منتديات قلب فلسطين - عرض مشاركة واحدة - #أخبار_عالريق 343 ✅يكتبها/سعيد الطويل
الموضوع
:
#أخبار_عالريق 343 ✅يكتبها/سعيد الطويل
عرض مشاركة واحدة
#
1
11-20-2020
لوني المفضل
Cadetblue
رقم العضوية :
1525
تاريخ التسجيل :
Sep 2020
فترة الأقامة :
1312 يوم
أخر زيارة :
12-29-2020 (09:21 AM)
المشاركات :
2,106 [
+
]
التقييم :
15
معدل التقييم :
بيانات اضافيه [
+
]
#أخبار_عالريق 343 ✅يكتبها/سعيد الطويل
#أخبار_عالريق 343
✅يكتبها/سعيد الطويل
■فش قرارات جديدة بخصوص تسكير القطاع عشان الناس مفلسة والحكومة معهاش مصاري تصرف عليهم .
■بس طلعوا مبارح كبشة قرارات فيها شوية تشديد عن قبل وفيها حبس وغرامات خاصة للناس المكورنين والمخالطين.
■المهم العدد اليوم قلط عنا ال750 حالة بغزة ،وبهذا الأسبوع عدينا خط ال3000 اصابة .
■بيقول ملحم انه حتصرف الحكومة هذا الشهر راتب كامل للضفة وغزة .
■لقيوا ولد صغير عمره تسع سنين مشنوق ومربوط بمنطقة ورا دارهم بحي الصبرة ،والشرطة بتحقق بالموضوع.
■حبس تلت تشهر لكل واحد معه كورونا محجور بداره بيطلع منها حتى لو عالدكانة .
■الداخلية بتوصي انه الرجال الكبار والعجايز ميروحوش عالجوامع عشان مناعتهم قليلة والأوقاف بتقول معاهم رخصة.
■بيقلك أي محل بيدخلوه بيلاقوا أصحابه مش لابسين كمامة حيسكروه.
■المطاعم حتضلها شغالة ديلفري بس للساعة 8 بالليل وحتبطل تستقبل زباين جوا المطعم للخمسة ،يعني كبيرك نظام غدا لو بدك تعزم حدا.
■سويسرا دعمت السلطة بأربعة وأربعين مليون دولار .
■الصحة العالمية قاعدة بتحذر من انه تنهار المنظومة الصحية عشان الناس مستهترة بغزة.
■لسة مجدلاني بده يحدد موعد شيكات الشؤون بأول الشهر الجاي .
■اليهود بيقولوا انه اخر صواريخ طلعوا من غزة كانوا من البرق ومحدش ضربهم.
■بآخر احصائية ..موجود 400 طفل محبوسين بسجون الا.حتلال.
■اليهود أفرجوا مبارح عن الأ.سير شادي مصلح من بيت لحم بعد 18 سنة بالسجن.
■مبارح عشر حالات وفاة من الكوورنا بالضفة وغزة.
■ سكروا مدرستين لقيوا فيها كبشة حالات في نابلس.
■ترمب لهلحين مش معترف انه سقط بالانتخابات ولا معترف انه بايدن علم عليه.
■طوشة عائلية بالشجاعية تصاوب في حالتين وحدة منهم بالراس .
■الجاج اليوم حينباع بالسوق بتمنية شيكل ونص وكبيره تسعة شيكل الكيلو.
■في قرار بتوظيف الأ.سرى المحررين بوزارات السلطة.
■الخضرة رخص سعرها كثير عن أول والخيار والبطاطا صاروا ينادوا عليها السبعة بمية.
#صباح_الخير للناس اللي بتسعدها أقل كلمة من الناس اللي بيحبوها ،وبتلتمس الاعذار الهم وبتكبرش المواضيع ويتمشي الأمور بحسن نية .
#صباح_الخير للناس اللي قد ما بتبعد عنهم بيضل بينك وبينهم محبة وقلبك عامر تجاههم وكل ما تشوفهم ولا تتواصل معهم بتجدد المحبة من أول وجديد.
#صباح_الخير لكل واحد بتسعده كلمة الله يرضى عليك من أبوه وأمه ،وبينشرح قلبه لما بيسمعها ،وربنا يعوض كل محروم منها خير ويرحم أبوه وأمه .
#جمعة_مباركة
وصلوا على شفيعنا محمد صلى الله عليه وسلم 🌸
زيارات الملف الشخصي :
16078
إحصائية مشاركات »
المواضيـع
الــــــردود
[
+
]
[
+
]
بمـــعــدل : 1.61 يوميا
الأميرْ
مشاهدة ملفه الشخصي
إرسال رسالة خاصة إلى الأميرْ
البحث عن المشاركات التي كتبها الأميرْ