صبر أيوب مابينورث

#بعرف تنين كانوا مرتبطين و تركو و كل واحد عاش حياتو.. بعد فترة رجعو يحكو و كأنو عم بيحاولو يرجعو اللي بيناتهن التنين كانو بيحبو بعض بس فشلو يرجعو لانو شغفهن بوجود بعض بطّل موجود .. ✋

- #يوم نتيجتي بالجامعة كنت متخانق مع إمي
بس اول ما عرفت اني ناجح رحت لعندا و انا مبسوط كتير و قلتلها النتيجة ، كانت عم تحضر تلفزيون ما تطلعت فيي حتى .. قالتلي مبروك بقرف بعد شوي اجت عبطتني و قالتلي مبروك و مزحت معي .. انبسطت ، بس انا كنت ناطر منها انو من الفرحة رح تقوم تعبطني بوقتها.. بس ردة فعلها اجت متأخرة💔

- #بعرف واحد كان بحب وحدة حب متل الأفلام، انفصلو و مرق سنين نطرتو ونطرتو ونطرتو انخطبت و هو لساتو بيحبها و كتير بس كان عم يقنع حالو انو هني خلص مو لبعض ، سألتو كيف بتقدر تكون بتحبا لهلأ؟
قلي كنت مفكر شي يوم انو هيي رح ترجع ..👌💔


- #عيد ميلادي قضيتو ماسك الموبايل ناطر رسالة معينة و معتقد انو هالشخص قاعد ناطر تصير ١٢ حتى يحاكيني ويقلي كل سنة وانت سالم.. مرقت الساعة 12 ضليت ناطر لحد ما نمت وانا ماسك الموبايل..💔
الرسالة اجت تاني يوم .. مافرحت ولا بدي ياها ..لانو انا كنت ناطر تجي بالوقت يلي كنت عم انتظرها فيه..🌼🌵

#المشاعر الصادقة والأشياء الحلوة والناس يلي بتخلينا نطير من الفرح بس يخذلونا مننكسر ، بتضل تحز بقلبنا واللهفة عليهن بتروح ومابترجع ..
ما تفكرو انو في شخص رح يضل متحمل تقصيركن أو جرحكن كل العمر
طاقة الصبر محدودة وصبر أيوب ما بينورت🌸

ما هو هي التجارب اللي بنمرق فيها بتعملنا الصبر ، وبتعرفنا كيف نواجه الحياة صح
اكيدد وجع اللي بنحبهم مش بسيط بس كمان ما فيه موتنا
يعطيكِ العافية لادراجك الحلو والراقي ..

فعلا احيانا لو الشئ ما أجا في وقته بيكون بلا قيمة
مشكورة خمر ايلول للموضوع
اختيار مميز منك
ما ننحرم كل جديدك

https://youtu.be/zQb7__aFQsc

هااي الاغنية لهاا من 2008 لما شفت موضوعك تزكرتهاا اضن الكل يعرفهااا


كل شخص مناا مر في امور ممكن تكون شبيهاا من موضوعك حب من طرف واحد الا اخرى


بس اضن لا يمكنناا ان ننسى الايام الجميلة التي مررنا بها وقتهاا مع العلم ايضاا مستحيل يرجع الحب مثل الساابق


شكرا الك .

على موضوعك.

كتيير حبيت ادراجكك
يعطيككِ العاافيةة خمر
ماا ننحرم