مين يجيب اللوم عليكي وانتي كل ما فيكي طيب

ذكرى بتاريخ النهاردة - عمرو حسن



من يومين شُفتك معاه...كنتي ضهرك ليا وعنيكي ف عينيه
طفل مش مني ف ايديكي....دبلة مش ليا ف ايديه
كنتي ثابته وبنت نفسك....انكسر ضلي ساعتها والبشر مرت عليها
كان بوّدي اعتذرلك.....حتى اقولك : عامله ايه
بس سيّب قلبي دقّة.....لما عقلي قاللي لأه
دي النهاية المستحقة.....لحد ساب وماقالش ليه


وافتكرتك....وانتي جنبي
كنتي بنت أصول وصالحة....عاملة مع روحك مصالحة
كنت بستغرب مشاعرك
ف الفرح بلاقيكي وردة
أم معجونة بطفولة
ف الألم بلاقيكي ثابتة
تسندي ضهري برجولة
تلحقيني كل مرة
كل مرة بتبقي سابقه خطوة عن كل اللي جنبي
كنتي تتحبي الحقيقه....بس انا كنت اعمى فعلاً
كنت باهرب بالطريقة
مرة خايف مرة اسف...مرة ليّن مرة ناشف
مرة مش قادر أكمل....مرة مش عارف أجمّل
عشتي شايلة وعشت احمّل....لما فاض الكيل ف روحك
للأسف كنتيلي دنيا....وكنت أكبر ما ف جروحك
مين يجيب اللوم عليكي وانتي كل مافيكي طيّب
ده انتي حتى الاه ماكنتيش بتقوليها.....كل حاجه عشاني كنتي بتعمليها


لسه فاكر
وانتي نازلة ف وقت متأخر لجل تجيبيلي الدوا
واما اقولك : دول شوية برد يعني ، كحه من لسعة هوا
تعمليلي أم بتزعّق ف عيل
( قولتلك تلبس كفاية ، برد طوبة مش قليّل )
واما ابوس ايدك تقولي
طفل مزعج بس طيب
كان عليكي نشان براءه عمره مرة ما كان يخيّب

النهارده انا كنت نقطة...واقفة بين أصبح وكان
واما خفت ل حد ياخد باله مني ف المكان
خدت بعضي ورُحت ماشي...زي شجرة بغير فروعها
كان ف ضهري عمري فات
بنت ولا كل البنات
كان تاريخ كامل ورايا
ضحك واغاني وسلام
صمت ومعاني وكلام
كوكب الاحلام بحاله كان ورايا
كنتي واقفه هناك معاه
وكنت باتمشّى معايا


ربنا يفكرني بيكي
وتفضلي ماتفتكرينيش

ي سلاام ع الحلاوةة
كلمات حلوة كتير
وللاسف كتير ناس مابتعرف قيمة يلى بيحبوها غير لما يفقدوهم
وقت مابنفع ندم ولا اشي
اختيار جميل جدا شهد الروح
ماننحرم اختياراتك الحلوة

بنعرف قيمة الاشخاص والاشياء لما نفقدهم وما نعرف انه ما بعوضنا عنهم شيء
ولا بملئ فراغهم حدا ، الكلمات جداً جميلة والقصائد العامية ممتعة كثير
انتقاء حلو وراقي ..

اقتباس   المشاركة الأصلية كتبت بواسطة الصياد بنعرف قيمة الاشخاص والاشياء لما نفقدهم وما نعرف انه ما بعوضنا عنهم شيء ولا بملئ فراغهم حدا ، الكلمات جداً جميلة والقصائد العامية ممتعة كثير انتقاء حلو وراقي ..

مزبوط كلامك
وانا بتفق بكل حرف كتبته 100%
كلك ذوق الصياد
ممنونتك ولا حرمت حضورك
وكلي سعادة لتواجدك
وطلتك العذبة

اقتباس   المشاركة الأصلية كتبت بواسطة خَمْر أيلول ي سلاام ع الحلاوةة كلمات حلوة كتير وللاسف كتير ناس مابتعرف قيمة يلى بيحبوها غير لما يفقدوهم وقت مابنفع ندم ولا اشي اختيار جميل جدا شهد الروح ماننحرم اختياراتك الحلوة

:13:
وربي مرورك وردك
بكون احلى من الموضوع بحد ذاته
ما اسعدني ب مرورك
ومعانقة متصفحي بهالطريقة البالغة الجمال
طاب لي كل حرف كتبتيه هنا
من مداد قلمك الجوهري
دمتِ ب حب