيل يتنشر
👚👕🧦

👩🏻‍💼كبرت و عرفت ان الاكل والشرب 🍫🥪🥤بالغرفة ما ازعجه وقديش الكراكيب المشلوحة هون وهونيك بسّموا البدن

🧕🏻كبرت يا امي وعرفت كيف ضب الشتوي وطلّع الصيفي والعكس صحيح👗🧥

👷‍♀️كبرت يا ست الحبايب وعرفت ضب السجّاد ومدّ السجاد

🧕🏻كبرت وعرفت معنى الحمل 🤰🏻🤱🏻 و والولادة و الخوف على الأطفال

👩🏻‍💼كبرت و عرفت ليش ما بقدر اترك بيتي 🏡المسؤولية كبيرة
🤱🏻كبرت يا ست الحبايب وفهمت مقولة ما بيربى ولد ليفنى جسد

👱🏼‍♀️كبرت يا أمي و عرفت قديش تعبتِ....
كبرت يا أمي و كل اللي عملته فيكِ بشوفه بعيني🤱🏻
الله يرحم اللي غادرونا ويطول بعمر كل ستات الحبايب

الله يطول بعمرها
حبيت الطرح
يسلم ايدك

اقتباس   المشاركة الأصلية كتبت بواسطة قلب فلسطيني الله يطول بعمرها حبيت الطرح يسلم ايدك

و انا حبيت حضورك
يسعد صبآحك .

كبرت يا أمي وعرفت إنه تنظيف المطبخ هو براد وغاز وأرض�� وترتيب مش الجلي والمجلا وبس .

لاا نبع الحنان معلماني هاد الشي من وأنا صغيرة ههههه
الله يطول بعمر أمي و أمهات الجميع .
كثير حبيت الموضوع
يعطيكِ العافية
ما ننحرم ♡

اقتباس   المشاركة الأصلية كتبت بواسطة نور الروح كبرت يا أمي وعرفت إنه تنظيف المطبخ هو براد وغاز وأرض�� وترتيب مش الجلي والمجلا وبس . لاا نبع الحنان معلماني هاد الشي من وأنا صغيرة ههههه الله يطول بعمر أمي و أمهات الجميع . كثير حبيت الموضوع يعطيكِ العافية ما ننحرم ♡

مهو كآنت تعملهم لوحدهآ ’ نحنا كنا نجلي بسس
ربنآ يحفظها لكِ
نورتِ

كبرت يا ست الحبايب وفهمت مقولة ما بيربى ولد ليفنى جسد
اي والله هالعباره صحيحه
الله يرحمها امي ولا م اعملت اي شغله من اللي فوق الا بعد م اتجوزت..وهلا بعمللهم واكتر
دمتي بخير مينو

الله يطول باعمارهم ويحفظهم
ما بنقدر تعبهم غير لما نمر فيه
يعطيك العافية لادراجك القيم ..

طول عمري بشتغل مع امي
حتى بالطبيخ
والحمد لله ما تغلبت بهالشغلات من مرة

حبيت كلامك يا مينو
الله يخليلنا ياهم يارب
ست الحبايب

اللهم آمين
ما أحلاه الموضوع
أحيا فينا كتير ذكريات وحب كبير
يسلمو البريئة لطرحه
ما ننحرم جديدك الراقي

اقتباس   المشاركة الأصلية كتبت بواسطة نقاء كبرت يا ست الحبايب وفهمت مقولة ما بيربى ولد ليفنى جسد اي والله هالعباره صحيحه الله يرحمها امي ولا م اعملت اي شغله من اللي فوق الا بعد م اتجوزت..وهلا بعمللهم واكتر دمتي بخير مينو

حبيبتي الله يرحمهآ
ما بنعرف قيمتهم الآ لنصير مكآنهم
نورتِ