[ ماا تقول اشوفكك ععريسس ]

كل شيء في حياتنا متمحور حول موضوع الزواج والخلفة ، وأقصى طموح شبابنا وبناتنا صار تأسيس بيت وتكوين عيلة صغيرة .. طبعاً كل هذا نتيجة غسيل الدماغ والنق (ركزلي على النق) منذ الصغر حتى الكبر على هالموضوع ، وبحس بعض الشباب بتزوجوا عشان يخلصوا من النق فقط لا غير ..
البنت من وهي صغيرة إذا بدهم يمدحوها ويتغزلوا فيها بقولوا : (متى بدك تكبري وأشوفك عروس وأشوف ولادك حواليكي)، الولد الصغير أو الشب لما يكون مرتب ولابس لبسة أنيقة بقولوله : (طالع عريس ما شاء الله عليك ، بدنا نفرح فيك)، لما تتخرج من الجامعة والناس تباركلك بقولولك :(عقبال الفرحة الكبرى)، لما يشوفك واحد من معارفك خصوصاً الكبار في السن أول سؤال بسألك يياه بعد كيف حالك هو (مش ناوي تتزوج؟! بدناش نفرح فيك؟!)، ولما تروح على عرس أو خطبة بس بتسمع جملة :(يلا شد حيلك خلينا نفرح فيك ، أو عقبال عندك)، ولك حتى لما أبارك لواحد لأنه أجاه مولود جديد برد علي وبقولي: (عقبال نشوف ولادك)، ياخي أنا شوفة ولادي مأجلها حتى إشعار آخر ، إنت مستعجل على شوفتهم أكثر مني ليش ؟!؟!؟ 🤔

أبوس إيدك إنسالي جملة (عقبال عندك)

قول عقبال أشوفك مليونير ، عقبال أشوفك مهاجر أو أشوفك مسافر ، عقبال أشوفك أي إشي ، بس ما تقول أشوفك عريس
ببايي