مهما كتبت مابوفى حق الامهات وامى

مهما كتبت مابوفى حق الامهات وامى

شو ما اكتب بضل قليل .. لان الحكي بضل حكي ..
يمكن ما قدرتي تجيبي ولاد... بس إنتي كمان إم... بألمك وشوقك للأمومة إنتي إم...
يمكن الحرب أو المرض أو الطرقات حرموكي من ولادِك... وأجرِك كبير بالسما يا أروع إم...
يمكن الغلطة أو المجتمع دفعِك تتخلي عن طفلك بوقت من الأوقات... بس في صوت رح يضل مرافقك ويذكّرك إنك إم... أو كنتي رح تكوني إم...
يمكن الإجهاض كان خيارِك بوقت من الأوقات... بس ما رح تنسي بينِك وبين حالك وبلحظة الحقيقة إنك كنتي رح تكوني مشروع إم...
يمكن اخترتي ما تتزوجي... ورحتي عرسالة حب وتطوع ورهبنة وتكريس... إنتي كمان بعيوني أجمل إم...
يمكن إنتي اليوم بالسما... عم تصليلي من فوق حتى كون أم صالحة أو أروع إم... عمدفنِك اليوم رح حط الورود وقلّك إنتي من السما أقرب وأحن إم...
يمكن الدنيا أجبرتِك تكوني إمي وبيّي وكل شي انحرمنا منو... كوني عثقة إنك تاج راح إحملو عصدري طول ما أنا عايشة يا أقوى إم...
مِدري يلي قال الدنيا إم كان قريب من السما أكتر من عتمة الأرض...


لإلكن كلكن ينعاد عليكن يا أجمل أمهات

كل يوم بيمر بحياتنا لازم نحمد الله ونشكره على النعمة يلي اعطانا اياها
الام والاب
وكل يوم لازم نبر بامهاتنا وابائنا مو بس بيوم واحد
كلام جميل ريتال
عوافى الك

كلام حلو بحق الأم
ومهما انكتب في حقها قليل
ربنا يحفظ جميع الامهات
شكراً ريتال

ما احلاه هالكلام ريتال
بجد الدنيا ام
والحياه بلا ام ما فيها اشي حلو
يسلمو ع الموضوع حبيبتي
وكل عام وانتي وكل الامهات بألف خير
وربي يرحم من منهن تحت التراب

طرح مميز راقي يسلموووووووووووو

كلمات أنيقة جدا

مميزة ب اختياراتك دوما

كل الشكر إلكك ل اختياراتك الانيقة

مهما نكتب عن الام ما بنوفيها حقها

كلمات رائعه
ييسسسلمووو دياتك ع الاختيار