لزيارة المولود الجديد آداب ويجب الالتزام فيها
لحتى ما نأثر على صحة ونفسية الأم والبيبي😀

⚠️- نسقي مسبقًا ولا تذهبي غفلة بدون إخبارهم، فالوقت قد لا يكون ملائمًا، والزيارة ستكون سلبية على جميع الأطراف.😊

⚠️- قبل ما تحملي البيبي الجديد اغسلي ايديكي منيح.

⚠️- خففي من النصائح..وكتر الكلام
(قدمي الإطراء للأم الجديدة، بدلاً من النصائح فهي الآن بحاجة لسماع الكلام الجميل والمريح.)

⚠️- ما تتوقعي تلاقي مناسف وملوخية وليالي لبنان....لإنو يا دوبها دوب حالها.

⚠️- مش ضروري أول ما تشوفي البيبي...اوووووه شو هادا...وتطلعي جوالك وتبلشي تصوري....والصور تنشريهم على مواقع التواصل الاجتماعي..لإنو ممكن الأم ما ترغب بذلك.

⚠️- لا تسألي الكثير من الأسئلة التي قد ترهق الأم.

⚠️- إن كان للمولود إخوة أكبر فلا تنسي الاهتمام بهم، كمشاركتهم الحديث أو السؤال عنهم أو جلب هدية رمزية لهم.😀

⚠️- مش ضروري تبوسي البيبي....لإنو أي جرثومة ممكن تضر البيبي.😏

⚠️- ولادك خليهم ببيتك...مش تجيبي معك عر وكوم ولاد يخربو البيت ويسوو ضجة
تذكري الوالدة دوبها دوب حالها.

⚠️- ابتعدي عن العطور القوية عند الزيارة.

⚠️- كوني هادئة وتحدثي بصوت منخفض.

⚠️- لا تأخذي تصرفات الأم بصورة شخصية، فقد تكون حساسة، قلقة وعاطفتها متوقدة وهذا بسبب الهرمونات فلا تحكمي عليها هذه الفترة.

⚠️- لا تطيلي من وقت الزيارة.

⚠️واذا كان المولود بنت...مش ضروري تتفصحني وتحكي الله يزينها بولد...أو بدها ولد.😏

⚠️وما تعلقي على الأسم الي اختاروه.

⚠️حاولي تنسقي بينك وبين صاحباتك تروحو مرة وحدة.....مش كل يوم وحدة......😀

⚠️ما تعلقي مين بيشبه أو على وزن ولا طول ولا عرض ولا لون ولا عيون ولا شكل البيبي

#وأخيرا
تذكري.....قولي خيراً او ما تقولي شي تاني ينزع مرااقها للإم