منتديات قلب فلسطين - عرض مشاركة واحدة

11-15-2018

هاداالماسك الي هو بديل عن الواكس واكيد باقل التكاليف وأقل الأوجاع بدنا لوصفتنا الاولى كالآتي :
١- بياض بيضه وحده
٢- نص معلقة نشا الذره
٣- معلقة سكر
طريقة عمل هادا القناع بنخلط المكونات سوا حتى يتجانسو وتصير الخلطه متل المعجونه ناعمه وطريه وسهله للحط بمفردها على وجهنا وبنخص مناطق الشعر او الوبر على البشره وبنترك هادا الماسك لحتى ينشف تماماً بعدها بنشيل الماسك شوي شوي بايدين رح يطلع معنا الشعر بكل سهوله ومن غير وجع بنغسل الوجه بالماء الدافئ بعدها ماء بارد لنشد بشرتنا وبنمسح بماء الورد او بنوع التونر الخاص ببشرتك الي ذكرتهم سابقاً بمنشور التونر البيتي
الوصفه التانيه بنحتاج الا :
١- بياض البيض
٢- ورق مناديل المطبخ او اي نوع مناديل عاديه فاين
٣-فرشاة مكياج قديمه او فرشاة المعجنات
الطريقه بنحط طبقه من بياض البيض على بشرتنا بس لازم تكون ناشفه البشره ونظيفه وبنحط الورق المناديل فوق القناع طبعاً رح يلزق بس هادا المطلوب بنرجع بنحط كمان طبقة بياض بيض فوق ورق المناديل بالفرشاه اي فرشاه مكياج قديمه او فرشاة المعجنات وبنترك الماسك شي ٤٠ دقيقه لينشف لحتى ينجح معنا هادا الماسك لازم ينشف البيض على وجهنا وبتشيل الماسك رح يطلع معنا شعر ووبر ورؤس سوداء بنغسل الوجه بالماء الدافىء بعده الماء البارد لنشد بشرتنا واكيد هادا الماسك قابض للمسام والبيض في عناصر كتير بتغذي البشره