بكاء الأصابع .!

| من كتاب بكاء الأصابع |

انتهي من كتابة النص ، فيشيخ الزمن مجددا وتعود الحياة الى رتابتها. لم أعد أعرف ما الجدوى مما أكتب ، و إن كان تدوين أفكاري الغربية بهذا الشكل ضربا من الحماقة أو محاولة للنجاة .. إنما أدرك جيدا أنني لولا الكتابة لكنت مجنونة أو خرقاء تقوم كل صباح بالبحث عن نفسها و لا تجد سوى انعكاس لملامح أنثى في المرآة.

أنا مجبرة الآن على الشعور باللامبالاة تجاه الأشخاص و الأشياء من حولي لأنها جميعا مكررة. لا شيء يثير الاهتمام ، الوقت يلتهم ما يمر به بطريقة سيئة تخلّف الكثير من الفُتات. و أنا ، أحاول بشكل جدي جمع هذه الأجزاء الناجية من جشع الزمن لأشكّل منها المكان الخيالي الذي يظهر فقط حين أشرد ، أكتب ، و أقرأ ليلا على أريكتي المتهالكة. الحقيقة الوحيدة الجديرة بالتصديق ، هي أن كل شيء في هذا العالم يؤول الى البؤس ، أننا نتمسك بالتفاصيل الصغيرة و نحن مغمضي الأعين كي لا نلمح الهاوية التي تقترب يوما بعد يوم. نحن نقنع أنفسنا عبثا أننا مرتاحون و سعداء ، و أن العمى الذي نتظاهر به أفضل بكثير من رؤية وجه الواقع الدميم.

/ يشبهني

كنت بعاني من نفس المشكلة
لانه يحنا مش عارفين لشو عايشين
حطي حلم صوب اعينكي ذات
بتحسي كل شيء جميل حولك واله قيمة
حلم بخلي عقلك دايما مشغول فيه وما يلاقي حاله فاضي
وبحس بالملل ولكآبة دايما

راقتني السطور فقد كانت تشبهني كذكر

دايما بلاقي في كتاباتك او حتى الاشيا يلي بتنتقيها البوس والسلبيه
حاولي تلاقي ذاتك بعيد عن هالاشيا ومتل ما قال خالد حاولي تحطي هدف لحياتك
انتقاء جميل ومميز
يسلمو دياتك

اقتباس   المشاركة الأصلية كتبت بواسطة سفيرُ نغم كنت بعاني من نفس المشكلة لانه يحنا مش عارفين لشو عايشين حطي حلم صوب اعينكي ذات بتحسي كل شيء جميل حولك واله قيمة حلم بخلي عقلك دايما مشغول فيه وما يلاقي حاله فاضي وبحس بالملل ولكآبة دايما راقتني السطور فقد كانت تشبهني كذكر

وإن تشابهنا الظروف بتختلف و جدا جدا

أنرت سفير النغم ..

اقتباس   المشاركة الأصلية كتبت بواسطة lonely heart دايما بلاقي في كتاباتك او حتى الاشيا يلي بتنتقيها البوس والسلبيه حاولي تلاقي ذاتك بعيد عن هالاشيا ومتل ما قال خالد حاولي تحطي هدف لحياتك انتقاء جميل ومميز يسلمو دياتك

مافي إمكانيات من أي نوع أو قدرات لأحط حلم
بالنهاية أنا رح تكون نهايتي زواج غصب عني متل كل البنات الي عايشين داخل عائلة متحفظة بزيادة

أنرتِ الراقية لونلي ..

اقتباس   المشاركة الأصلية كتبت بواسطة ذات مافي إمكانيات من أي نوع أو قدرات لأحط حلم بالنهاية أنا رح تكون نهايتي زواج غصب عني متل كل البنات الي عايشين داخل عائلة متحفظة بزيادة أنرتِ الراقية لونلي ..

ما في شي ممكن يجبرك ع شي انت ما بدك اياه
الدين الاسلامي واقف لصفك واكيد انت بتعرفي هالشي
وما في زواج بكون بالغصب

اقتباس   المشاركة الأصلية كتبت بواسطة lonely heart ما في شي ممكن يجبرك ع شي انت ما بدك اياه الدين الاسلامي واقف لصفك واكيد انت بتعرفي هالشي وما في زواج بكون بالغصب

حتى لو أقعتن أني ماتجوز شو بصير بعدها
بكمل حياتي هنا، بحكي عيلتي متحفظة جدا وبزياادة
يعني منعوا حتى الدراسة فمابالك أنتِ بعمل او شي آخر ،هما منعوا حتى قراءة روايات لأنون بحكوا انها فيروس العقول
المقصود بحلم عندك يعني هدف متل أني اصير مثلا كاتبة أو أدخل أي مجال آخر ألاقي حالي فيه
،أي شي إله صلة بالخارج هنا محظور،

أنرتِ مرة ثانية ..

اقتباس   المشاركة الأصلية كتبت بواسطة ذات حتى لو أقعتن أني ماتجوز شو بصير بعدها بكمل حياتي هنا، بحكي عيلتي متحفظة جدا وبزياادة يعني منعوا حتى الدراسة فمابالك أنتِ بعمل او شي آخر ،هما منعوا حتى قراءة روايات لأنون بحكوا انها فيروس العقول المقصود بحلم عندك يعني هدف متل أني اصير مثلا كاتبة أو أدخل أي مجال آخر ألاقي حالي فيه ،أي شي إله صلة بالخارج هنا محظور، أنرتِ مرة ثانية ..

ما توافقي لحتى ييجي الشخص المناسب يلي ممكن تتقبليه
ذات انتي عندك موهبة الكتابة وفيكي تستغليها
ما انت موجوده ع النت معظم وقتك
فيكي تعملي صفحة لالك وتنشري عليها كتاباتك
ولا هادا الشي كمان ممنوع ؟

اقتباس   المشاركة الأصلية كتبت بواسطة lonely heart ما توافقي لحتى ييجي الشخص المناسب يلي ممكن تتقبليه ذات انتي عندك موهبة الكتابة وفيكي تستغليها ما انت موجوده ع النت معظم وقتك فيكي تعملي صفحة لالك وتنشري عليها كتاباتك ولا هادا الشي كمان ممنوع ؟

آه صح بس لأنه هالأيام أخي بعمل معظم الوقت
اي كمان ممنوع ...

ينقل للمخالف بعد إذنكم ^
@رفيقة ٱلقمر