تلفزيون "فلسطين" يهاجم أنفاق المقاومة في غزة

في موقف غير متوقع، بثت قناة تلفزيون "فلسطين" لسان حال السلطة الفلسطينية في رام الله، الليلة الأثنين 9/1/2017 الذي يبث من رام الله مقابلة مع وزير العمل الفلسيني مأمون ابو شهلا، الذي يسكن في غزة، وعرض عبر الشاشة بنر كبير، وعنوان عريض، يقول: ( غزة في ظلام دامس .. والانفاق مضاءة!!!)

وقد حاول مقدم البرنامج والمقابلة أن يوجه اسئلة محرجة للوزير ابو شهلا، ويتساءل، كيف تضاء الأنفاق التي تنشئها المقاومة وكتائب القسام التابعة لحركة- حماس، في حين لا يجد المواطن الكهرباء، وكيف تنفق آلاف الأموال على هذه الأنفاق ومعدات المقاومة.

يشار أن تلفزيون " فلسطين، هو التلفزيون الرسمي، وهو مرتبط مباشرة بالرئيس محمود عباس، وهو يقوم بتعيين مديره وكبار موظفيه، وقد وجه التلفزيون عبر مقدميه ومراسليه انتقادات عديدة لعمل حماس، وكذلك عبر وكالة الانباء الفلسطينية- وفا، والمؤسسات الأغعلامية التابعة للسلطة.

وكان قادة الجيش الإسرائيلي أدانوا إضاءة المقاومة للأنفاق فيما يغرق الناس في الظلام؟

بالاسم فلسطين بس
بيهاجم حماس اكثر ما بيهاجم اليهود
لو فيه خير وداعم للمقاومة لكان زمان اغلقو الاحتلال
زي ما اغلق اذاعات بالخليل

ناس غرقانة بالجهل

يعني هما كذَّبوا
فعلاً غزة اللي فوق الأرض مظلمة
وغزة اللي تحتها عمرانة ومضيئة

مشكور للخبر

بغض النظرر ان كانت قناه فلسسطين تابعه للسلطة او لا

كغزاويين مو حماس السبب بهالازمة ؟

ومو بيوتهم مضوية ؟

ليش ما نكون واقعيين ولو شوي


حماس لا تصلح كحكومة ابدااا

مشكور للنقل عهد

تحيااتي

اقتباس   المشاركة الأصلية كتبت بواسطة ملك روحي بغض النظرر ان كانت قناه فلسسطين تابعه للسلطة او لا كغزاويين مو حماس السبب بهالازمة ؟ ومو بيوتهم مضوية ؟ ليش ما نكون واقعيين ولو شوي حماس لا تصلح كحكومة ابدااا مشكور للنقل عهد تحيااتي

كفلسطينين السبب بالازمة هو الاحتلال

وقت فتح كانت ماسكة الحكم ماكان فى مشكلة بالكهرب لان التنسيق شغال والكل مكتوم على نفسه وغزة ماكانت عاملة رعب لليهود

حماس وقت حكمت غزة بطريقة شرعية وعن طريق الانتخابات كانت الكهربات ورقة ضغط متلها متل كتير غيرها من اوراق استخدمها الاحتلال والسلطة وحتى المصريين لانهاء حكم حماس

وبعيد عن كل الحكي هاد

انا كمواطنة تحت الاحتلال مابقدر اتحرك ببلدي بحرية بسبب الاحتلال انا قبلانه ما اشوف الكهربا بالمرة بس اظل انفاق المجاهدين والمقاومين شغاله

لان هالانفاق هى السبب فى صفقة وفاء الاحرار الاولي وهتكون السبب ان شاء الله فى صفقات اكثر واكثر وعمليات تهجير قسرية لليهود باذن الله

ولان يلي قاعد فى النفق بيدافع عن عرضي وشرفي وارضي يلي راحت وما قدر ت سلطة رام ترجع شبر منها اظل غزة معتمة طول عمرها بشرفها وكرامتها ولاتنذل متل اذناب السلطة ماهما مذلولين

يسعدو البطن يلي حملك ي شيخة

هو الواحد ينفع يعيش بدون كرامة اصلا

غزة شوكة بحلق كل انسان بلا كرامة

الحمد لله على نعمة اني من غزة

اقتباس   المشاركة الأصلية كتبت بواسطة خَمْر أيلول كفلسطينين السبب بالازمة هو الاحتلال وقت فتح كانت ماسكة الحكم ماكان فى مشكلة بالكهرب لان التنسيق شغال والكل مكتوم على نفسه وغزة ماكانت عاملة رعب لليهود حماس وقت حكمت غزة بطريقة شرعية وعن طريق الانتخابات كانت الكهربات ورقة ضغط متلها متل كتير غيرها من اوراق استخدمها الاحتلال والسلطة وحتى المصريين لانهاء حكم حماس وبعيد عن كل الحكي هاد انا كمواطنة تحت الاحتلال مابقدر اتحرك ببلدي بحرية بسبب الاحتلال انا قبلانه ما اشوف الكهربا بالمرة بس اظل انفاق المجاهدين والمقاومين شغاله لان هالانفاق هى السبب فى صفقة وفاء الاحرار الاولي وهتكون السبب ان شاء الله فى صفقات اكثر واكثر وعمليات تهجير قسرية لليهود باذن الله ولان يلي قاعد فى النفق بيدافع عن عرضي وشرفي وارضي يلي راحت وما قدر ت سلطة رام ترجع شبر منها اظل غزة معتمة طول عمرها بشرفها وكرامتها ولاتنذل متل اذناب السلطة ماهما مذلولين

راح اتفق معك باول نقطة وانو مشكلتنا الرئيسيه هي الاحتلال وما في خلاف ع هاي
لكن عن حكم حماس لغزة فهي ما كانت شرعيه ابدا
خلبنا نتفق ع انو حماس وفتح هم ابناء هالبلد واخوتي واخوتك وبلا ما نخون اي جهة منهم
وما راح استعمل مصطلاحاتك " حكومة رام الله " او " حكومة حماس "
دام حماس دخلت الانتخابات فهي اعترفت ضمنيا باتفاق اوسلو
وان كنتي بتخوني السلطة فحماس شريكة بهالخيانه
انا مو ع السلطة ولا سياستها على فكرة

نقطة تانيه :
ربطتي موضوع الكرامة بالكهربا ؟!
وهل الكرامة تمنعكم تطالبو بادني حقوقكم ؟ وتعيشو كالبدائيين ؟
وهل كرامتكم تعني تتنازلو عن انسسانيتكم ؟
الفقر بغزة عم ياكل الاخضر واليابسس
والصور هون وهناك عن غزة سابقا وغزة الان
وتذمرات من الغزيين ومسباات لحكومة غزة وحماس
وخوفكم كمواطنين تعبرو عن رأيكم

وين الكرامة بالموضوع ؟!




نقطة اخيرة :
انا بردي حكيت حماس لا تصلح كحكومة وما حكيت عنها كمقاومة وعن انجازاتها ولا بنكرهاا
وربنا ينصرهم ويشد ازرهم ي رب

وبرجع احكي المشكله التانيه بعد الاحتلال هي الانقساام
واستعمالنا مصطلحات كحكومة رام الله
وتخوين بعضنا البعض


الضفة بما فيها رام الله والقدس والخليل وجنين وبيت لحم ونابلس وووووووو
لسه قلبها بينبض ولسه بتقاوم
والعملياات الفدائيه يلي بتصير وحتصير والشهداء يلي عم يسقطو
والاسرى والجرحى والانتهاكات والحواجز وووو
وما زلتو بتخونو اهل رام الله وبتحكو باعو القضيه !


بجد ردك استفزني

ع كل حال ربنا يديم كرامتكم وتضلو بلا كهربا مشان تضل الكرامة

اسفة للرد كمان مرة :75:

السسلآم عليكم

مكنتش حابه أتدخل بالموضوع ده

بس اللي حابة أقوله، انه مينفعش أي جزء يخون بعضه

ولا يقول المنطقة دي تل ابيب تانية ولا اولي

بلأخر الكل لسه بيقاوم وبنبض،ولبسه

السهداء بيسقطوا والأسري بيكافحوا

وبلأخر رام الله من فلسطين،لاخاينة ولا حاجة

وأنا بتفق مع ملكك برأيها")

اقتباس   المشاركة الأصلية كتبت بواسطة ملك روحي راح اتفق معك باول نقطة وانو مشكلتنا الرئيسيه هي الاحتلال وما في خلاف ع هاي لكن عن حكم حماس لغزة فهي ما كانت شرعيه ابدا خلبنا نتفق ع انو حماس وفتح هم ابناء هالبلد واخوتي واخوتك وبلا ما نخون اي جهة منهم وما راح استعمل مصطلاحاتك " حكومة رام الله " او " حكومة حماس " دام حماس دخلت الانتخابات فهي اعترفت ضمنيا باتفاق اوسلو وان كنتي بتخوني السلطة فحماس شريكة بهالخيانه انا مو ع السلطة ولا سياستها على فكرة نقطة تانيه : ربطتي موضوع الكرامة بالكهربا ؟! وهل الكرامة تمنعكم تطالبو بادني حقوقكم ؟ وتعيشو كالبدائيين ؟ وهل كرامتكم تعني تتنازلو عن انسسانيتكم ؟ الفقر بغزة عم ياكل الاخضر واليابسس والصور هون وهناك عن غزة سابقا وغزة الان وتذمرات من الغزيين ومسباات لحكومة غزة وحماس وخوفكم كمواطنين تعبرو عن رأيكم وين الكرامة بالموضوع ؟! نقطة اخيرة : انا بردي حكيت حماس لا تصلح كحكومة وما حكيت عنها كمقاومة وعن انجازاتها ولا بنكرهاا وربنا ينصرهم ويشد ازرهم ي رب وبرجع احكي المشكله التانيه بعد الاحتلال هي الانقساام واستعمالنا مصطلحات كحكومة رام الله وتخوين بعضنا البعض الضفة بما فيها رام الله والقدس والخليل وجنين وبيت لحم ونابلس وووووووو لسه قلبها بينبض ولسه بتقاوم والعملياات الفدائيه يلي بتصير وحتصير والشهداء يلي عم يسقطو والاسرى والجرحى والانتهاكات والحواجز وووو وما زلتو بتخونو اهل رام الله وبتحكو باعو القضيه ! بجد ردك استفزني ع كل حال ربنا يديم كرامتكم وتضلو بلا كهربا مشان تضل الكرامة اسفة للرد كمان مرة :75:

طيب خليني ارد ع كلامك من بعد اذنك ،

١_ حماس وجودها شرعي بنتيجة انتخابات ٢٠٠٦ وهالحكي مفروغ منه .

٢_ اتفاقية اوسلو كانت بعام ١٩٩٣م ، واول انتخابات تشريعية كانت بعام ١٩٩٦م ، وبناء عليه الاتفاقية هاي كانت بين منظمة وحركة فتح والكيان الصهيوني ، قبل لتكون منظمة التحرير ممثل شرعي للشعب وعلى هيك بظل الاتفاقية بين فتح والكيان الصهيوني وما بقدر حدا يفرضها على اي تيار فلسطيني .

٣_ غزة مش عايشة بوضع بدائي ، وماحكيت انها تنسلخ من انسانيتها ، اي دول عربية اتعرضت لكارثة سواء ليبيا او سوريا او العراق كانت غزة حاضرة بالمقدمة وتساندنهم لانها داقت نفس الوجع ، بس تعتبر غزة افضل وضع فيهن ، بديش احكي كلام ديني لحتى ماحدا يحكي شعارات وكلام ملون . بحكيلك واقع انا:

رغم كل الحصار الا ان غالبية الشباب قادرة انها تفتح وتصرف على حالها ولو كان بسطة صغيرة وفئة قليلة يلي بدها الشغل يجي لعندها وتحكيلو تعال اشتغل امانه .

الناس وقت تحكي احنا ازهقنا ، والا تحكي عن وضع الكهرب وانا ذاتا بحكي هالحكي وكتير بس مجرد تنفيس .


ومافي حدا هون بيعاقب حدا على راي بيحكيه واذا عندك اعطيني مثال يمكن أنا مغيبه .

٤_ بالنسبة لقصة الكرامة ، انا ماخونت ولا حكيت ان فى حدا ذليل انا حكيت عن السلطة وهما بلسانهم حكو انهم عايشين تحت بساطير الاحتلال يعني بلسانهم ادانو حالهم . ومافرقت بين وحدة الشعب غزة متلها متل الخليل ونابلس الخصار والظلم واحد ، واظن فى فرق بين السلطة الحاكمة ممثلة بالرئيس وحاشيته وبين عامة الشعب ، واكبر دليل على ان مافرق بين الضفة وغزة لما انحرق الطفل بالقدس ابو خضير غزة ردت بصواريخ وقامت الحرب لكبيرة .يعني كلامك مردود عليكي ياملك .

بالنهاية / الموضوع كان بيتعلق بانفاق المجاهدين وانارتها ، وانا ردي كان بيتعلق بهاد الخصوص ، وما كان فى اي نوع من التخوين لحدا ، وما رديت ع ردك الا لتوضيح المقصد من كلامي وبس.

ومنورة

قصة الضفة وغزة ورام الله وغزة مش بالمنتدي
النبره هذا مكروهه
كلنا ولاد بلد وحدة وكلنا ولاد شعب واحد
مشكلتنا شو قال وبقول التلفزيون مش رام الله والضفة
مع احترامي لحماس وكل مقاوم غزة مش لحالها بتقاوم
والجهل ما يصل لهين ونقعد نفرجي الكل علينا
مش صغار انتو

المره هاي حذف مشاركة وهطنش هالهبل يلي انحكي المره الجاي بصير تصرف ثاني

يغلق