يمكن يكون كلامك مزبوط بس ما بعتقد إنه في إنسان بهالدنيا مفش عندو هدف،
مفش إنسان بالدنيا بخلق هيك عالفاضي او حياته بتمرق سدى،
بس في فرق بين الإنسان اللي الظروف والوضع بكون مهيألو اكتر وبتسمحلو بتحقيق الهدف،
وبين الإنسان اللي الظروف ما بتسمحلو من إنه يوصل لهدفه،
بهاي الحاله مش من حقنا نيجي نقول إنه هالإنسان مش نافع وفش عندو هدف !
حتى لو كانت إرادة الإنسان قويه وموجوده بس اوقات الظروف بتخليه غصبن عنو يتغاضى عن تحقيق هدفو !
وعلى فكره هالحكي بيتضمن الطرفين الاناث والذكور،
انا ممكن اقول إنه الذكور بحققوا اهداف اكتر من الاناث، مش رح اقول الذكور عندون اهداف اكثر من الاناث، بدنا ننتبه للفرقيه بين هالنقطين،
عموما لو الشب بحقق اهداف اكتر وقادر يمكن لإنه بكون مدعوم اكتر.
اما من ناحية التزام فالمواعيد، يمكن كلامك فيو وجهة نظر بخصوص الاناث مش كتير بلتزموا،
الذكر بطبعه جدي اكتر من الانثى، بس الانثى اشياء كتير ممكن تلاهيها حتى لو كانت جديه ! بس مش رح اعطي امثله عن الاشياء اللي ممكن تلاهيها لإنه ممكن يختلف من بنت لبنت،
ومع هيك صعب إني اشمل كل الاناث فهالنقطه لإنه في كتير ناس بعتبروا موضوع الالتزام وكإنه مبدأ حياة.
مشاعر موضوعك كتير لفتني،
بحب هالنوعيه من الاسئله اللي ما بنحكى فيها بالحياة اليوميه،
ناطره اسئلتك الجايه.
صحيح انا بفوتش كتير ع المنتدى، بس قسم النقاش داسما بفوت عليه.