حبـــــكك بجـــــــوفــــــــي !

يباع الحب عند الغير...لكن حبك بجوفي !

لك اشواقي واوراقي...ولك أفكاري وحروفي
ولك ودّي ولك وجدي...ولك أيامي ياسمرا




تبدّد - من هنا قربك - في قلبي همّي وخوفي
وزال الياس يومنّك سطعتي بدنيتي قمرا




يباع الحب عند الغير...لكن حبك بجوفي
يبيع الماضي والحاظر ويبقى للأبد يشرا




مادام ان حبك احساسي ونبظي وسمعي وشوفي
هلا بجرحك وتجريحك...ولو جرحك عجز يبرا




ومدام الفكر يسري في قلم واوراق بكفوفي
لاخلّي آلامي الجاهل اذا شاف الشعر يقرا




على حكم الهوى دوري وفي دنيا العتب طوفي
مدام انك كمال الزين وافق ( مريم العذرا )




أحبك رغم كل النّاس...ورغم أيامي وظروفي
ومهما قالوا الحسّاد انا في حالتي أدرى




أياسمرا محد قبلك ابد تخضع له سيوفي
ولكني على دربك لقيت الخوف من المسرا




لقيتك..ثوره في الأخلاص وعلى عهد الهوى توفي
لقيتك حلمي اللي ضاع...وارض احلامي الخضرا