انتبه من تحديث الوتساب الجديد ❌

بعد كل تحديث واضافة ميزات جديدة بأيا منصة بينتج بعض الـأخطاء البرمجية أو ما الى هنالك.

بتفتح ثغرات و غليتشات متوقعة أو غير متوقعة ، و في ناس بتستغل هاد الشي لمصالح شخصية غير اخلاقية .

تحديث الوتساب الجديد
يمكنك تشغيل رقمك على 4 اجهزة بنفس الوقت ❌
كان الوتساب بمجرد دخولك من غير جهاز برمز تسجيل دخول ، بتم تسجيل خروجك من جهازك الحالي .

هلق الوضع ختلف صار فيك تفوت من 4 اجهزة ، طبعاً بيظهرلك اشعار ورمز او بتعمل مسح للـ Qr Code الخاص بكل حساب .
بغض النظر عن وتساب ويب .

التحديث عملي و مناسب لكن من وجهة نظر شخصية كان لازم تنزل الميزة على نسخة وتساب بزنس يلي هيي أحق واكتر استخداماً لهيك ميزة ، بطبيعة التطبيق المستخدم للشركات ورجال الاعمال
ممكن مدير عمل يعطي وتساب لـ 4 ادمن يردوا عـ رسائل العملاء و ما الى هنالك من خيارات ثانية .

الثغرات والمشاكل يلي تم استخدامها بشكل خاطيء :

بغض النظر عن الروابط الاحتيالية يلي هيي ربحت قصر وربحت بيت و ربحت ضفدع بياكل شوربة فطر عالريق .

❌ يوجد رابط مزيف على شكل انضمام لشات وتساب ❌
بمجرد ضغطك عليه بياخد اكسس وبيفتح واجهة QR Code لرقمك الوتساب وبتم قرائتها و ربط رقمك بجهاز تاني اوتوماتيكياً وعم يستغلو هاد الشي لان مارح يسجل خروج من حسابك ،
واحتمال يسجل خروج من الوتساب عندك لان الميزة لسا فيها اخطاء .

الرابط واضح ومبين سليم ، مختصر بطريقة احترافيه ، انتشر بشكل رهيب وانتبهوا من الانضمام لأيا شات عبر رابط .

💥 انتشر اشعار '' تم طلب كود التسجيل الخاص بك ''
عم يظهر هاد الاشعار لـ 90 بالمية من مستخدمين النسخ المعدلة من وتساب بسبب التحديث الجديد.

💥طرق الوقاية من ايا اختـ&ـراق او تجسـ&ـس :

لاتستخدم نسخ معدلة
نسخ معدلة لا تستخدم
معدلة نسخ لاتسخدم
لاتستخدم معدلة نسخ

ادخل لحساب الوتساب الخاص بك
اضغط على الثلاث نقاط يلي بزاوية واجهة التطبيق من الاعلى بيظهرلك عدة خيارات - اختار '' الاجهزة المرتبطة '' : هون بيظهر جميع جلسات تسجيل الدخول والاجهزة الفاتحة رقمك على وتساب تاني بجهازها اذا لقيت جلسات غريبة اعملها تسجيل خروج .

روح لاعدادات الوتساب اضغط على الحساب - الأمان - بعدها ختار : تحقق بخطوتين - فعلها برمز و حط بريد خاص فيك بتقدر توصلو اذا نسيت الرمز لتعمل اعادة تعيين .

روح لخيار الخصوصية - من يستطيع اضافتي لمجموعات - ساويها جهات اتصالي فقط.

ايا مكالمة بتجيك ع خطك من رقم خارجي غير معروف المصدر ، مجهول او غير منتظر لاترد عليه واعملو حظر .

اذا وصلك رمز تسجيل لحسابك
لاتاخد سكرين شوت للرمز وتحطو ستوري وتكتب ياجماعة هيلب عم يختـ&ـرقولي الواتس شو اعمل ،

كونوا بامان 💥♥️